ودآعيـه لقــ شكسبير الصـرقعه ــروب ..( فلم مرعب )..

السـلام عليـكم

\\

آسمحـولي بثـلاث ابيـات

آهلآ وسـهلآ بالـرفقاء والآحباب
...............إعداد مـاهل المطـر وآضـرب العـود
ماهمنا نشـر الدعاية والآلـعاب
............... لنـاس منطقـهم على الشـين محدود
مـاهمنا لو ذمنا كل كذاب
...............آيضـا ولا جيـنا على درب منقـود

وسـلامـــــتكم

..
أحبك ايها التمساح

فيلم يحمل الكثير من المغامرات والرومانسيه والرعب بجميع انواعه

بطل الفلم : الممثل الشهير ومحطم قلوب العذارى والي يقدر يسدح يسدح سبعه ببقس واحد وتدعسه دبابه ولا يجيه شي ويقدر يطيح الطياره بالمقلاع واذا ماوصلت ( يجيب السلاح المطور النبيطه )

والي يقدر يقعد عند المكيف بعد مايتروش ولا يصير له اي شي ^.^

صفقوا للنجم الكبير : جـني إن ذا قوطي

وفنانة الجماهير الاولى :غصوون الشووق

هذا الفلم برعاية : باسكن روبنز لبـيـع الاحذيه

تعليمات ادارة سينما مدرسـة المشـاغبين

1-غير مسموح لمن تقل اعمارهم عن 18 سنه لان هذا الفلم يحتوي على لقطات مخفيه للغايه (جني سوف يفصخ فنيلته العلاق )لذلك نرجو عدم اصطحاب بزارينكم

2-الاداره غير مسؤوله عن اي شخص لان هذا الفلم فيه لقطات خطيره ( البطل راح يبلع لسانه )

3- غير مسموح لاي من التماسيح جلب معاه الفصفص وذلك لاجل الا يلهيكم عن الفلم الفشار ويخب عليكم

4-من فيه الضغط والسكر والقلب ننصحه بعدم مشاهدة هذا الفلم وذلك لاحتوائه على لقطات مرعبه جدا

ارجوا التقيد بالتعليمات لان الاداره غير مسؤوله عن اي شي يحصل

طن طن


نسينا امر مهم حبذا لو الي يدخلون يكونون متزوجين لان الممثله ملكة الاغراااء

ملاحظه هامه
والله لو تموتون ماعلينا منكم ... هذا الفلم يخوف مرررره واذا تبي تدخله على مسؤوليتك
اللهم اني بلغت اللهم فاشهد

طن طن

3


2


1

اكشن

يبدأ الفلم والبطل يمشي بالشارع ويشوف له ذيك البنيه الي تقطع الشارع ولا انتبهت لراعي التريله(القلابي يعني ) الي مسرع البطل في هذي اللحظه قال في نفسه لازم انقذها . وينقز ذيك النقزه الي تذكرني بنقزة بروسلي ويرفس القلابي من الرفرف اليمين وينقلب القلابي (عادي الفلم مصري وكل شي جايز ) المشكله ان القلابي يوم انقلب زحف وضف معه خمسه اوادم وعشانكم نخليها سبعه وقش معهم خمس سيارات وعشان نحلي الفلم نخليها سبعه على عدد الاوادم

اتجه البطل جني ابو قوطي للفتاة وشافها تلقط حبات الفلافل فلافله ورى فلافله الي طاحت منها يومنها بغت تنصدم
وبكل حنان الدنيا يقوم جني ابو قوطي ويساعدها في تلقيط حبات الفلافل (بعد مازرف كم وحده ) ويسألها : ماهو اسمك ؟؟

ترد عليه وتقوله اسمي غصوون وينادوني بام كشه ويدلعوني بام لسانين
التفتت له وقالت له ياحبيبي (اكيد بتقوله توه رافس تريله عنها )مرسيه اوي على انقاذك حياتي >>> قلبت لبنانيه البنت

وقالت له غصوون انا لازم اردلك هذا الدين فاطلب اي شي يخليني ارد لك قميلك بالمصري
قالها جني: ابي ناخذ انا وانتي فره على الكورنيش وراكي حاجه ؟؟
قالت غصوون :لا ياحبيبي ماوراي اي حاجه
قالها بو قوطي الي هو انا : طيب جيبي الفلافل معك عشان نفلي فيها واحنا نتمشى على الكورنيش ( ضرس ذا الولد)

ننتقل الى سيارة جني ابو قوطي ددسن غماره وحده موديلها 82 وهو مشغل اغنيه :تسألني تحبني اااااه وبأؤولك برهبس يس برهبس نوو ياحبيبي يمكن ااه ويمكن لاااا لاني ماعرفكش.
جني ابو قوطي سفط الددسن على اليمين علشان يشتري بكت دخان بس ماكفت الفلوس وحول على دخان الهنود بو ريالين

ويوم طلع من المحل ويشوف غصوون ام كشه شايلينها اثنين يشبهون تركي واحمد101 والله الزول زولهم
المهم صرخ جني صرخه تذكرني بزئير الاسد : غصوون انا جاي بس بعد ما اخلص الزقار الي بيدي
وبعد ماخلص الزقاره قام يلحقهم وهو يلحقهم قام يلقط حبات الفلافل الي تطيح منها (ابوك يالحب) المهم ماقدر يلحقهم لانهم وصلوا للهيلكوبتر قبل مايجيبهم
طارت الهيلكوبتر وفيها غصوون ام كشه بس جني ابو قوطي طلع ذهين ولقط رقم الهيلكوبتر وسجله بورقه على الفلم
>>>>> كيف تجي مادري بس مشوها

قعد جني ابو قوطي ياكل فلافل غصوون ام كشه ويفكر شلون ينقذها
وفجأه وهو قاعد يزرط الفلافل غص جني ابو قوطي بحبة فلافل ويقعد يتدربى على الارض ويصقع راسه بالجدار يبيها كودها تطلع بس ماش عيت تطلع

يوم خربها جني ابو قوطي ويدخل يده في وسط حلقه وقام يسحب هالكوره لييين طلعها
كوره مدوره تذكرني بكور القرعه حقت تصفيات كأس العالم صغيره مره

ويجي بو قوطي يتعبث بهل كوره ولا يوم انفتحت نصفين ولقى فيها ورقه صغيره مكتوب فيها: طريقة عمل طورطه الفول مع محشي الفلافل
يوم سمع جني ابو قوطي صوت الهيلكوبتر وهي راجعه مره ثانيه وهو الي يقوم ويفصخ فنيلته الكاروهات ويبقى بفنيله علاق (آآآآآآآخ طرطعرعطرطبووومو كان هذا صوت سبعه متفرجين مااحتملو المنظر مع اننا منبهين واغشى عليهم )
ويفصخ بنطلونه الشاموا(المشكله في عز الحر) ويطلع الشورت الاخضر

ويطلع جني نباطته ويحط فيها ثلاث حصيان ويطلقها : وحده بنطت بالمروحه وترجع على احد المتفرجين والثانيه شقت تانكي البنزين شق والثاله في راس سواق الهيلكوبتر
( والله ياهو نجس هالجني )

يوم طاحت الهيلكوبتر ويطب منها عشرين واحد قبل ماتنفجر وكل واحد معاه مسدس ومدفع

يوم اتشت مع جني ابو قوطي وهو الي يجدع النبيطه على جنب ويطب عليهم وهم يطلقون النيران ويتفاداها مثل ماتركس لما يتفادى الطلقات

ويصرخ عليهم قائلا: حخليكم شاورما انا بقلب امها خبيتي هنا وين غصوون ام كشه
ويمسك جني ابو قوطي اول واحد فيهم ويعفطه لين ماصار مدور ويدربيه على اخوياه ويطيرون 14 واحد مره وحده
(عادي الجمهور يحبون ذا الحركات )

ولا فيه واحد مصوب عليه مدفع ويطلقه بس اشواا شطفت الطلقه جني ابو قوطي وجت في الخمسه الي ورى

ويجيك بوقوطي ويمسك الضعيف مع اذانه
(ماقلت لكم انه نجس)
ويرفعه فوق ويقوله : اعترف وين غصوون ومين الي اخذها

رد عليه الضعيف: الزعيم مزمز ميرندا هو الي قال جيبوا غصوون ام كشه واخذوا منها وصفة طورطه الفول مع محشي فلافل
بس احنا مالقينا الوصفه معها قلنا يمكن طاحت منها ورجعنا
والله وياخذ جني ا بو قوطي وصف البيت الي فيه غصوون

ويحتري لين مامرت سياره ماشيه مليون ويقط ذا الضعيف الي هو احمد101 قدامها ويروح مراح جدتي شاكيرا

(نجس بس ماصدقتوني)

وصل جني ابو قوطي للبيت الي فيه غصوون
وشاف في اعلى البيت غصوون وهي تراكض والزعيم مزمز يحاول يأكلها شاورما بيدينه وتاتش مره ثانيه مع جني ويجي مشوت جهة الشجره ويطمر عليها ويتشقلب ويوقع بالسطح ( لاتصدقونه لقى سلم وطلع للسطح منه )
ويتعلق في الحاجز ويطب البلكونه (ماشاء الله عليه تراه مانام من الصبح)

ويدخل عليهم واول ماشافته غصوون ام كشه طبت عليه وهي تصارخ : جني الحقني هالماخوذ الي اسمه مزمز يبي يوكلني شاورما زياده شطه وكتشب وانا ماحب الكتشب الحقني ياجني بليز (تعرف بليز ذا الغصوون )

يوم وخرها جنيي وخلاها ورى ظهره وهو الي يفصخ فنيلته العلاق
(طخ طع بوووم طخ اصوات الي في الدرجه الثالثه في السينما وهم يصفطون على حقين الدرجه الثانيه من هول المشهد)

ويوم فصخ جني فنيلته العلاق برمها برمها وحط فيها الزعيم مزمز وهو يقوله : تبي توكلها شاورما وبعد بكتشب انا بوريك نجوم الظهر بالصبح طح طح طح (اصوات جني وهو يصفق الزعيم مزمز على جبهته)ويمحطه ويمحطه

شوي وانفتح الباب ويدخل منه ظابط الي هو ابو عـمر ويقول : محد يتحرك المكان محاصر اصحى تفكر يامزمز بالنحشه

وفي النهاية تم القبض على مزمز وعصابته بعد محاولتهم الفاشله في معرفة سر طورطة الفول المحشي بالفلافل

وقد تسلم جني ابو قوطي وسام التبرع بالدم من الدرجه الاولى نتيجه لنجاحه في الثانويه العامه قسم اساليب مجهريه

وهكذا اعزائي المشاهدين نطلع بفائده من النهاية المفرحه لهذا الفلم

وهي انكم ماتلعبون كيرم بدون بودره وذلك لكي تسقط ام خمسين بسهوله

ـهههههههههههههههههههههههههههههـ

يله اتمنى ان الفلم اعجبكم ومعليش على الاطاله

دن دن