ألا ياقلب وش باقي من جراح الزمن ماجـاك
وش اللي تنتظر قلي عسـاك تغيـر السيـره
فراق وذقت لوعاته وقلـب صاحبـه ينسـاك
وجالـك شخـص قدرتـه ولا كفـاه تقديـره
وش اللي تنتظر قلي من الروحه هنا وهنـاك
ولا لك مصلحه باللي يجي لك ينشـد الغيـره
كفى طيبه أيـا قلبـي شبعنـا قولهـم يفـداك
تعبـنـا آآآه ياقلـبـي تعبـنـا يالله الخـيـره
كفايه يارجا عمـري كفانـا ماجنـت يمنـاك
تصيح فراق من ذاك اللي بحبه طق بصديـره
بعد غرك كلام أهل الأمل يوم ان الأمل ناداك
وراحو يقتلون آمال .. ماراعو بـك الجيـره
خيانه كانت القشه على ظهر الجمـال اهـلاك
وانا الصياد ياقلبي يصيـد وتـاه عـن طيـره
وش اللي عاد بالدنيا يساوي بالخفـا رجـواك
تريـث إيـه ياقلبـي تريـث مانبـي غيـره
ألا ياقلب وش ترجي بعد جرح الكرامـه ذاك
خيانه مع أمل تايه وصرنا منـه فـي حيـره
كرهت الناس والدنيا كرهتك من عذاب جـاك
وصدري ضاق بك حتى كرهتك .. غير السيره