بعد التحية لكل الزوار والاعضاء
قولوا اول شي
الله يرزق الجميع بالعمل والرزق الوفير في اي مكان
موضوع المباحث انا تابعته من اولة في المنتدى وعندي نقاط يمكن تفيدكم او معلومة تهمكم
1) التقديم
ذكروا الاخوان بان التقديم كان عن طريق الموقع
اللي صار انه قد يكون في تقديم بالموقع ولكن كانفي اعلان عن وظائف في وزارة الداخلية بمراتب معينه اذا تذكرونها
وتم اجراء مقابلات مع اللي تم استدعائهم ( وانا منهم )
وبعد كذا ما ظهرت النتائج وانا بصراحة ما عندي معلومه عنها واحاول بشتى الوسائل بس للاسف محد يرد على التحويلة في الوزارة
بعد فترة من مقابلة الوزارة استدعيت للمقابلة في المباحث العامة وكانت ولله الحمد اكثر من رائعه ويفترض تظهر النتيجة بعد شهر بالضبط ( يعني انتهى الشهر اليوم )
الطبيعي ياجماعه انه ما ينزل اعلان عن المقبولين لهذة الجهة على الاطلاق او حتى للوزارة نفسها حسب ما سألت وفهمت من ردود الاخوان في الوزارة
المقبول راح يتصلون عليه فقط
المحصلة انه في ناس تقدمت عن طريق الموقع وفي ناس عن طريق تقديم الوزارة
اللي عن طريق الانترنت لا اعلم وضعهم بالضبط
اذا في احد سوى مقابله يقول !!
عموما انا سويت مقابلة والى الان لم يتضح شيء في الاثنين
باالاخير
ياجمااااااااااااعه اركدوووا
انتم مقدمين على وظائف حكومية اجراءاتها تطول كثير
يعني لما كنت اكلم الرجل عن نتيجتي في مقابلة الوزارة ( سويتها في شهر ربيع اول ) قال لي
اصبر في ناس عملوا مقابلات في شهر صفر وما طلعت الى الان
يعني الوضع يطول
واللي مؤمن بنظرية الواسطة بقول له كل شيء جايز
لكن اقسم بالله العظيم لو الله كاتب لك الخير فيها
والله العظيم يجيك غصب عن كل البشر
بالأخير الصبر الصبر وابحثوا عن وظائف اخرى واذا جات قارنوا بينهم
اهم جي لا تحطون يدكم على خدكم
واللي عنده معلومة عن النتيجة لا يبخل على اخوانه
ولا يحتاج يقول اي شي يمس عملة
بس يقول انه النتيجة ظهرت واذا مصدر ممكن نطلع عليه يقول لنا
والله يرزقكم ياخوان
ولا تنسوني من الدعاء
محبكم
ابو طلال
العرض العادي
