السلام عليكم ورحمة الله وبركاته

هذي قصيدة اعجبتني واتمنى منكم ابداء رايكم فيها


كل الجروح تهون مع جرح الاحساس

وكل الجروح الخافيه ماتداوي

العام مايطري على القلب هوجاس

واليوم قلبي للهواجيس ماوى

ماكنت اظن الحظ له ناس عن ناس

ماكنت اظن ان البشر ماتساوى

المشكله جرحي كبير وحساس

من عقب عزة عرش حبي تهاوى

كرامتي مابيعها لو بالالماس

حتى لو الجرح بي ماتشاوى

حبي وحبك مابنى له على ساس

وفي دربنا مانستطيع نتخاوى

اسلك طريقك ياعسى ماترى باس

واحذر ترى قدامك ذياب تعاوى

سطرت لك عذاب القوافي بقرطاس

وترى جروح القلب ماتنداوى



فعلا كل الجروح تهون مع جرح الاحساس,لان جرح الروح مؤلم ومعذب لكن تبقى كرامة الانسان اكبر من اي جرح وهذي

هي فلسفة الجروح

اتمنى هالقصيدة الرائعه الي ابدع فيها الامير ناصر بن عبد العزيز ال سعود تعجبكم لان كلماتها تدخل القلب بدون استئذان.



في امان الله

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي