[اللي تركني وأنا في عز غربالي=بعد الشدايد وش اللي ذكره فيني؟
يبغى زمانه يعود ويرجع الغالـي=وشلون يرجع بعد ماطاح من عيني؟
لا الوقت وقته ولا له شي في بالي=أنا نسيته مثل ما كان ناسينـــي
ياما تمنيت نظره منه في حالي=ياما تمنيت صوته لو ينادينـــــــــــي
وأقول لــ"أظلم"علي الليل بلحالي:=الله يجيبه يشتت غربة سنينــــي
من كثر ما كان طيفه دايم قبالي=أحيان أحسه معي وتضمه يدينــــي
ولا من تنبهت لين وجيه عذالي=كل على ما طرى بــــــاله يسمينــــــي
ليته تركني بعد هذا على فالي=زي ما تركته بعد قتله بساتينـــــــي
من بعد ماصار جا بلسانه الحالي=يبغى يرجع زمان بينه وبينـــــــي
قولوا له:إني ما أحبه كثر ترحالي=أو..لا..حرام يتضايقوالا يبكينـــي
قولوا له:إني أحبه بس من تالي=إن راح والا رجع ماعاد يعنينـــــــي]