النور نوركـ يا نور عيني

انتي مو بس احلى ملاك..انتي ملاك الكون كله

واعذرريني يا الغاليه

تو انتبه انك صاحبة الموضوع

حتى بالشكر مقصرين معكـ

~~~~

والله ليتكـ حاضرة وكل البنات

خصوصا فقرة شاعر المليون

ليتكـ شايفة البنوته اللي تقلد دارين

وكل شوي تقول فاصل ونواصل .. تريونا

واللي عجبني اكثر لجنه تحكيم مكونه من خمس اطفال

واحد شوي اسمر ويمثل الصفوق ويتكلم مثله

والثاني مبتسم ويردد ما فيك حيلة

والثالث شامي ولابس بدلة ونظارات وشوي تخين ويقلد غسان ويقول الكصيده ( القصيدة)

والرابع صريح مثل الاماراتي

والخامس المريخي

يا حبيبتي

اللي القاها ماشاء الله عليه

ناصر نسخة مصغرة

الله يحفظه ويبارك فيه ويخليه لاهله

والجمهور النسائي ما قصر في الترديد والتشجيع


~~~

امرتيني غلاي !!

ابد يجيك التسجيل لحد باب بيتكمـ

تسجيلي داخل فيه اصوات ضحك البنات واللي ما ارضاه لنفسي ما برضاه لغيري

بس كم يوم بيجيني سي دي كامل للحفل

بإذن الله ..اذا ربي قدرني بأقتطع منه الحلو والمميز واعرضه بعد اذن الادارة


~~~


بما اننا نسولف عن حفلات التخرج

قبل اسبوع كنت بحفل تخرج طلاب جامعة البترول

وكان في النادي ( ملعب كرة القدم )

وصورت بكاميرتي الحفل

وفيه صور بنات دخلت معي بالغلط

عاد وش نسوي ببعضهم الله يهداهم سفور

ومن هنا ما قدرت حتى اعرضه على اعمامي


وكان فيه تشجيع

ولين بغيتِ الصدق

اصوات البنات اعلى من الرجال

تخيلت وقتها لو يسمحون للبنات بحضور المباريات

وش بيصير

والله البيوت ستر

والله يستر على الجميع

~~~

صباحي

قصيد.. وما يحلالي القصيد غير حزة الصبح