سؤال محرج هاه؟!!

<< لاهوب محرج ولا شي بس ابي اختبركم

نخش في صلب الموضوع بعد هذي المقدمه الطويله الجميله

لاشك انه يوجد ناس ممتازين وجيدين ومقبولين وساقطين << كلهم مايدخلون الجامعه وماجبت شي جديد

والله يا اخوان شي مخزي انك تجد من اهل الجزيره او من اي بلد من بلاد المسلمين شاب جالس في عايره او في سطح بيتهم او غرفته او في حمام اكرمكم الله قاعد ياكل او يشرب او يتتن في نهار رمضان ا وتلقاهم يتسكعون عقب الفجر ويفحطون او يفجرون شروخه عند صلاه التارويح<< جايبن لنا الصمرقع في حارتنا حسبي الله على الصين وتايون اللي صنعاوها واللي وردها لنا
ومايدري هالمسكين انه يمكن السنه الجايه ما يدرك رمضان ولا يعوض مافات ولا هوب ضاره شي لو صام بل بالعكس بيجد راحه وسعاده ماتوصف

بينما تجد من اهل الجزيره او من بلاد المسلمين شباب عاكفين في المساجد يتلون كتاب الله ويختمونه كل ثلاثه ايام او اكثر وتلقاهم عند الاشارات يوزعون الافطار << متعود ياكل من عندهم وشباب تلقاهم في المساجد يوزعون افطار العمال وعابرة السبيل يعني مستغلين اوقاتهم 100% بما يرضي الله

اللي ابي اوصل له ان الممتاز يجب ان يفكر كيف يصر في رمضان الجاي ان شاء الله (ممتاز جداً)
والجيد كيف يصير (ممتاز)
والمقبل كيف يصير( جيد جداً)
والساقط كيف ينجح في رمضان ويتغلب على نفسه والشيطان ويصوم ويصلي لعل الله يفتح على قلبه ويتحسن حاله
فوالله لو صليت يوم من الايام التارويح كامله عند مقراء صاحب صوت جميل والله ثم والله ان تخرج من المسجد وكأنك ملكت الدنيا بأسرها او اكثر وهذا شي مجرب