آه ياشهوراً مضن لي بين هم وبين خوف=وبين لوعات ودموع وبين نفس نادمه
الله اللي يعلم احوالي ويدري بالظروف=والله اللي يفرج الكـربه ولوهي قاتـمه
ماذبحني شوق سلوى ولا حب الهنوف=ومانثرت الدمع من عشقً ونفس هايمه
دمع عيني سبته جرح خفاقً نزوف=سبته جرح المشاعر والعباد الظالمه
دمع عيني سبته كربة القلب العطوف=كارثه حلت بنوره ياعساها سالمه
القدر مايمنعه لو وقف دونه الوف=القدر لازم نشوفه يالعقول الفاهمه
القدر مايمنعه لو تصفون الصفوف=لو ترصون العساكر رصةً متلاحمه
القدر مايمنعه غير ترفيع الكفوف=في جناح الليل والعالم رقودً نايمه
ارفع الكف الضعيفه وسبل الدمع الذروف=أسأل الله فزعته مع جميل الخاتمه

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

اخي الغالي ابن نوفل
كلمات اقل مايقال عنها (غييييير)
لانها تحمل بين طياتها معاني المحبه الصادقه والالفه العذبه
فأسأل الله ان يفرج كربتك وان يشفي زوجتك
وان يحفظكم جميعا وجميع المسلمين من كل مكروه
دمت اخاً غاليا ايها الرائع
دمت بكل خير