البارحة مالت غصون معذبتني بثمره *** واشبعت قلب كان متعبني على لقمة هوى
البارحة صوت الغلا جاب الهروج معطره *** وجروحي اللي مالها عندي دوى جاها دوى
البارحة باتت همومي وسط حضن المقبره *** واحيا الله بعيني خفوق في حياته ما ارتوى
البارحة كل الحياه بنظرة عيوني مره *** جتني تسابق شوقها لين وصلوا عندي سوى
وقبل أمس همّتني جفا كانت غرامي تنثره *** والمّ كسرة خاطري والعن ابو درب الهوى
والعن ابو ؟ هواها في قليله واكثره *** والعن ابو ؟ الخفوق اللي هوى مدري غوى
واضيق وازعل وانتخي لليل واقعد واسهره *** وارمي غلاها لقمة للذيب لاجاع وعوى
واثر الهوى يا اهل الهوى قاسي علينا ما اكفره *** وليا نوى يحرق قلوب العاشقين اليا نوى
ما كنت أعرف ان الظروف أصعب من شعور زهره *** ما كنت أعرف ان الغلا في قلبها شب وضوى
واني غلاها اللي تنامه وان سهرها تسهره *** واني هواها اللي على خفاقها حبل التوى
صارت سواة الجمره اللي في ظلوع المبخره *** والعود قلبي والفضا شم القصيد وما حوى
وما عاد يملي عين عبله غير طلة عنتره *** ولا عاد تتحمل شوارب قيس من ليلى نوى
البارحة جادت علي بكلمتين … وحنجره ***وارخت هدبها في هدبها وانبرى جفن وكوى
لمت جديل الليل في يدها وجات مبعثره *** حب وجوى لين أغرقتني فالهوى حب وجوى
جتني مثل حس القصيد اللي يلوم المحبره *** وارخيت خشم المحبرة يم الورق لين استوى
قرت غلاها في حروفه ثم جتني مجبره ***ضاقت بها أنفاس الغرام وكنت فوق المستوى
واليوم مدري وش حصل والجو مليان غبره *** قامت تغلى والتغلي يهدم صروح الهوى
يا ناس يا مر الجفا واللي يعرفه يخبره *** سمّ ومر الحنظله حالي ومرّة ما انقوى
البارحة مالت غصون محيرتني بثمره *** واليوم يا بخل النخيل يشح في تمرة نوى
يا ناس انا وش حيلتي ضيّعت من سبّة مره *** لاهي خذت درب الرحيل ولا عطت لقمة هوى
----------------------

هزيم الرعد من احلى مصياف في السعودية (( الطائف *)
كلمات الشاعر العاثر من الطائف

يسلموووووووووو
كلمات رووووعه .......

حغظك الله اخوي

_________________

يعطيك العافيه
على الكلمات الجميله
تحياتى

_________________

كلمات رائعة أخوي...
وتسلم ابداعاتك...
والله لا يحرمنا من تواجدك..
ننتظر جديدك..


أخوك أمير الوله