شرواك ياللي في ضلوعي توطّنـت دام القصايد عطرها لـك والالـوان

شرواك ياللي في ضلوعي توطّنـت
دام القصايد عطرها لـك والالـوان

هذاك قلبـي مثـل منْتَـه تلوّنـت
عاشق جمالك دون حبك ولا كـان

روحي بدربك وانت فيهـا تكوّنـت
واوتار نبضي كلها تعـزف الـدان

تاج المشاعر لك حروفي ودوّنـت
من بوح قلبي يا مناتي لك اشجـان

مشتاق وصلك في بعـادك تجنّنـت
من زود شوقي كنت ضامي وحيران

حبّـك حبيبـي يمتلكنـي وأيقنـت
انّي بحبّك معتلي فـوق الاغصـان

سوّي الذي ودّك حبيبي ولا هنـت
مثلك يسوي مـا يعاتبـه انسـان

ناجيت روحي وانت قاطع وخوّنـت
وامسيت ثاوي بين همي والاحزان

أرجوك قلي ليـش فينـي تفنّنـت
وخليت قلبي طاح في حبّك ازمـان

ليتك تجيني عقب ما كنت أوهَنـت
حسّيت دمعي صار يمخر بالاوجـان

هات الاماني ياللي بالحـب اتقنـت
رسم المعاني فوق رحبي بالاركـان

نسهر بدار(ن)كلها فيـك أسكنـت
داخل ضلوعي في عيوني والاجفان

دارك بروحي وين ما كان او كنـت
فدواك ياللي طلعتك بـدر شعبـان

وحدك حبيبي إيـه بالله يـا أنـت
جيتك مولّع فيك هـاوي وولهـان

ان كنت قاصدني بهجرك وهوّنـت
لا والذي سواك يـا فتنـة البـان

نـام وتهنّـا دام فينـي تمكّـنـت
ودامه غرامك صار في كل شريـان


وسلامت عيون كل من قرا وتاابع