اغرب قصة خطوبه ........................

[size=4][color=#008000]هذي قصه بنت اسمها ساره مدمنه على النت وكانت ماتسكر النت الا الساعه 1 بالليل
المهم ذي البنت كانت تحب الماسنجر مجمعه كل صاحباتها فيه الي
تعرفهم والي ماتعرفهم كانت بس تحب السوالف والعربجه وهي كان النك نيم حقها (( سوسو))
في يوم من الايام اضافها واحد ومسمي حاله (( الامبرطور )) المهم مر اسبوع وهي ودها تعرف مين هذا وليش اضافها ومين اعطاة الايميل حقها لاكنها ماشافته على الماسنجر يعني يأست البنت
وتركته
بعد ثلاثه ايام دخل هو الماسنجر وشافته طبعا انبسطت عشان بتفتح تحقيق معه
الامبراطور :
هاي
سوسو :
من انت
سوسو ::
ومن وين عرفت ايميلي وش حقه اضفتني ومين اعطاك الايميل.......................الخ
الامبراطور ::
بسم الله شوي شوي علي وبعدين أنتي بنت
سوسو
أي عندك مانع
الامبراطور :
لالالالالا بس انا غلطان اختي لاني كنت بضيف صديقي وطلع الايميل غلط
سوسو :
وليش تغلط
الامبراطور :
اختي قلنا آسف عن الغلط
سوسو :
اجل تضيف بنات الناس وماتبغا حد يحقق معك
الامبراطور :
اقول اختي فرصه سعيدة وآآآآآآسف مرة ثانيه وممكن انك تحذفيني او تحضريني اذا مش عاجبك الوضع
سوسو :
يعني ايش تقصد
الامبراطور :
اقصد مع الف سلامه
سوسو :
لحظه لحظه
الامبراطور :
هلا تآمرين بشي
سوسو :
لا سلامتك بس ماقلتلي ايش اسمك
الامبراطور :
ههههههه ليش مهم
سوسو :
وليش الضحكه ما اعتقد كلامي يضحك
الامبراطور :
لا ابدا لاكن كلامك بالبدايه غير وهذا غير
سوسو :
طيب آسفه على السؤال باي
الامبراطور :
باي
وضلت ساره حاقدة عليه لانه ما اعطاها وجه
ومر يومين وماشافته بالنت
المهم لما دخل على الماسنجر على طول هي الي بدت الكلام
سوسو :
مرحبا
الامبراطور :
مراحب
سوسو :
كيف الحال :
الامبراطور :
بخير
وبعد صمت طويل
سوسو :
آسفه الظاهر انك مشغول وانا عطلتك الامبراطور :
لا ابدا حبي لا كن انا اشتغل على البحث حقي وما ادخل الماسنجر كثير
سوسو :
وشو حبك حبتك القرادة قول انشاء الله
الامبراطور :
وش فيك انقلبتي
سوسو :
بس بأي صفه تقول حبي
سوسو :
الشرهه على الي يكلمك مش عليك
الامبراطور :
سوري آنا آسف وحقك علي
سوسو :
سوري ولا لبناني مايهم وهذي آخر مرة تقول ذا الكلام
الامبراطور :
طيب ياصاحبه السمو اوعدك ما اعيدها
سوسو :
الـــــــــــــــــله عجبتني كلمه صاحبه السمو كذا الكلام والا بلا
الامبراطور :
خلاص من اليوم ورايح راح اناديك صاحبه السمو وش تبغين بعد
سوسو :
طيب انا ايش اناديك
الامبراطور :
هههه حلو ذكائك انا ناديني باسمي عبدالله
سوسو :
واااو اسمك جنان حلو مررررة حلو مش مثلي طاح حظي
الامبراطور :
كل واحد اسمه لايق عليه
سوسو :
ليش مش حاب تعرف ايش اسمي
الامبراطور :
على راحتك اذا حابه تقولي قولي
سوسو :
طيب كم عمرك
الامبراطور :
عمري 25 سنه
سوسو :
العمر كله
سوسو :
على فكرة انا اسمي ساره وعمري 18
الامبراطور :
هههههههه
سوسو :
انت من صجك تضحك
الامبراطور :
أي ليش عندك مانع
سوسو :
لا سلامتك بس مافيه سبب يضحك
الامبراطور : آس
سوسو :
اقول وش رايك انا معي شله بنات نضيفهم بالمحادثه وندردش
الامبراطور :
لالالالالا انا مثل ماقلتلك عندي بحث ولازم اخلصه ومشغول شوي
الامبراطور : باي
سوسو : باي
وضلت ساره مع عبدالله على هذا الحال مدة شهر وهي دوم تفكر فيه وبعدها ضل لمدة ثلاثه شهور مايدخل النت او يرسل لها ايميل

البنت جنت وقالت اكيد شافله شوفه

وضلت تفكر فيه لاكنها كانت تقول دوم هو غير الشباب الي بالنت هو غيرهم
مايهمه البنات كثير
وبعد اسبوع..
الامبراطور :
يامساء الخير والاحساس والطيبه
سوسو :
اهلين وينك يالقاطع
الامبراطور :
سلامتك لاكن الاختبارات ماترحم وهذي آخر سنه لي
سوسو :
الله يوفقك
الامبراطور :
وحشتيني موت
سوسو :
انت اكثر
الامبراطور :
صدق تتكلمين ؟ ما اعتقد
سوسو :
والله ما اقدر على فرقاك جد اتكلم شوفلك صرفه
الامبراطور :
خلاص انا عند حل يرضي كلا الطرفين
سوسو :
ايش هو ؟
الامبراطور :
ايش رايك اعطيك رقم جوالي واذا حبيتي تشوفيني بالنت او وحشتك مثل ماتقولين ارسلي بس رساله لي
سوسو :
نعم لا منت صاحي ولا تفكر بيوم اني مثل البنات الي انت تكلمهم انا بنت ناس ومتربيه و..................الخ
الامبراطور :
والنعم لاكن انا ماقلت بكلمك قلت ارسلي رساله و يصير خير
سوسو :
خلاص غير الموضوع بسرعه
الامبراطور :
اوكي لا كن هذا رقمي اذا حبيتي تشوفيني مرة ثانيه بالنت ارسلي بس رساله
سوسو :
طيب باي
الامبراطور :
باي
طبعا ساره اخذت موقف من عبدالله لاكنها ولشدة فضولها سجلت الرقم
المهم بعد كم يوم اشتاقت تكلمه او بالاخص عندها موضوع حبت تقوله
فكرت ايش تسوي او كيف تشوفه بالنت
فقالت لنفسها : ليش ما ارسله رساله مثل ماقال هو مابيكلمني ولا انا راح اكلمه
المهم كتبت برسالتها (( عبدالله معليش لو سمحت تدخل النت ضروري ))
المشكله انه مارد عليها او دخل النت
مرت نص ساعه على ذا الوضع
انقهرت البنت وارسلت رساله ثانيه تقول فيها (( معليش آسفه على الازعاج ))
وكرهت نفسها بعد هذا الموقف انها تصورت انه مطنشها
وبعد ايام (( شافته بالنت ولا كلمته وضلت على هذا الوضع ربع ساعه ))
ملت وتنازلت انها هي الي تبدأ بالكلام
سوسو :
السلام عليكم
الامبراطور :
هلا والله
سوسو :
لو سمحت احذفني من عندك وما عاد اشوف رقعت وجهك بالماسنجر
الامبراطور :
اللهم سكنهم ايش الي صار
سوسو :
بعد الحركه الي سويتها معي ماودي اكلمك او حتى اشوفك بالقروب حقي...........
الامبراطور :
ليش لاسمح الله انا ايش سويت
سوسو :
لا انت ماتسوي شي
سوسو :
بس طنشتني وانا كنت محتاجه لك ذاك اليوم
الامبراطور :
أي يوم
سوسو :
اقصد الرسايل الي ارسلتها لك لاتستهبل خويلد
الامبراطور : آآآآة تقصدين حقت النت
سوسو :
أي هي ليش مادخلت النت او حتى قلت انك مشغول
الامبراطور :
لا عمري انتي فهمتي غلط انا افتكرته واحد من الربع مطلع رقم جديد
سوسو :
لا بس انا آسفه وهذي آخر مرة
الامبراطور :
عمري لاتقولي هذا الكلام وثاني شي انتي قلتي انك ماتبغين الرقم آخر مرة شفتك فيها وانتي ماكتبتي اسمك بالرساله عشان اعرف انها منك
سوسو :
طيب انسا الموضوع
الامبراطور :
طيب ايش هو الموضوع المهم
سوسو :
خلاص ماله داعي
الامبراطور :
بتقولين ولا كيف ؟؟؟ تراني عصبت
سوسو :
كل مافي الموضوع ان انا خطبني محمد ولد عمي وانا ما احبه ولا اطيق اشوف رقعت وجهه
واهلي موافقين كلهم واخاف ارفض وعمي يزعل من بابا
الامبراطور :
والمطلوب
سوسو :
انصحني
الامبراطور :
شوفي انا ماني سريع بالكتابه
يعني راح اتصل عليكي واقولك رايي لان الموضوع باين عليه طويل
سوسو :
لا مجنون انت
الامبراطور :
يابنت الناس ماني مآكلك وثاني شي انتي لاتتكلمين انا بس الي راح اتكلم اوكي
سوسو : (( وبعد تفكير مطول ))
طيب لاكن انا مابقول ولا كلمه
الامبراطور :
اوكي
بعد ثواني ررن (( طبعا نغمه راشد ))
عبدالله : الوووو مرحبا
ساره :..... (( صامته البنت تستحي ))
عبدالله : طيب قولي مرحبا انا كذا ما اعرف اكلمك وانتي ساكته يعني كأني مجنون
ساره : (( بلا شعور )) لا سلامتك
عبدالله: الله الله يسلملي هالصوت الحلو
ساره : (( لاتعليق ))
عبدالله : اوكي ماراح اطول عليكي انتي قلتي انك ماتحبينه ممكن اعرف السبب
ساره : ضروري تعرف
عبدالله : اكيد عشان اقولك رايي
ساره :
(( ساره طبعا بلا شعور )) لانه واحد معقد وتافهه وماعندة سالفه
عبدالله : يمه منك كذا على طول خليتيه معقد ؟ اكيد في سبب
ساره : لا بس من طريقه كلامه واسلوبه وثاني شي شايف عمرة مدري على ايش كأنه مافي حد درس جامعه غيرة
عبدالله : يعني المثقف عندك معقد او مغرور
عبدالله : انا طيب مهتم بدراستي فوق ماتتصورين
ساره : لا عاد انت غير
عبدالله : كله من ذوقك يا عسل
ساره : تسلم (( قالتها بكل خجل ))
عبدالله : المهم اذا كنتي لهذي الدرجه ماتحبينه خلاص ارفضي والي يصير يصير المهم انتي تكوني مرتاحه
ساره : طيب ممكن اطلب طلب
عبدالله : آمري تدللي
ساره : ممكن ترسلي صورتك
عبدالله :ههه لا طبعا
ساره : طيب آسفه
عبدالله : لا عمري لاتزعلين لاكن انا من جد مش وسيم واخاف تنصدمين
ساره :طيب اوصفلي نفسك
عبدالله : احم احم طبعا اناقصير اسمر شعري كشه على قولكم انتوا البنات
ساره :ههههه أيش دعوة
عبدالله :طيب هذا ابن عمك حلو
ساره : ياي يجنن تخيل طويل وابيض عيونه عسليه وشعرة ناعم مثل جواد العلي
عبدالله : ههههههههه هذا الي قاطع قالبكم يالبنات جواد وطقته
ساره : لا بس ماشاء الله عليه كثير وسيم يمكن احلى مني بعد
عبدالله :ليش انتي مش حلوة
ساره : لا قمر واحلى من القمر بعد لا كن انا متواضعه
عبدالله : واضح
(( طالت المكالمه لمدة 3 ساعات تقريبا وفجأة ))
ساره : اووعبدالله الساعه 2 الوقت سرقنا وانا عندي بكرة مدرسه
عبدالله : اوكي عمري ما اطول عليك لاكن بكرة بس اجلس الصباح راح ادق عليكي
ساره : اوكي
عبدالله : تصبحين على خير
جلست ساره الصبا ح وهي متأخرة
وطبعا اعطوها حرمان من الحصه الاولى
جلست بالساحه تفكر بعبدالله وفجأة رن الجوال (( على نغمه راشد ))
عبدالله : الو
ساره : الوووو
عبدالله : يسعد لي هالصباح
ساره : هلا والله الطيب عند ذكرة
عبدالله : مشاء الله كنتي تفكرين فيني
ساره : انت ايش شايف
عبدالله : ماقلتيلي ماعندك كلاس الحين
ساره : لا عندي بس حرموني منها لاني متأخره
عبدالله : اوف ماعاش من يزعل عمري
وضلت ساره وعبدالله على هذا الحال كل يوم تكلمه ولاتفوت أي شي الا وتقوله له
ورجع في يوم من الايام ولد عمها وتقدم لها للخطبه
لا كن اهلها غصبوها على الموافقه
ووافقت بعد تردد وتفكيرطويل
واتصل عبدالله :
الوو
عمري كيف الحال
ساره : هلا حياتي كيفك
عبدالله : تمام
ساره : عبدالله بقولك على شي متعبني
عبدالله : ايش هو لايكون تعبانه
ساره :
لا حياتي لا كن ولد عمي خطبني مرة ثانيه واهلي غصبوني عليه
عبدالله: طيب
ساره : يعني انا وافقت عليه وصار خطيبي وبعد اسبوع كتب كتابي عليه
عبدالله : طيب تحبين اخطبك
ساره : انت تتمسخر علي (( تقولها وهي تبكي ))
عبدالله : لاعمري لاكن ليه تبكين
ساره : لانك آخر واحد فكرت انه يتمسخر علي
عبدالله : طيب اقولك على سري ماقلته لحد قبلك
ساره : ايش هو
عبدالله : انا كمان خاطب بنت قرايبنا
ساره : ايش وليه ماقلتلي
عبدالله : آهـ وعلى فكرة اسمها ساره وعمرها 18 وهي بنت ولا كل البنات
ساره : ايش تقصد ؟؟
عبدالله: اقصد ياعمري انا اسمي محمد ولسه متخرج من اسبوعين وخاطب بنت عمي سوسو
ساره : (( بدون شعور سكرت بوجهه السماعه ))
مر اسبوع وجاء يوم كتب كتابها من غير ماتكلمه او يكلمها
المهم بعد ماعقد قرانهم اجا عشان يشوفها ويجلس معها
هي كانت تبكي وتقوله ليش سويت كذا فيني حرام عليك
قالها لانك كنتي ماتحبيني وخليتك تحبيني غصب صح
قالتله : صح
وتبادلو الضحكات هههههه



هذي القصه وقعت في السعودية..

المشاركة الأصلية كتبت بواسطة سراب.................كوم يسلموووووووووووووووو (((((( الحب المدفون )))))) ماشاء الله عليك ..... اول عضو يرد .. ما امداني نزلته .......