== أخــلطي هــالعـطـريـن ...... وشوفي كيف تطلع ريحتك ==

سلام لأحلى و أقدع طالبات
ودأي يامزيكا



صباحكم أكاليل ورد هولندي ،،،

وكل عام وأنتو بخير وعساكم من عواده >>> لاتخافون تراني ماضيعت

هذا بمناسبة موضوعي الثالث ،،

وعقبال الــ300 يارب

نخوش في الموضوع سيده




مره من المرارير >> إن شاء الله مايحذفونها من الموضوع زي موضوعي الأخير
كنت بمملكة المرأة أدوور ماعندي سالفه كالعادة

وفجأه شميت شي

بس مو أي شي


ريحة تقول للي يشمها : ولا أي أي ولا زي زي

المهم إنها ريحة تعقد ،،

وريحة تعج عج بالمكان يعني بالعربي خلوها للعروس ولا تستاثمون بعمركم وتحطونها بمكان ثاني


المهم الحين أنا تورطت ،،

لأني مدري هالريحة الزينة جايه من أي وحده ...

مع أني خجولة بسؤال اللي ما أعرفهم عن أي شي ،، لكن هالمرة قررت أفقع وجه الخجل وأتحدى نفسي وأسال <<

فقعدت بمكاني وفتحت خشمي زين وجلست أتلفت يمين ويسار ،،

أبي خشمي يلقط صاحبة العطر المميز

يمكن 10 دقايق ،،،، وفجأه مرت الريحه مرة ثانية ،، وبسرعه مرت ،،

قلت بس ،،

هذيك اللي داعسة أم شعر حريري ،، هي صاحبة العطر المميز ،،

وأدعس وراها ،، وأناديها وأقولها لوسمحتي لو سمحتي ........ وقفت ويوم التفتت ،،

طلعت الأخت خادمة فلبينية وتنتظر معزبتها بنوته عمرها 11 سنة الظاهر

قلت لها :

ريحة عطرك غريبة وشي ..........!!

طالعت فيني باحتقار ،، ومشت وخلتني

إلا وحده وراي فاقعه ضحك ،، تقلي تسألين عن ريحتي صح <<< يحق لك

قلت : أي والله عجبتني الريحه مررره وريحة أعرفها وما أعرفها

فقلت أبسألك إذا ماعندك مانع << حتى لو عندك مانع بتجاوبين لاهنتي

المهم البنت طلعت طيوبة وضرييفه مره وقالت لي :

الكل يسألني عن عطري وهو عباره عن رش عطرين



الأول رجالي واسمه :

montal
الأسود






والثاني معروف :

استيلاّ العنابي





وقالت بعد :

مونتال اخلطيه مع اي عطر وبتطلع ريحتك غير وبتدعين لي

وفعلا

جربت وطلعت ريحه مميزة جداً ونفاااااااااثة