بدايه ارحب بالجميع وعسى القصه ان تنال اعجابكم

هذه قصه حقيقه من الواقع
كانت وتبقى في ذاكرتي

هذه القصه انتهت احداثها من وقت قريب ولكنها بدات من قبل سبع سنوات تقريبا قصه مؤلمه جدا ونهايتها مؤلمه ولكن كي لا اطيل في الكلام عليكم
بسم الله ابدأ؛؛
تحكي هذه القصه لصديق لي اسمه محمد من احدى المدن المعروفه بالمنطقه الشرقه
يشتغل محمد في المنطقه الام التي كانت بالقرب من اهله ووفق بالانتقال الى منطقه في نفس الشركه التي كان يعمل بها كي يحسن
من وضعه المادي ودخله المعيشي وايضا لسبب ظروف عائليه تخصه وبعض المضايقات التي كان يعيش فيها من بعض الاصحاب الذين يكرهون
الخير لغيرهم ولايحبون الخير لاحد
انتقل محمد على شان يشتغل بوظيتفة الجديده حارس امن وبدء العمل في هذه الوظيفه لمدة ثلاث شهور تقريبا او اكثر
كانت علاقته بالموظفين ممتازه واكثر من ذلك وكانت سمعته حسنه وطيبه واخلاقه عاليه جدا
ثم قرر رئيسه المباشر بترقيته على ما يبذله من مجهود واداء في العمل وقرر ان يعطيه علاوة في السلم الوظيفي تقديرا لمجهوده
اتى القرار بترقيته وتعيينه كامامور سنترال في الشركه وبداء مشواره في هذه الوظيفه ولكنه كان يطمح في ان يكتسح باب الكسل ويفكر
في وظيفه تناسبه افضل من هذه الوظيفه وكان حلمه ان يعلم بوظيفه مرموقه ويكافح من اجل ان يجتني هذه الوظيفه
اكتستب محمد فن مهارات التعامل وفن التعامل مع الغير باسلوب لبق وحسن وكان كل يوم يكسب علاقات جديدة ومهارات اجدد
مرت الايام مع الايام وبعد فتره تقريبا شهر ونص
كان محمد يؤدي عمله كالمعتاد في فترة الصباح وكان يوم اربعاء اي نهاية الاسبوع
لحظات واذا بالسنترال يرن رفع السماعه
محمد: الو - الو - الو - الو
مافي احد يرد عليه
سكر محمد الخط
مره ثانيه السنترال يرن
محمد: الو - الو - الو - الو
لاحياة لمن تنادى
سكر محمد الخط
وعلى عدة مرات وعلى نفس الموال مافي احد يرد عليه
وفي الفتره المسائية حوالي الساعه 5 العصر
ررررررررررن السنترال
محمد: الو - الو - الو - الو
محمد: الو
المتصل : هلا
محمد: اهلين هل من خدمه
المتصل : خلاص محمد اكلمك بعدين
محمد: الو مين انتي وكيف عرفتي اسمي وايش تبغي
المتصل : خلاص محمد قلت لك بعدين امي جات
محمد : طيب من انتي وكيف عرفتي اسمي
طووووووووط
بداءت الافكار وبداءت الهواجيس من ياترى هذه البنت وتعرف اسمي بعد ياربي منهي
انتهى الدوام والتفكير كاد يذبحه والفضوول اكثر يريد ان يعرف من هذه البنت وهل هي مكيده من احدى الفتيات او مصيده الخ.....

وصل الشقه تروش وقعد والافكار كادت ان تذبحه وصار مثل المجنون يريد معرفة هذه البنت التي اتصلت وعرفت اسمه
ذهب لينام على سريره ولازال ذلك الصوت في اذنه وتفكير وخيالات ورسومات لتلك الفتاة
ويعيد ويزي في ذهنه هذا السؤال من هي تلك الفتاة ياترى؟ ولم ياتيه نوم الى الصباح
وفي اليوم التالي كالمعتاد ذهب للعمل وهو سهران لم يهدء له بال ولا تفكير في تلك الفتاة
وكان ذلك يوم خميس اي ذلك الويك اند
دخل الشركه محمد وذهب لموقعه واستلم عدة مكالمات للعمل
وفي حوالي الساعه 10 رن الستنرال
محمد: الو
المتصل : هلا محمد صباح الخير
محمد: اهلين صباح النور مين معي
المتصل : هههههههه بكل ادب اممممم محمد بكل امانه ماعرفتني
محمد : لا والله ما عرفتك انتي منو وماقلتي كيف عرفتي اسمي
المتصل : انا اسمي هنادي
محمد : والنعم عاشت الاسامي اسم حلو مرره طيب ماقلتي لي انتي كيف عرفتي اسمي
هنادي : عرفت اسمك اممممم
محمد: قولي كيف عرفتي اسمي تراني على اعصابي
هنادي : طيب لا تعصب بقولك كان صديقك يناديك وانت قلت له نعم ومن كذا عرفت اسمك
محمد: اممممممم طيب امري ايش تريدين انتي قلتي بكرى بتكلميني وخليتني امس كله ما انام تفاكير وهواجيس
هنادي: ياحرام صحيح والله اسفه مو قصدي بس كانت امي داخله وانا ماسكه السماعه وماعرفت ايش اقول وسكرت بسرعه
محمد : طيب انتي منو وايش تبغي وليش متصله
هنادي : والله بس اليوم خميس وامي طلعت مع ابوي راحو السوق وانا قلت فرصتي اتصل عليك عشان اريح قلبك هههههههه
محمد : كيف يعني ما فهمت وبعدين تصلي علي متى المعرفه
هنادي : المعرفه من زمان والي مافهمته امس قلت لك كلام وبسرعه وعارفه انك ما فهمته
محمد: اممممم فمهت قصدك
هنادي : فطرت او بعدك
محمد : لا والله على لحم بطني من امس بعد ما قفلتي
هنادي : ياحرااااااام وليش اجل قوم اكل وبعدين بتصل عليك وش رايك
محمد : والله تبي الصراحه ميت من الجوع من امس الى الحين ما اكلت ولاحاجه بس شكلي بطلب من صديقي وهو جاي يجيب لي معه حاجه
اكلها لاني خلاص مو قادر على الجوع
هنادي : يقولون الجوع كافر
محمد : خخخخخ صحيح والله الجوع كافر
هنادي : يالله بقفل الحين يمكن يجي ابوي وصير لي سالفه خلاص العصر اتصل فيك وش رايك
محمد : لا اليوم خميس ونص دوام يعني العصريه انا مو فيه
هنادي : اجل بعد شوي اتصل عليك اذا حصلت لي فرصه طيب
محمد : اوكي على راحتك بس مو تنسي ما تتصلين
هنادي:ههههههه لا تخاف بس تحصل فرصه بتصل والله طيب
محمد : اوكي تامري بحاجه
هنادي : ابوي جا يالله باااااي اكلمك بعدين
محمد : اوكي باي

جلس محمد يفكر مع نفسه هذي منو وايش تبغى ومن رسلها علي وكيف قمت اكلمها والامر عااااااادي مع اني ما اكلم بنات وعمري
ماسويتها اني اكلم بنت واخاف اذا اكلم بس هذي بصراحه لحست عقلي وكأني اعرفها من زمان

دق الجوال
محمد : هلا هاني
هاني : اهلين محمد صباح الخير
محمد : هلا بك صباح النور
هاني : فطرت حبيبي او اجيب لك معي فطووور
محمد : والله كنك تدري وتوني بتصل عليك تراني ميت جووووووووع
هاني : تامر امر حبيبي بجيب لك فطور على ذوقي طيب وا تبغا شي معين
محمد : والله بيكفك جيب الي تبغا تجيبه انا ميت جوع ابغا حاجه تسد جوعي وخلاص
هاني : طيب شويات وانا جاي الشركه
محمد : انتظرك على ناااار اوكيه
هاني : نار وله حريقه خخخخخخخخخ
محمد : خخخخ الا ثنين
هاني : اوكي حبيب قلبي باي
محمد : بايات قلبوو

محمد جلس لوحده ويقول اااااااي يابطني والله ميت جوووع متى يجي هاني بس

شوي ووصل هاني الشركه ومعاه الفطور

هاني : السلام عليكم
محمد: وعليكم السلام
هاني : هاه غريبه مافطرت اليوم وش صاير العاده تفطر بدري
محمد: اجلس خلني افطر وبعدين بعملك بسالفه
هاني : اي سالفه بعد خير عسى الاهل مافيهم حاجه
محمد : لالالا السالفه الي بقولك اياها تخصني بس مو خطيره ريح بالك حبيبي
هاني : يالله اجل نفطر على شان اعرف هالسالفه

طبعا هاني عنده هالسوالف يمكن عنده فوق 4 صديقات ويتسلى فيهم
وكان هاني مكان محمد سابقا مامور سنترال وكان يكلم من وحده الى وحده
وبعدها جاته ترقيه وحل محمد مكانه

المهم خلصو الفطور

هاني : محمد وش رايك بالفطور
محمد: تسلم والله بس الي يسمعك يقول انه فطور بيت بس الحمدلله
هاني : يالله الغربه كذه والعزوبيه كذه وش نسوي
محمد : خخخخ صدق والله الغربه والعزوبيه وماتسوي
هاني :يالله ماعلمتني بالسالفه تراني متشوق اسمعها تكلم غرد
محمد: ههههههه حلوه غرد قالو لك بلبل ههههه
هاني : والله لوتبي الصراحه انك احسنه منه
محمد : في ايش احسن منه
هاني: لنك تكلم وتاخذ وتعطي والبلبل بس يغرد
محمد : والله من ذوقك قلبووو
هاني : شكلك مابتقول هالسالفه
محمد : لالا بقول والله / السالفه ومافيها ( علمه بالي صار معه ) وش رايك
هاني : والله وش اقولك اخاف مرسوله من احد وتورطك انتبه منها هذا رايي
محمد : والله مدري بس قلبي مرتاح حق هالبنت وبنفس الوقت متخوف منها ومثل ماقلت اخاف تكون مرسوله من طرف احد
هاني: طيب انت جرب احقرها او خوفها وشوف وبعدين موبهالسهوله بتدخل وياك وبسرعه بدون مقدمات وبدون اسباب
محمد: والله هذا الي مستغرب منه بس انا بمخمخ في الموضوع وبشوف الي يطلع معي
هاني : يالله انا بمشي راح علي وقت بطلع عندي شغل برى لازم اخلصه ضروري
محمد : طيب الله معاك
جلس محمد لوحده كلام هاني صحيح بس والله انا مرتاح من هالبنت وش الدبره وش اسوي وهذي ما اتصلت
انتهى الدوام ولا اتصلت عليه هنادي المهم وقف راح بيدق الكرت ررررررررن السنترال
محمد : الو
هنادي: هلا محمد
محمد: اهلين وينك من متى وانا انتظرك تتصلين
هنادي: والله ماقدرت المهم ما اقدر اطول لنه توني مخلصه من الغذا وقمت اغسل وحصلت فرصه واتصلت مثل ما وعدتك
محمد: طيب وبعدين يعني ما اقدر اتلكم معاك
هنادي: لالالالالا اهلي كلهم موجودين بعدين او خلاص يوم السبت اذا رجعت من المدرسه بكلمك طيب
محمد: ليش انتي ما عندك جوال
هنادي : لا والله اهلي متشددين شوي
محمد : طيب وش الحل
هنادي : تحمل شوي يوم السبت بتصل وعد مني امي نزلت من فوق يالله باي
محمد: يالله باي

انقطع الخط ومحمد قلبه على نار متى تصل هنادي مره ثانيه
مر الويك اند وجا يوم السبت ومحمد ينتظر متى يجي العصر او وقت الطلعه من المدرسه عشان هنادي تتصل عليه
جاله هاني وعلمه بالي صار يوم الخميس قاله هاني طيب استفسر منهي وشو تبغي منك عشان تكون على بينه انت واهي طيب
محمد:اوكي هاني على خير انا انتظرها تتصل فيني وبشوف الوضع
هاني : خلاص محمد انا ستاذن عندي شغل برى طيب
محمد: على خير واذا صار شي بعلمك اول باول طيب
هاني : طيب على خير يالله مع السلامه

وخلص يوم السبت وهنادي ما اتصلت على محمد
وكان محمدباله مشغوووووول بالحيل ويتنظر بس متى بتتصل عليه هنادي

انتهى الجزء الاول ولكن هل تتوقعون تتصل هنادي مره ثانيه على محمد ؟
وهل هنادي مرسوله من احد او لا ؟

انتظرو الجزء الثاني ولكن بشرط ان يكون هناك تشجيع وردود عشان اكمل باقي القصه لكم
تحياتي للجميع

واااااااااااااااااااااااااوانا اول وحده قريت القصه رغم اني من زمان مادخلت المنتدى بس لفتت نظري وقلت خلني اقراها
بصراحه قصة بدايتها مره حلوه من جد بس ياريت تحط الجزء الثاني بسرعه
ننتظرالتكمله وتسلم اناملك ولاتتأحر علينا

_________________

يسلموو والله على المرور الجميل

وانشاء الله يجي الجزء الثاني بس لما نشوف ردود اكثر

وتشجيع من باقي الاعضاء

يــــعــطـيـك العــافية

تقبــل مروري

_________________

الله يعطيك العا فيه عجل في الجزء الثاني لاني متحمسه للموضوع يسلموا