ليل الهجاد
ايييه ياجمر الغـلا لاصـارت الفرقـا رمـاد
اشتعل فالبال طاري وانفجر صـدري قصيـد
أرتويت من الليالي حزن!! وهموم!! وجهاااد
لاعني وقتي وأنا باسي علـى الدنيـا شديـد
وآعذاب عيوني اللـي فارقـت حلـو الرقـاد
ذعذع الغربي علّي ومالت أغصـان الجريـد
زرعي اللي زارعه وأرجيه في يوم الحصـاد
أذكر اني حافظـه وأسقيـه مـن دم الوريـد
والجروووح اللي بقلبي مالها طـب وضمـاد
غير شوفة من تربع بالحشا وأصبـح وحيـد
فرحتيبه كنهـا التحريـر فـي أعظـم بـلاد
دولةٍ فيها الفـرح والعيـد بالنصـر المجيـد
طلّته مثل البياض اللي فضح وجـه السـواد
ضحكته خلتني أحيـا وأبتـدي عمـرٍ جديـد
فز قلبـي يـوم شفتـه كنهـا فـزة جـواد
في نهائي كاس أبو متعب عسى عمره مديـد
عينه الخجلا تهز جبـال لـو كانـت جمـاد
والشفايـف لاتبسـم ثغرهـا ذاب الجلـيـد
يوم لامس كفـه الطاهـر يمينـي بإرتعـاد
قلت له يامرحبـا واليـوم هـذا يـوم عيـد
آتربع فوق عرش أغلـى طموحـه بإنفـراد
صرت أعد أيام عمري وأنظم العقـد الفريـد
لاحكى لي بالسوالف !!!! قلت يـارب العبـاد
وش لحن عبد الحليم !! وش لحن عبد المجيد
أشهد اني يوم أحبه دوم!! لـي غايـة مـراد
حب وافي من صميم القلب والمولـى شهيـد
ذاك لامن قال لا لا!!!!!!!!! قلت ياليل الهجاد
وذاك لو ينطق أحبك قلت ياهـل مـن مزيـد
حبه اللـي ماكـنٍ بيـن الحنايـا بإعتمـاد
إنطبع في وسط قلبي مثـل مطبـوع البريـد
آآآآآه ياجمر الغلا لوكنـت ماترجـع رمـاد
كان تبقى مصدر إلهامي على بـدع القصيـد


الشاعر : عبدالله بن مرهب