خدووود ســـــــــــاره

هذا اهـــــــــداء لكم......... هذي القصيــــده للوالد رحمة الله عليه



جيت لك ضامي بعز الصيف هل تسـقين ضامي ****** ضامي لوخان فيه الوقت مـا خـوّن بجـاره

وجيت في عز الشتا في ليلة بــرد وضلامــي****** اوقد حروفي قصيد وكل حـرف شـب نـاره

تختلف عندي معايير الزمـن شـــرق وشامــي****** لاني اطلق من عباد الله ولا ابحث عن الاثـاره

جيت تجري بي رياح الشوق لو الموت امامـي****** واحـد لامـاك والا بيعتـه عمـره شعـاره

قاطعتني واستـدارت قبـل لا اكمـل كلامــــي****** بري حااالي ماذبحني غيـر ذيـك الاستـداره

قالت انت اشفيك تبدا بالحكـي قبـل السلامـي****** ودي ادري هو عدم تركيز والا انهـا شطـاره

قلت سميهـا زلـل بلــسـان يابنـت الكرامـــــي****** قولي انه خانه التعبيـر فـي نطـق العبـاره

والهوى يا بنت لو يعرف عزيزيـن المقامــــي****** مالفى الضامي على بابك ولا طـال انتظـاره

ولا نشف ريقي على الميراد وعروقي حيامـي****** رغم مابك من عفاف وما بقلبي مـن طهـاره

قالت المح فيك حزن له شهور ولـه عوامـــي****** قلت ما للخاطـر المكسـور ياكـود الجبـاره

اسمعيني لا عدمـت اللـي ورى ذاك اللثامــي****** الحزن فيني ويدفعني علـى كسـب الصـداره

اعشق ان العشق يضنيني ويحرمني منامـي****** واعشق اني ليتصدرت اتصـدر عـن جـداره

واهتوي في البر بـره والغزيـر الالتطامـــي***** ابدوي (ن) يعشق اهل الباديه واهل الحضـاره

واتحمل وان بغيت اقـوم شالتنـي عضامـي****** وان بغيت اطيب طبت ولا خذيت الطيب عاره

واحتمل عوجا رفيقي واكرمه فـرخ السنامـي****** الدهر باير وابن عمي وقـاري مـن وقـاره

وعشرة عيال الحمايل من على صدري وسامي****** المجرب قال معرفـة الرجـال اكبـر تجـاره

حسبي الله يوم حدني العطش والطيـر حامـي****** لين قمت اسوق بغيابك علـى شوفـك بشـاره

اشهد ان العيـن تضمــا للربيـع وتستهامـــي****** مثل ما تضما على غيث المراويـح الزبـاره

ومثل راع الصنف ليصكه على كيفه اضرامي****** كل مادقت هجوسه شب فـي خشـم الزقـاره

قالت اصبر فعل ربعي مروية حـد الحسامـي****** ويش بتسوي ليا شنوا عليـك الصبـح غـاره

قلت لعيونك وانا ميـت عطـش والا هيامـــي****** عاشق ومناه ياخـذ يومـه امـن اول نهـاره

عاشق ليهام هام بصـدق وليـا شـام شامـي****** بس في لاماك ما أصلي صلاة الاستخــاره

انظري للوضـع واسبابـه بعيـن الاهتمامــي****** وارفقي باللي غدا ما بين عشقه واحتضاه

ان قبلتي جيـت اغنـي ياسلامـي ياسلامـي****** والوفا ياخذ خفوقي من يمينه لي يساره

وان وقف حظي مهو من طبعي اعظ الابهامـي****** اشري لي باصبعك والحر تكفيه الاشاره

خافقي يشبع ويشلـع شلعـة الحـر القطامـي****** ليتعلا من بعد ما ينتثر ريش الحبــــاره

واقبلـي منـي تحياتـي وشوقـي واحترامـي****** وعذر منهو ساق حاله وارخصه قبل اعتذاره

صابني مـا صابنـي لا تلحقينـي بالملامــــي****** مثل ما صاب ( المطوع يوم شاف خدود ساره


وســلامــتــكــم