اللهم انني لاأعترض على قضائك وقدرك
اللهم اني راضياً بماقسمته لي
اللهم اني راضياً بماكتبته علي
لكنه بوح خافقي ومشاعر انسان ضعيف
مشاعر يبوح بها لخالقه عله ان يفرج كربته
ـــــــــــــــــــــــــــــــــــــــــــــــَ
عيني اللي على ذكرى وليفي بكت =يالله انـك تـفـرج هــمـهـا ياكـريـــم
والمحاجر لربي من عناها اشتكت=تنـثـر الدمـع كــلـه تـشتكي للرحيم
ياجمال الحمول اللي بحملي بركت=من ثـقـيـل الحمول اشـيل همً عظيم
ياظروف الزمان اللي بقلبي فتكت=خـلت القـلب كـنه بيت طـيـن هـديم
والله ان اللـيالـي لـو تـكـلم حـكـت=عن سهركن عيوني طول ليل بهيم
والله ان اللـيالـي لـو تـكـلم شـكـت=كـيـف عـذبت ليلي يالعـذاب الأليــم
والله ان الكلام اللي نقـوله سـكـت=اذهله حال قـلبي يـوم شافه حـطـيـم
كيف قسوة زماني خططت وحبكت=أقـلبـت لي السعـادة حـولـتها جـحـيـم
علها يانظيري قـاربت وأوشـكـت=تـنـفـرج كربـتـي بفـضل رباً كــريم
ــــــــــــــــــــــــــــــ
عبدالرحمن محمد النوفل
العرض العادي
