 | |
| ||||||
| الشعر و الشعراء منتدى للقصيد و القصائد النبطي و الفصيح البوح بالخافي منتدى شعري يهتم بالشعر بشكل عام الشعر الفصيح والشعر العامي والشعر الجاهلي والشعر النبطي و كل انواع الشعر |
][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][
 |
| | أدوات الموضوع | انواع عرض الموضوع |
05-11-2008, 09:35 PM
| ||||
| ||||
| رد: ][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][ يســـــــــــلموا ندى الورد تفضـــــلي خذني ( نِفس ) لا ضاق( صدرك ) من الآآآآآه خذني عمر ،،لا ذِبْلت سنين دنياك خذني قبيله ،، لا تعزويت ،، تلقاه خذني جموع ،، ان حدّك السيف ،، يفداك خذني جبل ، لا ضاقت الارض ، ترقاه خذني صديق ،،ان باعك الغير ،،واساك خذني فرح ،، لا بيّن الوقت جفواه خذني امل ،، لا خوّن بيوم مسعاك خذني صباح ،،إن طوّل الليل مسراه خذني خطاوي ،، لا تثاقلت ،، مسراك خذني طموح ، ان كشّر الحزن بـ شفاه خذني طريق وشوفني ،، كيف ألقاك خذني وعطني مايبكّيك ،، وإنساه خذني دليلك ،، لا تحيّرت ،، ويّاك خذني تراني ،، غيرك انسان ،،مبغاه خذني ، تراني ،، ماأَبيني ،، بليّاك وش لي بغيرك وانت للقلب ،، سلواه شرواي انا ،، مايعجبه ،، غير شرواك خذني ( صدر ) لاضاق ( صدرك ) من ،،الآه دامي معك ،،لا تحســـب حساب بلواك ودمـــــــــــــــــــتم بـــــــــود الإختيار يقع على الشاعر مســـــاير   |
|
05-12-2008, 12:04 AM
| ||||
| ||||
| رد: ][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][ شكرا لك اختي همسه على اختياري والقصيده هي (الرماد) للمبدع/ بدر بن عبدالمحسن الشمس طاحت .. وبردت.. ورمد الشفق .. في حجر الارض من يشتهي يدوس باقدامه على هالرماد كله .. يا عابرٍ .. على المدى .. من السراب .. الى الندى .. قلبي سقط فوق التراب شله.. او لا تدوس القلب خله .. كل يوم له شمس وانا مالي سوى قلبي انا .. من بكى لين الثرى بله بالدمع .. ويوم اكتفى .. صد وعصر ظله .. ومسح بردنه .. وجنته .. ثم ابتسم لين حسدوه الناس يازارعٍ شوك الهراس .. فوق الرمل كله .. لاقدام من يكره الشوك ياحظ من ياطى بقدم .. انا مالي سوى قلبي الشمس طاحت ونثر الظلام ظله .. على الجروح .. ياكاتم الزين الفضوح عن عيني لا تظهر انيابك .. وتقطع احبابك شمات انا من عطى ضي الشموس خله .. لين حسدوه الناس ولا تنتظر غير السموس .. لله .. انا مالي سوى قلبي .. (اختياري على الاخ الغالي/عمري بحي كفن طويته) |
|
05-12-2008, 01:01 AM
| ||||
| ||||
| رد: ][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][ الشكر لصاحب الموضوع جميع القصائد التي قدّمت في قمة الروعة اشكرك اخي العزيز ((الشاعر مســاير)) مشاركتي هي للشاعر المبدع عبدالالــه المطرف
ألا يا عازف احزاني على لحن الفرح للناس=بدأ صمت الحزن ينفض عن الكلمه معانيها شعوري بالأمل ذكرى ليالي عشتها في يأس=خذاني عطرها الدافي حسبت ان الرجا فيها تمعن وألمح عيوني وحس بحرقة الانفاس=مآسي والأمل مركب تحطم في موانيها تجرعت بسبب صبري كثــير وقلت له لا باس=ما دام انه دوا جرحي ولأحلامي امانيـها يذكرني هبوب الريح عناي ورجعتي بأفلاس=ألا يا عازف احزاني حياتي ليش تنهيها اختار احد الأخوين العزيزين : الشريف ابن نوفل فاقد لي خلي |
|
05-13-2008, 07:13 PM
| ||||
| ||||
| رد: ][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][ اولا ...مساء الخير ع الكل ومشكوره ياندى ع الفكره الاكثر من رائعه ومشكورين ياجمل اعضاء ع هالابيات الذوق واخيرا شكر للغالي عمري.. ع اختياري مع اني تمنيت بحق.. احدى روائع الاستاذ الكبير حبيبنا الشريف ابن نوفل .. ... اترككم مع القصيده والحق مدري منهي له؟؟؟ علمتني المترفه وشولن أحس انـي ثـري. نصبتني عرشها..ونصبتها عرش الحصيـر. بس أنا علمتها بصدقي وأصالـة جوهـري كيف يحتاج الغني لخبزة أحسـاس الفقيـر. أشعلي يانجمـة العشـاق ليلـك وأسهـري أمشي بنفس الطريق وجربي نفس المصيـر وبلغي صـادق تحياتـي لحزنـي وقهـري يوم كان الشوق لايرحم ولا عنـده ضميـر. ويوم كنت أخاف مايعجب عيونـك مظهـري وانحني من شان مايفضحني الثوب القصيـر اسألي كل الشـوارع والحدايـق واعرفـي كيف كنت بكل يوم اهديك باقـة ورد غيـر. كنت أوقف بأخر الشارع وارقـب واحتـري لين يهداء الجو وانقي لك من الورد النظيـر كل ما امر برصيف يقول خلصـت زهـري كل ماقطفت ورده اللي جنبها منهـا تغيـر! اسألي شباكك الوردي وش اردى بنظـري؟ لاقعـدت ألـف قبلـة بيتكـم كنـي خفيـر؟ كنت أحاصر غرفتك بجيوش عيني وبصري كن لي عش بشباكـك وكـن العيـن طيـر! اااآه لوعشتي انتظاراتي وشفتـي منظـري لاسالني جاركـم وش بـك هنيـا تستديـر والمصيبه دايـم عـذري مضيـع دفتـري يبتسم ويروح وأنا مصدق ان عذري خطيـر وبس يدخل اسمعه يضحك بصوت مـزدري حنا بالعطله وصاحبنا علـى الدفتـر سهيـر اسألي الجدران عن خـط عجـز لاينقـري أعلم الجدران مالم تعلم في بـوح الضميـر أسألي أمي عن كدر بالي وضيقـة خاطـري لاسألتنـي ياولـدي وشبـك وردت الزفيـر السواد اللي على جفني مـن أثـار سهـري لوعرفتي كيف كحلنـي بـه الليـل المريـر كنت لا جاء الليل قلطة على الجفن الطـري الين نصبني السهر لعيون خلـق الله سفيـر وان نفاني للسهـر يامترفـه حكـم أقـدري هالسهر ياما نفى لي مـن ضحايـاه الكثيـر والبياض اللـي تشوفينـه تنامـي بشعـري من مظاليمه هلال أعـرج ونجـم مستديـر يارفات الطيش في تابـوت الأحـلام البـري من خذلني بالبدايه كيـف أصونـه بالأخيـر مابقى لك غير بعضي وأستبيحـك باكثـري ضاع مثل النور لما ضاع عن عين الضرير مثل ماضاعت عصافيرك عن أغصان شجري مثل ماضاع الأمل عن صبح شباكي الصغير ومابقى لك غير سالفتي وشعري وصـوري سولفيهن للشموع الحمر والفـراش الوثيـر للستايـر ..للأساور..للـحـاف السـكـري للهدايا..للتحف..للمزهريـه..لـلـسـريـر واوعدك وقت الحصاد أتجاهل الجوع العري بس لاجل أكتب حروف أسمك بحبات الشعير ولاجل أعلم هالزمـان المستبـد العنصـري كيف يحتاج الغني لخبزة أحساس الفقيـر.. كل الود .. لقلوبكم .. العضو اللي عقبي احب انه يكون دنيا غريبه للاسف... الله لايهينه |
|
05-13-2008, 09:18 PM
| ||||
| ||||
 رد: ][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][ المدينه والغريب
جا يشـوف الحـال كيفـه بعـد ماهـزه حنينـه=وقبل يسألني سألتـه : كيـف حالـك يالحبيـب ؟ قال : انا كنـي غريـب ضيـع دروب المدينـه=قلت : انا كنـي مدينـة تنتظـر رجعـة غريـب قال : اجل وش فيك تكره سيرة الحـب وسنينـه=قلت : أجل وش لون ما اكره سيرته دامك تغيـب انت لا من غبت حتى مرايتـك صـارت حزينـه=كيف ما تبغاني أحزن وانت لي حظ ونصيـب !؟ الهدايـا و الرسـايـل و المكاتـيـب الثميـنـه=والليالي و القمر و الريـح و الكـون الرحيـب كل ما تبعد .. تجيب الشعـر ليـه مـن يدينـه=و تقعد جروحـي تـودي فالطواريـق و تجيـب يا بعـد كـل القصيـد و نـزوة حـداه و انينـه=لا ذكرتك لاح بيت .. و طاح ورد .. و فاح طيب و ان نسيتك ما نساني صوتك المبحـوح لينـه..=.. ياخذ لجرحي بثـاره مـن خطايـاك و يطيـب و بعد هذا جـاي ترمـي ذنبـك بوجـه المدينـه=مـا دريـت ان المدينـه كلهـا شمعـة غريـب فهـد المـساعد ابـي  ღالصيـ مزنة ــفღ |
|
« قصيدة طائشه للشاعر ابراهيم القرني مسموعه
|
][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][
|
لو سمحتي عاد أسمعي وحتى لو ما تسمحيـن / المهـم اللـي بقولـه تسمعينـه و يسمعـون »
| أدوات الموضوع | |
| انواع عرض الموضوع | |
العرض العادي
| |
][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][
الشعر و الشعراء منتدى للقصيد و القصائد النبطي و الفصيح البوح بالخافي
الساعة الآن 06:45 AM.