.......أم ريال...........

قصه حقيقيه حدثت في السعوديه........
تقدم سعود لخطبة ريم هي رفضت في البدايه بحجة كل البنات انها بتكمل دراستها لكن امها وابوها اقنعوها
في الأخير ان الولد اخلاق ومستقيم ووظيفه محترمه ومن عائله كبيره والكل يمدح فيه ويتمناه لبنته........
المهم جا وشافها وشافته واعجبوا في بعض ........واخذ موعد من ابو ريم عشان يجي مع ابوه ويتفاهموا
على باقي الأمور الروتينيه......جا الموعدوحضر سعود مع ابوه واثنين من أعمامه......ومعهم المهر....
قام أبو ريم فتح علبة المهر وأخذ ريال واحد ورجع الباقي وقال :حنا نشتري الرجال......!!!!


حاولوا يقنعوه وما رضى فاستسلموا وأخذوا فلوسهم ومشوا...........

مرت الأيام .....وريم أبوها عوضها عن المبلغ اللي رجعه وجهزت نفسها وجت ليلة العرس......

أول ما دخلت ريم على عريسها قالهلا....أم ريال!!!) البنت طاح وجهها ساعتها بس عدتها......مو حلوة تسوي
مشاكل من أول ليلة.........ومن ذاك اليوم وسعود من تعدي ريم عنده يعايرها بالريال........بعدين تطور الموضوع
وصار يعايرها بكل شي بريال........إلى إن قال مرهتشوفين علبة الببسي هذي؟تراها تسواك كلكم بريال
خخخ!!!!!!!!)وكمل ضحك وهي تغلي.........



بس ريم كانت كتومه ما تحب تشكي لأحد حتى أقرب الناس لها أمها.....ومرت الأيام وهو ما يناديها إلا أم ريال
أو علبة الببسي!.....هو ما يقصد يهينها بس المزح الثقيل الله يفكنا من شره...


المهم راحت لأمهامره وأمها كانت ملاحظه عليها إنها متضايقه من شي فحلفتها تقول وش فيها......
بعد محاولات من الأم فضفضت ريم وهي تبكي وقالت لها الشي الوحيد اللي منكد عليها حياتها............
وطلبت من أمها ماتجيب سيره لأبوها...........




لكن الأم قالتلا يا بنتي أبوك غلط ولازم يصلح غلطته وياما قلت لهإن هذا يقلل من قدربنتك ما يرفعهلأن الناس الحين يقيسون بعض بالفلوس ) بس ما سمعني...... خليه يشوف وش سوى.............


انتي يابنتي لك كرامه واحنا مابعناك تطمني وخلي الموضوع عليي)وراحت طيران لزوجها وهي تغلي بتنفجر
من القهر وقالت له السالفه .........



أبو ريم انهبل من اللي سمعه وحلف ما تطلع ريم من بيتيإلا راد لها اعتبارها ......جا سعود بياخذ زوجته عالعاده
بس ريم ما طلعت طلع أبوها بدالها وسلم عليه وطلب منه ينادي أبوه وأعمامه يجون يتقهوون عنده.....


وانه بعد المغرب بكون في انتظارهم........الولد ماشك في شي راح ونفذ اللي قاله أبو ريم وجاب أبوه وأعمامه....
استقبلهم أبو ريم وجلسهم في المجلس بدون ما يحسون في شي..........




طلع أبو ريم من جيبه ريال ونادى ولده الصغير محمد وقال له روح البقاله وجيب علبة ببسي...)
الرجال استغربوا وضحكوا فيمل بينهم على تصرف أبو ريم أما سعود ما وصلته الرساله لسه.............
جاب محمد الببسي وحطه على الطاوله.........
شوي وقام طلع ريال ثاني وخله محمد يجيب علبة ببسي ثانيه....سعود بدا يعوره قلبه..كنه شم ريحة تلميح.....
جا الببسي وحطه أبو ريم جنب الأول........وعمل نفس الشي مره ثالثه.....
وقالالحين الله يحيكم أقدر أقول لكم ليه أنا مناديكم .....أنا أخذت منكم مهر بنتي ريال واحد.....بس ولدكم ما
قدر هالشي وقعد يعايرها بعلبة الببسي....أنا الحين غيرت رايي....أنا باخذ بنتي....وأنتم خذوا بدال ريالكم
3 علب ببسي...!)


الرجال مايدرون وين يودون وجوهم من كلام أبو ريم تفاجأوفشلهم سعود بعمايله بجد أما سعود الله العليم
بحالته شوي ويغمي عليه هو كان يتميلح وريم تبلع بس ما توقع إنها بتكبر الموضوع.........



أبو سعود قال والله مالي وجهأقول شي بس أتمنى أنك تمسحها بوجهي أما سعود أنا بتفاهم معاه..
وبنتك على راسي.......ترجع بيتها معززه مكرمه واضمن لك انه مارح يعيد اللي سواه.)
رد عليه أبو ريمكلامك على عيني وراسي بس والله ما تطلع بنتي من بيتي إلا بثلاث مية ألف ريال حالها حال
غيرها أنا يوم رفضت أول مره آخذ الفلوس توقعت إنها بتكبر في عيونه لكن مع الأسف اكتشفت العكس.)



طبعا الجماعه ماقدروا يقولوا شي إلا إن هالشي من حقك وحق بنتك .... وجمعو المبلغ وقدموا للبنت وكذا
ما عاد في شي يضايق ريم بس سعود ما عاد له عين يحطها في وجه أبوها