هلا بالحلوووووين

أنا بصراحه مسسستحي مررره من المشرفين , وأنا عارف إن الكلّ راح يستغربون من طرحي لمثل هالموووضوع , بس وش أسوي يالرّبع , والله كا سرين خاطري الشباب , وأنا بس أحاول أخفف عنهم شوي من المعاناة ;)

رجاءً منكم : اللي يدخل هنا , على طول يسكّر الباب وراااه , ويقصر صووته عشان ماحد يسمعه من المشرفين ثم يجونا مروّحين , وياليل ما بعده ليل .. تراهم قريبين منا

أنا من أمس ودّي أكتب لكم الموضوع هذا وأفكّ أزمتكم , بس البارح جيت هنا وشفت المنتدى مدّهر واخواني المشرفين مدّهرين وكلٍّ منهم ماسكٍ له زاويه , وخفت أكتبه يجوون ويحذفونه قبل لا تستفيدوا منه ,

قلت يا ولد يا نويصر اصبر لين تشوف الوقت المناسب ونزلّه , وأنا أقوم اليوم من النووم وأجيكم طاير , ويوم دخلت المنتدى لا والله ما فيه الا الأعضاء المطانيخ اللي يدوّرون الوناسه , قلت تمااام , هذي فرصتك يا ولد , خلّهم يستانسوون , وأنا أروح أكتب لكم الموضوع هذا ,

أنتم تدرون إن مثل هالمواضيع ممنوع في منتدى العمريات , عشان كذا راح أحذف الموضوع هذا أوّل ماشووف واحد من المشرفين ولا المراقبين عشان نفتكّ من الاحراجات ..

المهمّ : البارح وأنا جالس ( أفرفر ) في مواقع الانتر نت , وأطيح بالصدفه على ذاك المووقع المجنوووون , وجلست أتصفحه ,,

ولقيت فيه وصله مكتوب عليها : ( بروكسي )

وتحتها كلام كاتبه صاحب الموقع يقول فيه :
هذا البروكسي معدّ ليفتح أي موقع ممنوع
" وداعاً لصفحة : الوصول إلى هذه الصفحة غير مسموح به "
وكاتب تحتها تحذير : لا بد أن يكون عمرك أكبر من 18 سنه , وأنه لا يكون بجنبك أطفال , ومن هالسوالف ....

تبون الصراحه أنا قلت :
يا رجال قـــــــــم بس قــــــــــم , ما عنده سالفه هذا , وشكله نصااااب , معقوله ؟؟؟ بروكسي يفتح أي موقع مسكّر وأنا ابيه , لالالا ماني مصدّق ..

قلت تدري شلون ؟ : أنت وش أنت خسران يا نويصر ؟ اضغط على هالوصلة , وششف وش يصير بعدها ....

قلت يالله : والله وأنا أغمزها , وتفتح لي صفحة جديده , مكتوب فيها :
أدخل عنوان الموقع الذي تريد الذهاب إليه في المستطيل الذي في الأسفل , وبعد ذلك اضغط ( انتر ) ..

بصراحه أنا قلت : هاااااااااه ؟ لا والله الرجال شكله صويدز , يالله أكمل معه للآخر وأشوف آخرتها معه ..

والله وأجلس أفكر وأفكر . أدوّر لي على اسم موقع يكون مسكّر ميه في الميه , قلت بس : ما فيه الا هو أشهر موقع ممنوع ومن يوم عرفت النتّ وهو مسكّر . وأنا أروح وأكتبه تدرون وشو الموقع ؟ أنا أقولكم :
http://www.....com
مكان النّقط اللي بالنص كتبت : كلمه من ثلاث حروف خخخخخخخ

وعلى طول وأنا أضغط انتر ,
أنا ضغطت ( انتر ) خلالالالالالالالاص , عيونكم ما تشوف الا النوور , والله ياهي بلالالاوي يا رياجيل , الله يكفيني وياكم شرّ البلاوي , الموووت , والله يا شفت أشيااااء , ماني معلمكم فيها بخليكم أنتم اللي تجربونها بأنفسكم اخخخخخخخ ورحت من موقع لموقع والبروكسي هذا معي كل ما اقوله افتح لي ذا يقوول أبشررر ويودينا ودخلت في مواقع ما عمري شفتها ;)


عاد في ذيك اللحظات ذكرت إن لي اخوان هنا , وذابحتهم ضيقة الصدر ,, قلت أفا والله لالالازم إني أعطيهم الموقع عشان يستانسووون مثل ما استانست أنا ...

المهم : بعطيكم الموقع هلحين , بس شوفوا لي عندكم طلبات :

1- لا ترسلوونه للحكومه , عشان ما يقفلونه وخلوا غيركم يستفيد ..
2- لا تعلمون أحد إني أنا اللي جبته لكم عشان ما تصير فضيحتي ( بجلاجل ) ..
3- لازم يكون عمرك اكثر من 18 سنه ..
4- لازم تطرد الورعان اللي عندك وتقفل الباب عليك , وإن كان معك جوال تقفله بعد وتقصر في صوت السبيكر ( السماعات ) عشان ماحد يسمع الفضايح خخخخخخ , ولا تشغل نفسك باي شيء ثاني , عشان تستمتع ..
5- إذا إني شفت أحد من المشرفين والا المراقبين هنا , ترى بجي مسسسرع وأحذف الموضوع يعني بسسسرعه خذ حاجتك من هنا واطلع عشان ما أحذفه وأنت فيه ..
وأنا ما عندي استعداد أخسر وظيفتي اللي هنا , عشان موضوع , بسّ ولا يهمّكم أنا اليوووم مخربها مخربها , يعني لعيونكم بايعها بثلاث حبّات رمممل ;)
الله يستر والله شكلي جبت العيد بموضوعي ذا

المهم : هذي هي وصلة موقع البروكسي رح واضغط عليه واستمتع بشبابك

اضغط هنا واستمتع وتخيّل نفسك في عالم ثااني

الله يوفقكم , وانتبهوا لاحد يشووفكم من المشرفين وأنتم طالعين من هنا

تحياااااااتي
وأشواقي لكم
أخوكم / نويصر

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه