قال العزوبي يوم شاف المعاريس

Mmmmmقال العـزوبي يــوم شــــاف المعـاريسmmmmm

قال العـزوبي يــوم شــــاف المعـاريس**** الرابــح اللي لاقـــعد مــــايقــــــومي


أول سنـــة كـــلٍ يبث الاحــاســـيس **** وثاني سنة تجلب علـــــيك الهمـــومي


وثالث سـنة حط الرمل والمـــــتاريس ****لابــــد من حــربٍ تقــــوم وتـــدومي


لامن دخلت الــدار لاكــنها بلــــيس **** متلفـلفٍ في غالـــــــيات الهـــــدومي


تأخذ مـن المخباة وتسحب من الكـيس **** وتغـــــــير المــــوديــــل شيٍ لـــزومي


وان قلت مـــا أملك يامره لوهو فليس **** قـــــالت تــديـــّن لا تكــــــثر بلومي


ولاجيت مـرة نــاويٍ لـــك ب(؟؟؟؟) **** قـــالت تصّبر خل قلبك رحــــــومي


ليتك تســاعدني تصحح كـــراريــس **** زادوا علـينا أربع حصص في العـلومي


أزوارة في العصـــــر والصبح تــدريس **** واللــــــــــــيل تصحيحٍ وودي أنــــومي


تبكي إذا جاهــا وجع لوهو ضـــريس **** وتقـــول أبي دكـــتور مــاهـو حكومي


يـروح عمـرك بين عرسٍ وتـــأسيس **** واربــــع سنين والــــبزاريــن كـــومي


وسـط المطــابخ بين قز ومحـــامـيس **** هـــــــذا صحن رزٍ وهـــــذاك ثـــومي


والا خـلصـت إمنظفٍ المـــــــلالـــيس**** جتك تقــــول انهج نــبي زود لــومي


ولا جبت قالت اكنس الحوش تكنيس**** خــل البــلاط يصـير مـــثل النجومي


ومكـرسٍ جهدك من الخوف تكـريس**** وان نادتك بالصــــــوت اقبلت مــومي


يجيك تـال الليل دايــــم كــــوابيـس **** ويشــــيبنك مـــزعــجات الحلــــومي


هذي حياة اللي ركض بـــاغي(؟؟؟؟) **** ضيع حيــــــاة أول وصـــار محـــرومي


تعيش يالمعرس حياة المحـــــــــابيس**** وشف العـــزوبي بكل شـــارع يـحومي


من مفرق جلاجل إلى جوي للخـيـس **** وان حار حـايرهم بـــــوسطه يعـومي


يفـــرح إذا شاف الوتر والمـــــــراويس **** وفي كـــــل يـــومٍ كـــاشتٍ ومعــزومي


شف العزوبي مايعرف الهـــــواجيس**** ولا يـــــودي حـــرمـــته كــــل يـومي


يا عنـك ماحاش الفخر والنــــواميس **** الا عــــــزوبيٍ يعـــــــرف الســـلومي


اذا اعـرس المعرس غــدا عندنـا هيس **** ونـزيــل اســـمه من ســـجل القــرومي


والى بغيت البهذلة والــدحـــــاويس**** فأعرس وخلك من عداد الـــــرخومي


وش صـابكم من عرسكم يا المفــاليس **** وش استفـــدتــوا غــير دق الخشومي


اللي تزوج أشهد انــه غـــدا تعــــيس**** والــــرابــح اللي مـــــاخذٍ له عمومي


تـرى عناق العــام نطت على الــتيس **** والـــحـــــرعقب العــرس يصير بومي



وسلامتـــــــــــــــــــــــــــــــــكم 00