يا صغيّـر مـا يكبرنـي لقـب وما يصغرني إلا انكرني صغيـر
ما خذينا الصيت من جمع الذهب ولا نسابة شيخ او قربـة وزيـر
كاسبينه من هل السيف الحـدب الجنايز كان مـا جـاك النذيـر
صيتهم نجم ٍ على رأسـه لهـب سمعوا الصقهان به واجهر ضرير
بالوفا تاريـخ أبيـض ينتصـب لا حكوا بالحق حييـن الضميـر
ضيغميـن للسناعيـس انتسـب لابةٍ طلنـا بهـا عـرش كبيـر
عند حدك يا كثيـر الهـرج تـب ولا تمر النـار وثيابـك حريـر
كـان لـك عـز بذلـي فتعقـب والله ألا تبطـي وحبلـك قصيـر
احسبنك مـن صناديـد العـرب واثر ساترتك عباتك يـا غريـر
ما حسب للسوس زراع القصـب والقراده ما درى عنهـا البعيـر
ولو حسبنا للحسايـف والتعـب ما بذرنا يا العصافيـر الشعيـر
عن هللك ابـراي لله واحتسـب الرجال اللـي مجارهـم عسيـر
من قريش المصطفى وابو لهب الداغب ما غشت عذب الغديـر
للرجال مـن الرجاجيـل العتـب والزكاة تحل فـي حـال الفقيـر
لعنبـو وقـتٍ غدينابـه حطـب تحرقـه نـار يثورهـا اجـيـر
ما ألومك والزمن سوى العجب بقى غير الكرامـه بالجفيـر
ما أذل وراسـي يشـم المهـب لو بقى من شمر طفـلٍ غريـر
وما اهاب ولا يزلزلنـي غضـب الشجاعه ورث والعاقـل غزيـر
يـا صغيـر مـا يكبّـر باللقـب غير من هو كان من دونه صغير