|
| |||||||
| الجوال mobile اجهزة الجوال بكافة انواعها نوكيا nokia أريكسون سوني فوجيتسو سمنس siemens موتورولا mobile phones بانسونك panasonic كامنكيتور communicator palm palm |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
09-16-2004, 01:18 AM
| |||
| |||
| ســـــــــــــــــــــــــنــــــــــدرريلا السلاااااام عليكم ورحمة الله وبركاته مساكم الله بالخير جميعن..وحياكم الله .. وكل عام وانتم بخير وعقبال مية سنه .. وجعله الله من مواليـــــد السعاده هع... هع .... هع المهم اخباركم..بشروناعنكم.. والله ولكم وحشه يالشيوون <<بشويش يالطخما تخبرون العطله وخلصت والدراسه جت الله لايحييها عاد انتم تعرفوني راعية مواقف في العطله(ترى موب مواقف سيارات مو يجيني احد يقول خذي حطي سيكلي بالمواقف) <<< ياحوبيلي انا ومصالتي المهم حبينا نسولف عليكم بمواقفنا وش صار ووش ماصار علينا ناس فاضيه ماعندها حتسي المهــــــــــــــــــــــم ..... المقـــــــــــــــــــــدمــــــــــــــــــه.. ذاااللي فوق يكفي موب لازم مقدمه ماابي اكثر حتسي الســــــالفتوووو..... احنا سلمكم الله قضينا نصفو العلطه في الشرقيه والباقي في مكان اخر سالفتي عن هالشرقيه وعن عرس خالي اللي ظني كل اللي بالشات دروا عنه عاد خالي الله يهديه وعرسه اللي مابغى يجي (على فكره احذركم من الاعراس العايليه ) <<صار عندها عقده من كثرة تأجيل العررس المهم.. بعد ماتوجهنا للشرقيه عشان ذاالعرس اللي كل خميس الخميس اللي بعده لين كملنا شهر وعشرين يوم بالشرررقيه (باللهي فيه احد يجلس بالشرقيه شهر وعشرين يوم تحمدوا بس الله لايبلاكم.. ومع ذاالتاجيل مافيه مكان في الشرقيه مارحنا له اكثر من خمس مرات .. ويوم تجمعوا خالاتي العزيزات وجوا للشرقيه وهم على التــــوالي: ام كرشه (حامل): وهي قضت مهنا الشهر والعشرين يوم العجـــــوز: وهي ام لابنتين وولد ام البنات : واكثر عيالها بني ولها ولد تسن وجهه ورربي (ف8 اللي بالشات) ويلقب بشكيب نظرن لكر خدوده وشهابة شعره ام ليلل : وهي ام لبزرن واحد اسمه ليلل=فيصل ماسبق ذكرهن هن اسيدات اما الانســـــات ثنتين من خالاتي وانا واختي قولو ماشالله يؤ يؤ نسيت جدتي طبعن االانسات جلسو معنا الشهر والعشرين يوم بس بس رجعوا قبل العرس بأسبوع يعني ماجلس معنا الا ام كرشه الي دخلت الشهر العاشر الله يحوم تسبدها هي وبنتها .. المهم.. وبعد شهر وعشرين يوم اخيرن جا اليوم الموعود (يوم العرس ) عاد من رادة حظ ام كرشه جت بنتها صبح الخميس يعني يوم العرس ( احس ان بنتها بتطلع بثره ) ورحنا للعرس وسفهنا ام كرشه في المستشفى اجل نحتري ذاالعرس من شهر وعشرين يوم وتبينا نجلس عندها هي وبنتها ويالله فكينا ذاالمعرس من البلاي ستيشن الحمدالله يوم علاسه وقاعدن يلعب بلاي ستيشن ويوم جينا من العرس اللي بعد مابغى يخلص حجز لنا خالي على القطار لانه مافيه سيارتن تشيل 23 نفر مرتن وحده (ايه 23 قولو ا لااله الا الله ) وماصدقنا انا بنرجع للرياااض اخيرن بنرجع للرياااض وصار حجزنا الساعه 9 صباحن يوم الجمعه ويوم حشرنا انفسنا في هالسيارتين اللي شوي وتتفقع كفاراتها من الزحمه عاد اخوي الصغير يالبيه من كثر ماهو مرعوص من الزحمه بغت تظهر عيونه حتى الطيارات عيوا يركبونا يقولون انكم واجدين قلنا طيب هيلوكبترات<< قالو انتم خيالكم واسع حدكم قطار وعساه يبزاكم ويوم وصلنا المحطه وحملنا ذاالشناط والتي يبلغ عددها عشرون شنطه اللي يشوفنا يقول ذولا مهاجرين هاجين من الشرقيه هج وهو صادز هع ويوم جينا بندخل عاد لازم نوريهم التذاكر << احلفي عاد راعي التذاكر<< صار راعي طار ت عيونه يالبيه يوم شاف كثرها وقعدنا نسمي على انفسنا قال يالله بس امشوا انتم يبيلكم جلسه وماوراكم شي وحنا جلسنا في صالة الانتظار تعرفون عاد حركات القراوى لين تجمعوا عند الباب عشان يهجمون على القطار يبون يحجزون الكراسي ومعهم وحده من خالاتي الانسات اول مره تركب قطار وواقفتن مع ذاالبزران تسنها نخله..ويوم فتحوا الباب الله لايوريكم قاموا يتراكضون تسنهم تكارنة مكه لين حطيتوا اكل عند الحرم .. عاد الشي اللي صار وشفته بعيوني وماصدقته اني شفت ذااللقيمه=مفرد لقيمات يركض ركضن موب صاحي هذ وهو وشايلن شنطتن كبره (اللقيمه= ولد ام كرشه التسبير وسمي بذلك نسبتن الى جسمه المدحرج ) المهم ويطير ذااللقيمه ويحجز لنا الكراسي كلهااا << حركات قراوى هع عاد وشولن حجز كل الكراسي فتح الشنطه اللي معه الله يسلمه وحط على كل كسي خلقه=مفرد خلقان=ملابس عاد ذااللي صار للقيمه شي واللي صار لي انا شي ثاني يوم جيت ابركب القطار الله يسلمكم كنت داايخه وفيني النووم وكنت لابسه شبشب(وانتم بكرامه) وانا ارقى الدرجه وتدزيني عجيز الله يهديها شكلها مستعجله تبي تحجز هي بعد كرسي خخخخخخ ويوم دزتني وتطيح فردتن من شباشبي ويفشلاااااااااااااااااااااااااااااااااه عطانيها ولد ذاالعجوز من الفشيله ودي ارقى فوق القطار واطب منه (بس ابشركم الشبشب ماركه اشوا ) وماعاااد صارو ينادوني الا السنـــــــدريلا ..... ومن زود الفضااااوه مافيه شي مالعبناه في هلقطار انا وخالاتي الانسات طبعن واختي اما الخالات السيدات كل وحده سدت خشة بزرها بمصاصته ونومته وحطو روسهم وناموا المهم.. لعبناا لعبة الاسامي ولعبة العسكري والحرامي والملك والجلاد ولعبة السبت والاحد ولعبة البنت والعجوز والولد ... لاعااد بزرانا مشالله درزن 12 وذاالقرواى ماجلسوا في اماكنهم من قبل مايمشي القطار وهم رايحيين لذاالحمام وانتم بكرامه تسنهم اول مره يشوفون حمام ويتناااااوبونه يظهر واحد ويدخل الثااني ولين جاهم واحد بيدخل قالوا له هذا حمامنااا وحنا من الدلاخه معهم تقول هذا حمامنااا وهو اصلا خربان <<< ياشين حركات القراوى ويوم حسيت إنا وصلنا للريااض وفز قلبي للرياض جلست اعد الحصى عد <<<ياكبر النصبه كبراااااااااااه ويوم وصلنا بحمد الله ونزلنا من القطار وشت فينا شمس الرياض الحبيبه ودخلنا المحطه وفزعنا ناخذ العشرون نطه وحقيبه وخلصنا كل عربات المحطه من كثر الشناط وكل جاهم ابوهم وضفوا عفشهم وجانا الجنرال ورجعنا لبيتنااا اخيرن ولله الحمد والمنه .. وتــــو تـــــــو خلصت الســـــالفتو......... ادري انكم مااستفدتو شي بس كان ودي اكتب بالدجه قلت خلوني احط ذاالسالفه فيني جوع حتسي وسوالف هع عاد ان كانهااا جازتلكم السالفه ردو وان ماجازتلكم برضوا ردو تراني كاتبتها وانا جالسه على الكرسي يعني سويت انجـــــاز المهم يالله مايطول حتسيي << بعد ايش بس احب اقولكم ان السفر مع الاقارب والجمعاااااات وربي يجننننن حتى لو كنتو رايحين لبر وعمري مارررااااح انسى هالسفره ابدن بكل تفاصيلها <<< طالعتن رومنسيه تحيــــــ ^ ^ ـــــــــــاتي يصلمووووووو عربوجه ياغلاهم على التوقيع اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات -   |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
| أدوات الموضوع | |
| طريقة عرض الموضوع | |
| |
العرض العادي
