هذا حبيبي وهذا اللي تمنيته=ماغيره احد ملــى قلبي ولا عيني
هذا الذي بين كل الناس حبيته=أغليه وأدري كثر ما أغليه يغليني
أعطاني كل الحب ،وأعطيته=بيديه قلبي وقلبه صار بيديني
يذوب شوق ووله لاغبت ماجيته=وإن غاب شفت الشقا والهم يطويني
حبيبي اللي بوسط العين حطيته=أموت في نظرته ويموت هو فيني
ماهمني يزعلون الناس لارضيته=دامه حبيبي بهالدنيا يكفيني
هذا هو اللي تمنيت وترجيته=الله يديم المحبه بينه وبيني