آه مـنّــك يـادمـوعـي لـيـلـة الـفـرقــا نـزلـتــي=والناس تنظر وتسأل ياترى وشهي المصيبـة .
الله اكبـر ياعيونـي كــم مــن الحـسـرات نلـتـي=نلتي الحسرات ما هـو بالرضـا لكـن غصيبـة .
وان صمدتي ياعيوني وان صبرتـي واحتملتـي=حاربك همّ الفراق وخاسر ٍ من هـو حريبـه .
ياظـروف الـوقـت حـنّـي والله انــك قــد قتلـتـي=خافق ٍ مجروحْ وجروحه من الفرقى عطيبة .
يالليـالـي الـسـود بالله لـيـه فيـنـي مــا عدلـتـي=لـيـه شبيـتـي خفـوقـي لـيـه زودتــي لهـيـبـه .
يالمشاعـر لــو نزفـتـي واحترقـتـي واشتعلـتـي=كـل هــذا مايـرجّـع صـاحـبٍ فــارق صحيـبـه .
يالحبيـبـة فــي وداعــك لـيـه لـلـونـات شـلـتـي=كـان ودي ترحلـي مـن دون صـوت يالحبيبـة .
يـوم جيتينـي بعلمـك يـوم عنـدي قــد وصلـتـي=شفـت انـا بعيونـك آثـار ٍ لدمـعـاتٍ غريـبـة .
اثرها الفرقى دعت لك واثرك انتي ما احتملتـي=اثرهـا الفرقـى علينـا حكّمـت سـيـف الغليـبـة .
قـد عطيتـك قلـبـي آنــا وانـتـي بقلـبـي دخلـتـي=قلـت هـذا بيتـك العامـر بقلـبـي وانـزلـي بــه .
وانتـي بحـبـك عطيـتـي وانـتـي بحـبـك بذلـتـي=ميـر خانتنـا ظـروفٍ ظالمـة ْ جــدا صعيـبـة .
والله انـك يــوم رحـتـي والله انــك قــد جعلـتـي=حالتي مثـل المريـض اللـي يئـس منّـه طبيبـه .
بعـد مارحـتـي وغبـتـي بـعـد ماعـنـي انتقلـتـي=انتظر موتي يجيني عمرْ ضايعْ وش ابـي بـه .