السلام عليكم ورحمة الله وبركاته

انشالله تستفيدون .. وهاي التوربوات الأكثر استعمالاً عند الشباب

Ts04: هالنوع تقتدر تستعمله اذا كان موترك ستاندر ما عليه شي وهو يعطيك قوة حصانية ما بين 450 لين ال 500 حصان وحتى اذا كان الجير عندك اتماتيك فما يضره أبد

T61: اييكم أكبر من اللي قبله ويعطيك قدرة حصانية توصل لل 600 حصان , ولازم تركب وياه فيول سيستم كامل وهالتيربو ما يتأخر ليما يفتح بعكس التيربوات الأكبر حجما و كما ينفع للأستعمال اليومي ولسباق الشوارع.

T66 : هذا يقدر يوصل لكم من 600 لين 675 حصان وهالحجم أكبر حجم تقدر تركبه على موترك للأستعمال اليومي يعني تطلع فيه وتتمشى وخطووط , والبوست ماله يوصل حده يوم يوصل الأربي ام 4 وحبتين وتقدر تفتح البوست لين 1.6 بار هذا اذا المكينة وكاله واذا عليه سامان فتقدر توصله لين 2 بار وهالتيربو حلو للدراج ريس بعد.

T70: هالنوع أكثر شي يستخدموه بنسبة 90% للدراج ريس والبوست يتأخر شوي ليما يفتح ويقدر يعطيك لحد 750 حصان طبعا اذا مرتب الهيد مال المحرك.

T72 : عاد هالنوع تقدر تسويهم تونات على حسب ما هو مكتوب وما يتأخروا ليما يفتحوا بكامل قوتهم وينفعون للدراج ريس بس ويوصل لك ل 1000 حصان..

T25/28 : هذيل عاد تونات ومب سنجل ويوصل لك ل 500 حصان ك حد أقصى لهم ويفتحون بسرعه وحلوين للشوارع واكثر شي يركبونهم للسوبرات بدال تونات الوكالة...

Gt2540 : هالتونات مخصصة أكثر شي للسوبرات وتوصلك ل 900 حصان ويفتحون بسرعه لأنه الهوزنج فيهم صغير.

Gt2835 : هذيل نفس الشي تونات للسوبرا ويوصلوك ل 800 حصان عند آر بي ام 5 وهالتونات حلويين للدريفت...

T04r : عاد هذا اييك كبير ويكون سنجل تيربو ويوصلك لل 750 حصان وما يفرق عن اللي ذكرتهم الا بأنه سنجل ومب تون تيربو...

T51r: عاد هذا وحش.. وهو من شركة Hks ويفتح لك عند Rpm 5 ويوصلك ل 800 حصان معا شوية سامان بالمحرك وهو حلو وايد لسباق الشوارع.....

T88 : عاد هذا العود مالهم ويوصلك لغاية 1000 حصان بسهولة ويفتح يوم يوصل آر بي أم 6 ويعطيك مشي حلوووووووو واااااااااااااايد ويركب عالسوبرات والجياتي أكثر شي....

وهالأحصنة اللي ذكرتها تراها تعتمد عالسامان اللي على موترك من بساتن وكرنك وفيول سيستم واللذي منه


والسموحـــــــــــــــــــــه