وفيت حين البشر يشح وافيها=وهويت حتى الهوى يشرب بفنجاني

كنت احسب اللي تقوله صدق يعنيها=وكنت احسب اللي بذاك الجوف يهواني

وكنت احسب اللي سهرها محبتي فيها=ولقيتها الليل تسهر.. تنسج اكفاني

قمت ادور في خيالي وارتسم له في خياله=فأحترق همس المشاعر عند حظي وانقتل
كل ماحاولت ابني قصر وازيد اعتداله=اقترب حظي وهدة واكتسى روحي وجل
وكل ماحاولت اقرب شد عن قلبي وصاله=آآآآه ياجور الليالي وآآآآآه ياعشق(ن) ثمل
ليه ياحظي معاند ...شئ ما اطيق احتماله=عظم الله اجر قلبي ...حب ومصابه جلل
حتى انتى يالحبيه مثل حظي في خصاله=مثل غيث مر عمري في حياتي وارتحل
كملي فيني جميلك ووثقي حبل الجماله=انزعي حب(ن) ربيته في خفوقي واكتمل
كان صدقي في وفائي فاق حلفك بالوفا له =ليه يامعاند جروجي انتهى فيك الأمل
دامك اخترتي طريقك ياعسى دربك سهاله=.ارحلي واوعد خفوقك قد نبضاته يُعلل
فالبسي راسي العباية واعلني موت الرجاله=.واكتبي بوح القصايد هذا مجنون وخبل
افعليها لو ذكرتك في خيالي وفي خياله=همسي اللي لك رخصته حب واعماني اجل.!!
عيبي اني لا عشقت اعشق الى حد الثماله=وعيبي اني لا وفيت اوفي ويضرب بي المثل
وعيبي اني لا حضرت احضر وانا كلي فداله=وعيبي اني لا نسيت انسى..كأن ماشئ حصل
وحظي اللي لو قضيت العمر وادور بداله=مامعي غيرة كتب لي مقتنع مهما عذل
الرضا كنز القناعه والغلا ماهو بفاله=حكم واصدرته بكيفي زل حكمي فيه زل
من رسمته في خيالي حال عن رسمه خياله=وانقتل همس المشاعر في عيوني وانهمل