خانت الدنيا بها أفـكــار من فكّرتحــــــيـر=من تخاليف الـدّواليب ما فيها قــرار
لو صفت في يوم بالــيوم الآخر تســـتــدير=ما يجي من حلوها كثر ماتعطي مـرار
صار ممشاها بها الوقت مع مجرى عسير=غيرت منهـاجها الزين والوقت أستــدار
طمـّنت روس الحمــايل مدلّهت القــصـير=الرجــال اللّي مـن أول لها قــدر ووقــار
وأرتفـع فيها رجال أسم والأ الفـعل غــيـر=صار طيب اليوم لأهل المناصب والتجار
كــم تلــقــّي وجهـها واحـدٍ مــافـيـه خيــر=لانصوه أهل المواجيب طيبه بالعذار
من عجـب ماشـفت فيها وانا توّي صـغير=آخر الوقت أشترى الخيل ركّاب الحمار
قـبل مايـقــنونها إلا مـفــرّحت الـنـــذيــر=لاسمــع في سـربةٍ حاولت هكــالــديـار
لا توكـّد بالخـبر واوصل العـلم الأمـيــر=قال خفت يحاولون العرب مأنتم حضار
قال لّه علـمك وصل وصـّلك ربي لخيـر=بس مانرحل عن الدار لو راحت عمــار
من كتـبله طولت العـمر ماعـمره قصـير=ولاتــطول أعـمار ناس كــتبها الله قـصار
يوم ثاني بالضّحى جاهم الراعي مغـيـر=صاح بأعـلى الـصوت يالابتي يأهل الـبكار
لجّ كلّ النجع صوت الكـبير مع الصغير=وأهــل الـعــادات ركـــبـوا على قـبّ المــهار
جلّعن مثل القـطا الـلّي يبا نقـعـة غـديـر=صافــقـه لاهـوب صـيـفٍ ميبـّسـن الخـضـار
يوم شـافوهم ولحقـوا على شـرٍّ وخـيـر=اسـهــمت بمجـرّب يـوم شـاف الجـمـع أغــار
ضاريٍ في جدعة الشـيخ باليوم الكـبـير=لا تــلاقـــن الســـبــايا وحـــسّ الـهــيــج ثــــار
وارده باللّي تداوي الغـليل من الـمغـيـر=مانسى الصــيحه وهــو يسمع حـنيـن أم الحـوار