ذكرته مع البارق ومع ساري الهمّال..
وخايلت براقه يلين أدمعت عيني..
وتناسيت منه أيام وهب النسيم ومال..
ورجعت أذكره وأشد صدري بكفيني..
هنا حب ما يوصف يسمى بعشق هبال..
ويا ما تمنيت الليالي تنسيني..
عرفت أني أحبه ولا عاد فيه أجدال..
ولا زلت يا حلم الطفوله تباريني..
كتبتك أنا في هاجس الشعر موال..
وتغنيت بك يا أعذب هواي وتلاحيني..
أنا كنت طفله عادني ما لبست الشال..
وأنا أقول هذي فرحتي وأجمل سنيني..
أحبه بعفويه ولا همني عذال..
أحب أتغلا وأنبسط يومٍ يراضيني..
أنا ما دريت إن الهوى فيه لعب عيال..
ومواعيد كذابه وبسمات تغريني..
كثير أسئله مرت ولا ريحت لي بال..
كثير أسئله تعبث بحالي وتشقيني..
كذا دون سبق إنذار تشمت بي العذال..
تناسيتك بقلبي وتصورت في عيني..
مضى عام وأكثر ما وصلني ولا مرسال..
ولا جيت تسألني ولا قلت وش فيني..


(مهاوي)

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي