ألف شاعر بالمواقع يمدحون الشاعـره=ينثرون الورد فيها يوصوفون افعالهـا
كلهم في صوت واحد هالقصيدة نـادره=كلهم يتسابقـون ويكتبـون افضالهـا
صح نبضك يارهيبة والله انك ماهـره=والمعاني والجزاله غير مثلك من لهـا
ماقريتم ياحثالة من حروف الخاسـره=غير عنوان القصيدة بعد نسخ ايميلهـا
شعرها كله مكسّر والقوافـي قاصـره=من تبي للمجد ترقى تنتخـي بقوالهـا
السؤال اللي تكـرر والإجابـة ماكـره=من كتب هذي القصيدة كلهم قالو لهـا
ماجمعكم حرف طيّب ياذبـاب الغابـره=ماجمعكم غير حرمه وافترقتـم لجلهـا
شاعرة باعت جسدها كل ليلة ساهـره=وشاعرة تلبس مخصّر والصحافة حولها
شاعرات النت لعبة والرسايل صـادره=من تضحي في شرفها ينظلـم رجّالهـا
من كلامي مابتزعل غير ذيك الصاغره=من على راسه تحسس قال هذي مالها
كل مافي هالقصيدة مايخص الطاهـره=المعاني ماتزعل غير من يُكتـب لهـا
القصيدة من لساني والمعانـي جايـره=هات لي رجّال واحد من يسطّر مثلهـا
بعضكم يحتار فكره من تكون الساخره=عزة اللـي كاتبتهـا كلكـم ماطالهـا
شاعرة من قوم غامد والجبال الساحره=والحروف السرمدية ماتليـن إلا لهـا