السلام عليكم

شخباركم شو مسوين انشالله طيبين.

عندي مشكلة و أتمنى انكم تساعدوني فيها الله يخليكم و بكون شكورة لكم وايد

السنة اللي طافت في الجامعه تعرفت على وحدة طيوبة و حبوبة. أنا بصراحة وايد حبيت هالبنت لأنها متواضعة و حبوبة و كل ما كنت أحتاج شي تساعدني فيه و كانت بينا ثقة عظيمة جدا. و طبعا اكيد احلى شي لما يكون عدك صديق تكون بينكن ثقة متبادلة و حب صادق و انا كنت احس انه هاشي كان موجود بينا. و لكن هالسنة هالبنت تغيرت ١٨٠ درجة و انا مصدومة من هالتغير. صارت مول ما تطيقني و كل ما تمصخر معاها تقولي انا مش اصغر عيالج انا اكبر عنج. طبعا انا انسانة دمي خفيف و احب الغشمرة و هي لما تعرفت كانت تحب روح المرح و الغشمرة اللي فيني.

بس هالسنة كل شي انقلب ١٨٠ درجة الانسانة تغيرت مرة. يعني احس انها تشوفني نظرة دونية و كله تعاملني بقسوة و صارت تكره شخصيتي المرحة.

حتى آخر مرة كنت ارمس معاها عالمسن تغشمرت معاها جان تسبني سب و تقولي انتي انسانه تافهة و سخيفة و انا بسويج بلوك ما عدت اطيقج.

و لين احين كل ما ادخل اونلاين ما اشوفها.

طبعا في الجامعه ما ادور عليها بسبب هالشي.


ممكن تنصحوني الله يخليكم انا مرة متضايقة و ما اعرف شسوي

وين الثقة و الحب اللي كان بينا

وين الصداقة راجت

صج انه الزمن غدار

هلا وغلا اختي
شوفي انا بقلك رايي
اتركيها وطنشيها في هذا الزمن ماينفع الا التطنيش
اذا انتي واثقة انك ما سويتي شي خليها تروح
وشوفي اذا طنشتيها راح ترجع انا صارلي خيانة من اعز اعز
صديقة ياريتة مثل الموقف حقك الا اشد والعن انا ويها صديقات
من سبع سنوات وبعدين........

اختي حاولي تفهمين هي ليه تغيرة معك
يمكن السبب منك او انه عنده مشاكل خاصه فيه

دام بينكم عشرة وود
اكيد تغيرها ناتج عن نميمة
من الافضل تحلفينها بالله وش غيرها وتحاولين توصلين للسبب

الله يصلح ما بينكم ويديم الود

السلام عليكم ورحمة الله وبركاته
هلا بك احتي
شوفي اختي ...اول شئ ابسالك انتي سالتيها عن اسباب تغيرها ؟؟؟
اذا كنتي ما سالتيها اساليها ...اما اذا كنتي سالتيها ولم تجاوبك .....فالاحسن لك ان تتركيها ...لان الي تسوينه
معها الان من محاولات الاتصال بها والمزح معها سوف يسبب جفاء اكثر....
يمكن البنت خلاص قررت انها تتركك وتشوف لها صديقات ثانيات....
بعض البنات مزاجيات ...يتغيرون باتفه الاسباب....
نصيحتي لك اتركيها وابحثي عن صديقات اوفى ومخلصات
ولا تدرين يمكن ربي يعوضك عنها ....
والدنيا مليانه ناس طيبه ..ماوقفت على هذي البنت
ووسعي صدرك ياوخيتي ترا ياما بتشوفين في الدنيا .....
ولا تخلين هالشئ يوقف حياتك .....
وان شاء الله ربي يسهل عليك امورك
تقبلي مرور اختك

_________________