انا: طق طق طق

انتم: مين؟؟؟

انا: حلا الشمال

انتم:هلا والله وغلا تو مانور المنتدى بوجودتس

انا:يابعد تسبدي والله الله لا يحرمن منكم قولوا اامين

انتم: اااامين ولا يحرمنا منتس

انا:بصراحه عندي موضوع يخليكم تستانسون

وهو نبي نرجع شوي لايام الطفوله وبما اني بنت ابحتسي لكم

اللعبه المفضله عند البنات من اول

والي ماكانت تلعب هاللعبه من قبل اشك بوضعها صراحه

الموهيم هي لعبه (حريم)

وتتكون من الشخصيات الاتيه:

1-الام وهي حنا يامعشر الحريم
2-الاب الي دايم طالع من البيت
3-الاطفال(العرايس) وغالبا يتراوح اعمارهم ما بين الشهور الى 5 سنوات
4-والجيران حسب الرغبه<< صارت طبخه

وبعدين كل وحده وحسب تمثيلها مثلا انااسوي نفسي اقوم الصبح

واقوم العرايس اقصد العيال وافطرهم وبعدين اخليهم يسرحون

يمرحون بالبيت واروح اقيل شوي الصبح

على بال مايجي ابونا

وبعدين اقوم على العيال امردغهم

(اكفخهم لغير الناطقين باللغه العربيه)عشانهم حاسوا

البيت علي وبعد شوي يجي ابوهم يلعنن

وبعدين اغدي العايله الكريمه وبعدين أخذ قيلوله

<<طول اليوم تقيل

الموهيم هذي نبذه بسيطه عن لعبنا قبل بس كل وحده لها طريقتها

باللعب وهذا ان دل يدل على الطريقه الي تطمح لها البنت

بحياتها في المستقبل وتربيتها لعيالها

يعني انا رحت غلطه دام حياتي كلها قيلوله

بس اهم شي بالموضوع ان الله سبحانه جعل الامومه فطره فينا

واننا نستمتع وحنا نربي ونتعب<<تراي عزبا لاتفهمون غلط

حتى اسالوا فروسه

عاد والله انا هذي لعبتي المفضله حتى ان عروستي كل ما انهرت

اروح اخيطهاولا ابي غيره<<وه بث ادنن

عاد الحين دوركم اسدحوا لعبتكم المفضله يوم انكم بزارين

<<هذي فروس ايام الطفوله هع هع

بالله عليكم تقبلوا موضوعي الي يخلكم تستانسون

وتحسون انكم كبار الحين

اختكم/حلا الشمال

بس سوعال اخير:
ليه ماصنعوا عرايس للعيال؟؟<<اقوووول ضفي بس