الدفاتر والقلم والشوق والقلب الشقاوي---- الزلامي

الدفاتر والقلم والشوق والقلب الشقاوي= والدلال اللي يعطرها عبير الشاذليه
والقصيد اللي يسولف به بعدنا كل راوي= جيت اقدمها لك انت ان كان تقبلها هديه
عقب ما صار الرجا والياس في الوصل متساوي=اعفني من باقي المشوار..... واحسبها عليه
الخفوق اللي زرعته حب ..فيه الشوق ذاوي=مثل ما تذوي زهور العشب في الارض السنيه
والخطا.. ماهوب موت الشوق في قلب الهواوي !=الخطا وقت قضيته في هواك .. بحسن نيه
واكتشفت ان الزمان اللي مضى حلم ومناوي=وماتت الاشواق في قلبي .. وخلت لي وصيه
روض الاشواق لو تحرقك .. واعرف من تخاوي=لا تخاوي اللي ليا طال المدى .. ينسى خويه