][ اخْـتَـار عُـضُـو واطْـلْـبَـه أجْـمَـلَ قَـصِـيْـدة ][

يا محمد غبت عنها اسبـوع مـن بـاب التغلـي=
=ودي اعرف واكتشف عن حبها لـي واختبرهـا
يا محمـد سبعـة ايـامٍ عجـاف ابـدون خلـي=
=شفت فيها الويل واعيوني ملا زمهـا سهرهـا
سبعة ايام الكـدر مـا راح عنـي مثـل ضلـي=
=شلت كل اهموم خلق الله وعايش فـي كدرهـا
ادري ان الصبر مفتـاح الفـرج وبـه امتحلـي=
=مير هي عنها حرم باجماع كـل اللـي نظرهـا
رحـت ادور للتسلـي ويـن ابلقـاه التسلـي؟؟=
=اخرج امن البيت والقى نفسي ابرم في قطرهـا
طفت شارع بيتهم مـا غيـر مقبـل بـه مولـي=
=الشوارع مظلمـه والقـى بشارعهـم سفرهـا
ودي اسمع ذكرهـا لـو مـن عـذولاً بالتبلـي=
=مو مهم اللـي يقولـه والمهـم انـه ذكرهـا
شفت اخوها صدفةٍ واقفي يرحـب بعـض كلـي=
=بعضي الثاني همس بذني تنشـد عـن خبرهـا
قمت اهلى بـه وانـا خايـف لسانـي لا يزلـي=
=شفت شعره في ثيابه 0 قلت هاذي من نثرها؟؟؟
وانكسف مني 0تبسـم لـي 0وناظرنـي بغلـي=
=قال توي كنت بالصالـون والنـاس اشكثرهـا
قلت فعلاً شفـت هالصالـون بالنـاس امتملـي=
=والله انه يكـذب الكـذاب وانـه مـن شعرهـا
اعرفه من ملمسه من ريحته مـن لونـه اللـي=
=مثل لون العود حمـره مـن سـوادٍ يشتقرهـا
شلتها بالدس في جيبي وانا مـا اشفيـت غلـي=
=ودي استمتع بملمسهـا وريحـاً مـن زهرهـا
قمـت ودعتـه وليلتهـا عـذابـي مستغـلـي=
=طول ليلي حاضن الشعره واناجي في صورهـا
سبعـة ايـامٍ وانـا فـي داخلـي ربـطٍ وحلـي=
=اعزم الفيها وأهـون خايـف آسبـب ضررهـا
بعد سابـع يـوم مـن هـمٍ بقلبـي مستحلـي=
=اتصل بي واحدٍ ساكت ونفسـي فـي ضجرهـا
قلت الو وشفيـك ساكـت رد يـا جعلـك تغلـي=
=كنى اسمع صـوت ليمونـه بفمـه يعتصرهـا
واهمست وش سهّرك للحين فـي وقـت امتتلـي=
=قلت طيفك نعلبو جدك وضحكـت مـن فخرهـا
واهمست هلحين اجي واخبرك عن دقـي وجلـي=
=قلت معقوله؟ !!! وقالت نار شوقي ما اقتدرهـا
جـت وهـي متخفيـه صبـحٍ بليـلٍ مستظلـي=
=كنها تحسب خطاهـا ميـر يفضحهـا عطرهـا
نفحهـا مسـكٍ ونثـر انفاسـهـا وردٍ وفـلـي=
=المكان اللي تعـدي منـه يبقـى فيـه اثرهـا
جـت تبختـر ردف يتمـايـل وردفٍ يستقـلـي=
=كنها ترقص على تكـة خطاهـا مـن بطرهـا
عنجهيـة صدرهـا تفتـك بخصـرٍ مضمحـلـي=
=لا تثنت تنقسـم نصيـن مـن خصـرٍ بترهـا
لبسهـا الجـذاب حـدد جسمهـا سنتـي وملـي=
=زادها فتنة حلا وإنمـا فضحهـا مـا سترهـا
قمت ماني فـي شعـوري كـل مافينـي يهلـي=
=كنها المتفضلـه بانقـاذ روحـي مـن بحرهـا
طوقت عنقـي بسيـفٍ مـن سواعدهـا يسلـي=
=واغرست رمحين في صدري ولجّمنـي ثغرهـا
ترتجـف فـي قلبهـا خـوفٍ توالهـا تـولـي=
=تنفض ايديها ويتقطـع نسمهـا مـن حذرهـا
كلما هز الهـوى الشبـاك واحـدث فيـه خلـي=
=بسملت واتفزّزت تحضن يديهـا فـي صدرهـا
قالت انـت اشفيـك متغيّـب جفـا وإلا تخلـي؟؟=
=قلـت لا هـاذي ولا هـاذي ولا حتـى قدرهـا
ميـر انـا كثـرت جياتـي وخفـت انـك تملـي=
=سلهمت بعيونها عضـت عنبهـا مـن قهرهـا
واخبطـت بكفوفهـا صـدري ودمعتهـا تهلـي=
=قالت اقسم لك برب البيـت شوفتـك انتظرهـا
قلت اجل وش وخرك وانتـي لعنوانـي تدلـي؟؟=
=لا يكون انه جفا؟؟قالت حشا وارخـت نظرهـا
انت تدري عن ظروفي حط نفسـك فـي محلـي=
=بنت مثلي خارجه من بيت اهلهـا وش عذرهـا
لو قدرت اليوم اجي والقى عـذر مقنـع وحلـي=
=مامعي في كـل يـومٍ حجـةٍ لهلـى ابتكرهـا
جـادلٍ مـن نسـل شيـخٍ لا يهـاب ولا يذلـي=
=فاتنه واجمل بنـات الكـون ماتسـوى ظفرهـا
العفـاف ابوجههـا مستقبـل القبلـه يصـلـي=
=والكسل برموشها جالس يحـذر مـن خطرهـا
وجـه مثـل الصبـح يتنفـس بنـورٍ مستهلـي=
=والرموش الليل عسعس ليلةٍ محلـى سمرهـا
طرفها فـي حـد ذات الطـرف عالـم مستقلـي=
=به نهار وليل ، به بحر وسمـا داخـل حورهـا
جيدهـا الفتـان نـوراً مـن زجـاجٍ مستجلـي=
=لو لمسه ابهامها بصمته تبقـى فـي بشرهـا
مـن شفافيـة جسدهـا والنعومـه والتجـلـي=
=أي شياً تشربـه ينشـاف نـازل مـن نحرهـا
ظامهـا شـلال دهـن العـود بالجيـد امتدلـي=
=الوحيـد اللـي جبرهـا تنفعـل محـدٍ جبرهـا
صـار يتمـرد يعذبـهـا تلـمـه ثــم فـلـي=
=ثم ترجع تلفحـه ويعـود مـا يسمـع لمرهـا
ابتسامتهـا وميـض البـرق فـي نـوٍ مطلـي=
=والشفايف كنها قـوس القـزح لونـه غمرهـا
ضحكهـا معزوفـةٍ يطـرب لهـا قلـبٍ يولـي=
=وامنياتي ماجنه ترقـص علـى نغمـة وترهـا
إن حكت نفثاً مـن السحـر الحـلال ولا يحلـي=
=تستميل اقلوب من يسمع كـلامٍ مـن دررهـا
لا دنـت منـي تبعثرنـي علـى غنـجٍ ودلــي=
=وانصهر بنفاسها وإحساسي المرهف صهرهـا
عينهـا مستسلمـه والرمـش طايـح مستذلـي=
=طاح طيحة فـارسٍ رمحـه بعدوانـه كسرهـا
والله إن اللي ببالك يـا محمـد مـا حصـل لـي=
=ذبت واروتني عفـاف وكـل مافينـي شكرهـا
ما منعني غير طيب اصلي ولـي قـدر امتعلـي=
=واللي ادهى من كذا خفت اني انزل من نظرهـا
قمـت اودعهـا وانـا شوقـي يزيـد ولا يقلـي=
=لحظةٍ هدت فـرح ساعـه وبالكـود افتكرهـا
اوجبت غسـلاً علـى عينـي بدمـعٍ مسفهلـي=
=قبل تبلـغ حلمهـا والرشـد واتمتـع بصرهـا
بعـدمـا عاهدتـهـا بالله حـرمـت التغـلـي=
=توبه اتغلـى ونـار افراقهـا مقـوى سقرهـا