طريقه تصلح يد عطلانه وكيف تخلي اليد العاديه ايا كان نوعها او سعرها الى يد اصليه تدوم

جايب لكم طريقه فيها كيف تصلح يد عطلانه وكيف تخلي اليد العاديه ايا كان نوعها او سعرها الى يد اصليه تدوم للأبد
نبدأ الشرح:_
أولا:تصليح اليد العطلانه:
خذ اي يد خربانه عندك ماتشتغل مثلا خذ يد عاديه(ماهي هزاز)
بعد كذا تمسك سلك اليد وتقوم بتعرية السلك من الغلاف البلاستيكي الي موجود في مجموعة اسلاك ملونه كما في الصوره
الصوره(1)
شيل هالغلاف كامل من اليد لين فيش اليد

بعد ماتشيل الغلاف كامل تمسك الاسلاك الملونه واحد واحد من عند اليد والفيش وتقوم بالشد

مثال نمسك السلك البني من جهة اليد ونمسكه من جهة فيش اليد ونشده شوي شوي واذا انقطع بسهوله هذا معناه انه كان مقطوع من الداخل
من الاسلاك النحاسيه الي فيه وماباقي غير غلافه البني ماعلينا انت الي يهمك انه بعد ما ينقطع معاك تقوم بتوصيله مع بعض وتأكد من السلك
الواحد اكثر من مره لانه احتمال يكون السلك الواحد مقطوع اكثر من قطع واحد.
لاتنسى تغطي الاسلاك المكشوفه بشطرطون(لصق) عشان ماتسوي التماس مع بعضها.

بعد ماتنتهي من شد جميع الاسلاك وتتأكد منها وتشبكها ببعض. تقوم بالخطوه الاخيره والي هي تجميع الاسلاك مع بعضها بشطرطون كبير
ويفضل شطرطون قماشي. بالطريقه التاليه شاهد الصوره :_

-------------------------------------------------------
انتهينا من التصليح
نجي للي تعلمناه:_
ان اليد نفسها لاتخرب وانما تنقطع اسلاكها النحاسيه من داخل السلك.شوف بعض اليدين الاصليه كيف ملتويه الاسلاك فيها
هذي اليدين مصممه انه مهاما التوت اسلاكها لاتنقطع.بفضل تغليفة الاسلاك المرنه.
شوف هالصوره يمكن تفهم اكثر من الشرح واعذروني على الرسم المهم ان تفهم فقط
الصوره(سلك)
-------------------------------------------------------
انصح اي واحد عنده او بيشتري يد غير اصليه يسوي هالخطوات واذا انه خايف اقوله ماراح تدوم معك اصلا غير اسبوعين وتخرب
وتلجأ للطريقه الي فوق (يعني الوقايه خير من العلاج)0

كيف تخلي اليد العاديه ايا كان نوعها او سعرها الى يد اصليه تدوم للأبد؟
انت اشتريت يد عاديه أم5 ريال وعجبك لونها وشكلها وتتمنى انها تدوم اكثر معاك
انا اقولك بكل بساطه تقدر تخليها تعمل معاك لين تكح
تقولي كيف؟
أقولك ببساطه
1-انزع الغلاف الي عللى سلكها كامل من اليد لين فيش اليد
تقولي لا تبغاني اخربها بها السرعه
اقولك لاتخاف واذا جيتني بعد ثلاث شهور تقول خربت اليد بعطيك ثنتين غيرهم
تقولكO.K
اقولك طيب بعد مانزعت الغلاف حقها تجيب شطرطون قماشي وبشكل طولي زي الصوره الي فوق وتضها عاى الارض
وتجمع الاسلاك وتحطهم بالشطرطون وتبدا تغلف.
================================================== ======
ختاما ارجو الفائده للجميع واعذروني على بعض الصور
وان كان فيه غموض بالشرح اي استفسار انا مستعد
ارجو وضع ردود لاني تعبت لكم

فيه صورتين ماجو معي الصوره(1)+الصوره(سلك) تقدر تحملهم من هنا
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

---------
ملاحظه الطريقه مجربه على عدد كبير من الايدي وفعاله للغايه