|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
05-26-2008, 05:00 AM
| ||||
| ||||
 رتوش في صراع الوحوش (روايه سعودية) أعزائي الأعضاء هذي أول مشاركه لي في هذا المنتدى وأتنمى أن تجد قصتي النقد الهادف البناء وهي خليط بين الواقع والخيال الحب وشر السلم والحرب وأنتصار الحق على الباطل الــــــبـــــــــــارت %1% لاحظ الرهبة التي امتلكت قلبها ورجفة التي هزت جسدها فمن12 سنة كان أخر مره ركبة فيها الطيارة فمد يده علشان يهديها و لكنها صرخت من الخوف فحاول يهديها باسل : البندري حبيبي ليش مفجوعة عادي كلها كم ساعة أنتي بدار أبو متعب حلال الصعيبات وبحضن أم باسل أم الخير الحضن الدافي ولا منتي فرحانة البندري بابتسامة باردة : لا باسل فرحانة وماني مصدقة بس لاتنسى كيف خرجت من الديرة ولا كيف انتزعني من حضن إمي و فوق كل هذا سنين الغربة والتعب والحرمان وفراق حضن أمي باسل يبغى يغير الموضوع ويفرفش أخته : الله الله ياست دندوره صرتي تألف شعر من وراناء البندري وبشي من الجد أللي بان في وجهها : باسل لاتاخذ الأمور بتريقة ومزح أنت منت عارف من أبوك ولا أش يقدر يسوي لو اكتشف غيابي (بلعت ريقها وقالت بكل خوف) باسل إنا خايفة يأذيكم باسل بحنان : ونحنا أهم منك علشان ماتخافي على نفسك البندري : باسل أنت ماتعرف أش تعنون لي انتم المرسى لسفينة مفقودة من 12 سنة انتم000000000000 00000 : باسل خالك محمد مكلمني يسأل عن الرجعة يقول لزوم تحضر الظاهر طرديتكم صعبة باسل : والله طريدتنا على قولتك ملخبطة المره هذي البندري كان تحضر هذا الحوار جسديا(ن) ولكن بالها راح لليوم أللي أخذها فيه أبوها وكيف كانت سنينها وهي بعيد عن أهلها وهي طفلة صغيرة تطالع المسلسل الكرتوني بباي جاها صوت أمها من ورآها أم باسل :البندري يمه جيبلي أجندت الأرقام من فوق بسرعة بدون ما ترد وتجادل قامة تجري على الدور الثاني أخذت الأجندة ونزلة بس سمعت صوت له أكثر من سنة ما سمعته فما قدرت تمسك نفسها من الفرح فببراءة الأطفال دخلت تجري لحظنه : بابا حبيبي ببرود الثلج ناظرها:آهلين (قالها وهو يبعدها عنه ) بطلي حركات الدلع و البوس أللي ماله داعي البندري : كيف يعني أم باسل : أعوذ بالله منك أش القسوة هذي لك سنة و ثمنيه شهور منت شايفها وما تبغها تبوسك أبو باسل : هذا مهو موضوعي معك الحين وين الباقين أم باسل : ما هم فيه ولو سمحت دامك جيت طلقني واختصر علي الطريق ما لو داعي المحاكم نحنا عيال عم أبو باسل : أوكية أنت طالق طالق ويبقى لك واحدة في ذمتي أن لعبتي معاي رجعتك فيها غصب عنك (التفت للبندري) أنتي نجحتي السنة هذي البندري وما هي فاهمة اليسير حولها : ايوه يا بابا وكله أسبوعين وتفتح المدارس وصير صف أولى متوسط بس أش جالس يصير بينك وبين ماما بعدين ليش من زمان جيت تسكن معان في البيت الجديد أبو باسل : ظروف المهم يلاه نروح السوق نخذلك هدية أم باسل : مشكور ما نبغا منك هدايا من المال الحرام عيالي مالهم في الحرام أللي عندك أبو باسل وهو يبتسم بخبث : والله بنتي و أبغاء أجيب لها هدية تحرميها مني وتفرقي بيني وبينها زي ما نقلتي بيت جديد و منعتيني انقل معاكم أم باسل : لو سمحت احمد ألزم حدودك ولا توصل لها معلومات خطاء أبو باسل : أوكية خليها تطلع معايه لسوق والملاهي والعشاء وهي عندك وما أعطيها معلومات خطاء البندري وهي ما هي فاهمة قصد أهلها: هاا ماما أروح أبو باسل : هاا يا منيرة البندري : ماما هزت أم باسل رأسها ما درت أنها أرسلت بنتها للغربة , بعد ما خرجت مع أبوها من البيت لسيارة لاحظت أن أبوها مأخذها لطريق ما فيه أسواق وملاهي حتى البيوت خفت فسألته بخوف : بابا وين رياحين ماني شايفة أسواق وملاهي و كأن الطريق طريق المطار أبو باسل : إيه بنروح نشوف طيارة صاحبي وبعدين نرجع للملاهي بس خلك ساكتة بعد فترة يمكن ساعة واهي مع أبوها داخل الطيارة تفاجـأت إن أبوها أمرها تجلس وتربط الحزام في البداية كان عادي على بالها لـفة على جدة ويرجعوا بس اكتشفت أنها في رحل للحرمان من أمها وأخونها باسل وباسم و أخواتها الكبار بدور وبيادر . جلست تذكر كل معاناتها وخوفها في أمريكا تذكرت المدرسة الداخلية أللي قضت فيها خمس سنين تذكرت جامعتها و0000000 قطع عليها النوم باقي الذكريات. حست بأحد يقولها تربط الحزام وصلت مطار الملك عبد العزيز الدولي وبعد محطة الطائرة على ارض المطار وانفتح الباب دخلوا عليهم مجموعة رجال وأبوها على رأسهم واشتبكوا مع أخوها باسل و ولد عمها رائد وانتهت المعركة بعد ما طاح أخوها وغرق في دمه وتوجهه لها أبوها وبكل شر قال : خالفتيني وضيعتي أمك وأخونك وذلحين جاء دورك علشان تلحقيهم , فصوب مسدسه على رأسها وهو يضحك فبكت من تمنت ليالي أنها تشوفهم و حست بالأساء أنها كانت السبب في موتهم وفي لحظة الوداع واختناق الأنفاس صرخت فحست كان جسمها أصابه زلزال أنشاء الله بكرة أنزل جزين لحد ما تتساوو المنتدى الثاني اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
05-26-2008, 06:17 PM
| ||||
| ||||
| رد: رتوش في صراع الوحوش (روايه سعودية) نغم أنثى حياك الله بينا اخت عزيزه وغاليه وعساك ع القوة ونتمنى تلاقي قصه *·~-.¸¸,.-~* رتوش في صراع الوحوش *·~-.¸¸,.-~* اعجاب وتقدير القراااء 1000 هلااا ومرحبا اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
05-26-2008, 10:06 PM
| ||||
| ||||
| رد: رتوش في صراع الوحوش (روايه سعودية)
رواية رائعة مشكوره على الرواية تقبلي مروري اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
05-27-2008, 05:16 AM
| ||||
| ||||
| رد: رتوش في صراع الوحوش (روايه سعودية) البات @2@ ما قدرت مع الخوف و الاهتزاز إلا إنها تفتح عيونها وبقوة وتصطدم بوجه أخوها باسل وهو يصحيها بخوف : البندري ... البندري قومي حبيبي هذا كابس البندري بخوف : أنت ما مت أنت حي أنت بخير باسل بحنان أبوي : حبيبي أنتي تحلمي أنا ماني فيني شيء شوفيني قاعد قدامك رائد بتريقته المعتادة : أختك متأثرة بشيكاغو وعصابتها ما كأنها خرجت منها وراجعة لحظن الماما ولا خايفة على أعضاء عصابتك البندري بعصبية :oh my god , you good for nothing , أرجوك لا تتفلسف على راسي رائد بابتسامة سُخرية : يعني تنكري انو شيكاغو فيها عاصبات إذا أنتي تنكري الدنيا كلها تثبت أللي تنكريه البندري وهي موصلة حدها : باسل رجاء(ن) اطلب من ولد عمك انه يقفل فمه . باسل يكلم رائد: رائد اتركها في حالها أللي فيها مكفيها وماله داعي ترفع ضغطها وإلا واللـــــــــــــــــــــــه العظيم لأقوم اكسر راسك و000 قطعة رائد بسرعة: خلاص يا نصير المراءاة ما عادني مضايقها تبت إلى الله توبة نصوح ضحك باسل على عبط ولد عمة :ايوه كذا (ووجه كلامه للبندري ) إلا صح أنت كيف كنتي تحمي نفسك من الأخطار ؟ واش شهادتك أللي أخر تينا يوم رحتي تأخذيها ؟ البندري : حيلك علي وحده .وحده أول حاجة أنا تعلمت كذا رياضية للدفاع عن النفس أول ما طلعت من المدرسة الداخلية وبعدين أنا من يومي حريصة ما أمر من الأماكن أللي فيها خطر والكلام هذا في النهار أما الليل فنظام واضح وضوح الشمس تطلع من بعد سبعة الشرطة مو مسؤله عنك تنخطف تغتصب تنسرق فلوسك مالهم دخل أما من بعد تسعة لو تطلع الشرطة تختطفك وما تطلع أللي يكون عندك سبب مقنع لخروجك طبعا الكلام هذا في حال كنت أمريكي أو أي شيء غير عربي ومسلم أما لو عربي ومسلم لو ما أحد عنده خبر بخروجك أنسى تشوف النور و استعد لكومة الاتهامات أللي توجه لك باسل فتح فمه لأن من معنى الكلام أللي أنقال إن أخته كانت في خطر فبسرعة سألها : أنت عمر احد أعترضك أو أذاك و أبويه كيف كان تعاملو معاكي البندري وهي تبتسم ابتسامة تطمن فيها أخوها : أنا عمري ما مشية في الشارع لوحدي حتى الصالون حقي ممنوع دخول الرجال بحجة أنو مكان خاص للمراءاة علشان كذا قدرت في فتره بسيطة أكون لي قاعدة وزباين من الجالية المسلمة يعني كنت أأمن نفسي في تواجد غدير وأبوها معاية ولما رجعوا المملكة قلصت من من التزاماتي فصرت وبما إن الصالون قريب الجامعة فكنت اقضي فيه معظم وقتي لحد مايجوا يأخذوني قيس و فاتن عيال عمت غدير أللي سكنوا الشقة بعدهم رائد وكأنه تذكر شيء : صح البندري ليش لما شفتك أول مره كان في شقة قيس كانت أخته تعالج لك جرح في يدك واذكر قيس قال لي انك كنت بطيحي وأنتي تعدي لشقتهم ولما كانوا في شلالات نيجارا في الويك اند أللي بعد كلمني قيس وأخته وطلبوا من افتحلك الشباك أللي يطل على التجويف أللي في وسط الشقق أو المنور ولما وصلتي كنتي لابسة حجابك بسرعة وباين عليك إنك كنتي خائفة من شيء في شقتكم فأش هو الشيء أللي ما يخليك تنامي في بيتكم في الليل البندري حست أنها كارهه رائد أللي حطها في موقف لا تحسد علية مع أخوها باسل أللي يناظرها بنظرات ارتياب وشك وكانوا يطالبها بتفسير لكلام رائد لكن الخدمة كانت من غرفة القيادة لما أعلنوا عن الاستعداد للهبوط في المطار وربط الأحزمة . فتشت البندري في شنطتها على جوالها علشان تفتحه أول ما توقف محركات الطائرة فستغرب باسل ربكتها وسألها : ضيعتي شيء مهم جاوبته البندري ورأسها في مدفون في الشنطه : I don't Know باسل باستغراب من ربكتها : إيش أللي ما تعرف أنتي لشو تدورين البندري بفرح وهي تطلع جوالها من الشنطة : this باسل وهو مستغرب من أخته : كل هذا علشان جوال كان قلتي أعطيك جوالي البندري تدارك سوء الفهم أللي صار عند باسل : لا .لا أنت منت فاهم أنا علقة على باب غرفتي نوت أقول لبابا إني راح أسافر فيلادلفيا وبعدها نيويورك علشان شويت شغلات للصالون وبعدين أبغى احضر عرض فيشون في لوس أنجلس وبعد كذا إذا بيسمحلي أروح مع صاحباتي أللي معاية لهاواي هولادي ون ويك وبطريقه هذي ما راح يستغرب غيابي بس راح يتأكد في البداية من إني ما أكذب علية وجيت السعودية رغم انو عامل حسابو في المطار بس أنا بكذا ح لهيه شوي عني لمدة تقدروا تامنوا لي وجودي في السعودية (كملت وهي تفتح جوالها بعد توقف محرك الطائرة) والحين راح أشوف إذا لو مكالمات أو رسالة بريد صوتي اتصلت علية وإذا لا هذه ولا تلك يصير استن اتصاله وهاتفي معمم فهمت الحين ليش باسل وهو يطالع في أخته بكل ذهول : تصدقين الفكرة هذي ما خطرت في بالي البندري بابتسامة حزينة: من عاش حياة لزم يفكر مثلي لأنك مضطر تأمين حالك وأ00(قطع عليها رنة الجوال باسم أبوها)good morning احمد بقرف :أهلن وينك في فيلادلفيا بطولي البندري :لا يومين بس وزيها في نيويورك والبقية حتكون في لوس أنجلس احمد : من معاكي طيب البندري : معاي جيراننا الإماراتيين وصاحبتي الكويتية وزوجها وطالبت مستر معان في الجامعة تحب تتأكد احمد : لا واخذي راحتك في سفرت هاواي بس اعملي حسابك انو بعد ما ترجعي بتعيشي في مكان ثاني البندري وكأنها شمت ريحت الفلوس أللي يجري ورآها أبوها : كيف يعني يتزوجني احمد :هاي هااااااااااااي إي زواج وأي خرابيط بكل اختصار أنتي عجبتي ريتشرد وطلبكي مقابل انجاز شغل مهم البندري بينها بين نفسها(الحمد الله أللي خلصني منك يعني لو جلست كان بعت عرضك وكأنك خنزير ما عندك غيره و بائس الأب والله): خلاص يبه أنا لزم أطلع الحين علشان أنجز شغلي قبل الظهر لأني معزومة على الغداء احمد: أوكية لا تنسي أللي فهمتك عليه البندري والدموع أخذت طريقها على خدودها الوردية : إنشاء الله بعد كذا قفل احمد الخط بدون كلمت وداع , الموقف ما فات باسل أللي جالس ينتظرها تكمل وعرف من عيون أخته الظاهرة مع النقابة(البندري كانت منقبة حتى في أمريكا)إن في مشكله باسل بخوف: البندري وش فيك أبوي عرف شيء البندري بفرح النجاة وحزن ذكرى كلام احمد : لا بس الحمد الله أنكم ليقيتوني قبل ما يحولني أبوي من وحده مسلمه ل00000000 قطعهم رائد وهو يرجع لطياره : عاجبتكم الجلسة في الطيارة عيال الدكتورة منيرة (ناظر باسل بغيض) بعدين ليش ما تنبهني أني ناسي جوالي اخذ رائد واحدة من الجوالين المتشابهة أللي زي بعض وطلع وما تأكد إذا جواله ولا لا أما باسل فأخذ جواله علشان يبشر باسم ويطلب منه تهيئة أمهم في مكان أخر لا تحط به الطائرات بل تحط به السكينة والأمان كان كبار عائلة الليثي وأبنائهم في المروة للتحلل من العمرة فدق جوال باسم أللي حاط أمه بين يدينه علشان محد يدقها مع زحمة الناس فمد يده وخرجه من الكمر(حزام لتثبيت إزار الإحرام) ورد بدون ما يشوف المتصل : نعم 00000000(ما يسمع مع الزحمة)00من معاية000انا ما اسمع(دقته امة في كتفة علشان ينتبه لها)نعم يمه امة : من المتصل باسم :مدري(رفع جواله يشوف) هذا أبو ريتاج امة : طيب لا تصرف على الرجال قفل ألين نطلع من الذي الزحمة وكلمه على رواق باسم بدون جدال قفل ومسك أكتاف امة أللي كأنها طفل بنسبة لبنيته وخرجها من الزحمة علشان يلحقوا أهلهم . بعد ما خرج من الزحمة حب رأس امة وقال: تقبل الله يا الغالية يا زينت بنات آل ليث أمه : من ومنك يا عمر أمك في السيارة كان باسل يدق على أهله بس اكتشف انه الجوال مو له فحذفه على رائد وفك جواله من رائد وبداء النقاش العقيم : ممكن افهم أنت ليه ما عندك شخصية رائد : أنا ما عندي شخصية ولا أنت يا أكبر عازب في الشرق الأوسط باسل : أموت واعرف أش دخل الشخصية في الزواج رائد : ابد الله يسلمك ما تقدر تحذف بنت الناس بالجوال وفي سبب زي ما حذفتني بدون سبب أما عند باسم و أمه فكان بالهم مشغول على أبو ريتاج أللي مسافر من شهرين ولا كلم أللي مره واحده والحين رجعوا يدقون عليه وما يرد باسم: الله يهديك يمه كأنه صغير علشان تقلقين عليه كذا ترى بغار منه وحرم علية يدخل البيت بيادر بصراخ افزع بدور وباسم ووقف الدم في عروق أمها:يــــــــــــــــــــــــــمه الحقي ريتاج حرك باسم :وش فيها الله يرجك بيادر بضحكه:طلع لها أسنان أمها بعد ما هدية: حسبي الله على العدو الله يعينك يا عصام ويدخلك من باب الصابرين عصام جاء و معه كاست مويه لبيادر : آمين يمه منيرة بس وش السبب منيرة : طيحتي قلوبنا على ريتاج قلت شكل البنت ماتت مع الزحمة عصام وهو يشرب يبادر الموية وكأنها طفله مو حرمه عمرها28 سنة: ليش وش قالت باسم بتريقة : ابد صرخت صرخة ظنينا أنها الصيحة الأولى وان ريتاج أول الأموات عصام بدفاع : حرام عليكم كل ما قالت (أ ) قمتوا عليها بدور :يمه باسم اطلبوا العوض من الله ما منهم رجا باسم : و الله انك صادقه شوفي كيف يشربها الموية لا وانتظروا شوي تلاقونه شالها على كتفة وقام يكرعها (يهيرها,تتجشأ)من الموية بيادر : (من شر حاسداًُ إذا حسد) الله يلطف بنا كل هذا حسد أمهم وبالها مشغول مع اتصال أبو ريتاج : يمه باسم اتركهم عنك و شوف أبو ريتاج (خلونا نتكلم عن عائلة أم باسل هي واحده من ربيبات حسان الليثي تزوجت ولد عمها و عمرها 14سنة كملت تعليمها وحاصل على الدكتوراه وهي رئيسة قسم الاقتصاد المنزلي جابت ولدين باسل وباسم والاثنين عزاب رافضين الزواج,و عندها ثلاث بنات بيادر ومتزوجة عصام ولد عمها مسفر واخو رائد وصالح الكبير وعندها ماجستير هندسة ديكور وحامل بعد انتظار 4سنوات ,وبدور متزوجة ريان ولد خالتها وما عنده أي أخوان أو أخوات بدور تحضر الدكتوراه في التاريخ الروماني وعندا ها توأم بنات شموخ و مروج سنتين وعندها ولد باسل 9شهور , والبندري أللي أخذها أبوها بالحيلة وهاجر بها أمريكا علشان يحرق قلب أمها راح تتعرفون عليها من سياق الأحداث) بعد مرور عشر دقايق على الحرب الكلامية أنهتها البندري بصرخة أسكتت الاثنين وبسخط قالت لهم جوال مين أللي يدق رد رائد بسرعة على جواله : هلا والله ولد العم 000000000000لاوالله بس كنت في حرب كلامية مع أخوك الثور000000000000000000000000000لالا ما فيني إلا العافية وهذاني توني واصل المملكة مع باسل000000000000000000000000000لا قلها لا تقلق نحن بخير و جايينكم البيت 00000000000000000000000والله بس لزم أشوف أمك واخذ ريتاج 00000000000000000لايكثر بطولون في مكة ولا اجيكم 00000000خلاص في انتظاركم في البيت وقل لأمي منيرة أن حلمها أللي فسره لها الشيخ تحقق00000000000000000000لا أسف سر ما أقدر أقول بس لو بتقولك أهي براحتها00000ههههههه مع السلامة باسل : من صدقك تأخذ ريتاج رائد:إيه باسل:أنت ما تتوب بغيت تذبحا مرتين رائد بحيرة : طيب أعطيني حل باسل : تترك الرسميات وبات عندنا رائد: أخاف أكلف عليكم باسل: لا تكلف ولا شيء البيت بيتك يا أبو ريتاج رائد: حسبي الله على أللي كان السبب في أللي أنا فيه باسل : وكل أمرك لله كانوا يتكلمون و البندري تحضر هذا الحوار بالجسد وتغيب بالفكر فهي تفكر كيف راح تكون العودة لها -أش رد فعل أم باسل لما تشوف بنتها -كيف تقبل البندري لحياتها الجديدة -كيف تقبل أقارب البندري والمجتمع لها - من هي ريتاج وما سبب بعدها عن أبوها وفين أم ها اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
05-27-2008, 05:20 AM
| ||||
| ||||
| رد: رتوش في صراع الوحوش (روايه سعودية) البـــــــــــــــــارت %3% " البندري" بعد ثلاث أسابيع اكتشف أبوية هروبي من عنده وهددني انه راح يشوف شغله معاي لكن أنا شبه مرتاح لأن أمي وأخواني وحتى عمي مسفر وعمتي زهور وخوالي , أكيد تبغون تعرفون أش صار خلال الأسابيع الماضية أوكية أقولكم أش صار أول ما عرفوا باسل ورائد إن أمي مع باسم و البنات في مكة وراجعين بعد شوي فضلوا إن نروح بيت أمي ونحنا في الطريق شدني التطور العمراني وازدهار النهضة الواضح في كل شيء تنمية أقول لباسل يلفلفني في جدة شوي بس خفت أتعبه لكن المشوار كان طويل من المطار لبيت أمي أللي كان ضمن مجموعة فلل على نفس الديزاين ويضمها سور كبير أنا أول شي استغربت من المكان لأني أول مره أشوفه بعدين وضحلي باسل أنهم كرهوا البيت بعد غيابي فساهموا مع خوالي وأعمامي و بنوى مجمع يضم كل العوائل , المهم أول ما وصلت الفلة جلست في أول جلسة تقابلني لإحساس داخلي أني في أمان وبعد دقائق جلسوا معاي باسل ورائد طبعاً أنا أتعودت اجلس بنقابي حتى وأنا في أمريكا طبعاً هذا بسبب الظروف أللي أمر فيها المهم إني جلست ساكتة واسمع كلام باسل ورائد ويبدو إني غفيت وأنا جالسة واللي خلاني اصحى يد رفعتني كأني طفله وصارت تجري فيني إنا من الروعة حاولت أتمسك في ملابس أللي رفعني بس للأسف اكتشفت إني مسكت رداء(الجزء العلوي من الإحرام)والعملاق أللي رفعني كان يضحك بكل صوته أول ما هدية وتمالكت نفسي صرت اسمع صوت بكى الغالية وهي تترجاء باسم انه ينزلني وهو ولا يسمع في الأخر صرت زي الدمية أللي يلعبوا فيها الأطفال لأن باسل تدخل لعشان يوصلني لأمي والحمد الله نجاني ربي وما صار فيني شيء ووصلت للميناء بسلام كان نفسي أتحنط وأنا في حظن أمي المهم بعد الدموع وبعد ما هدينا سمعنا صوت رجال يخاصم ويسب ويلعن لفينا رؤسناء وشفنا شيء 0000000000000000000000000000مضحك كان رائد يخنق في طفلة زغنونة ويبوسها بجنون وكانو يأكلها وفجاءة وانتو بكرامة رجعت أللي في بطنها عليه وهو زعل وقام يزاعق ويلعن المهم اكتشفت إن الننوسة الحلوة تصير بنت رائد وأمي أخذتها تربيها عنه واكتشفت إن أمي تحب رائد وكانو واحد م أولادها . من اليوم الثاني بدئوا أخواني يؤمنون تواجدي في السعودي ولقي إن اسلم طريقة أللي هي إني أكون على عصمت رجل لأن بطريقة هذي أبوي ما رح يقدر يأخذني بذات انه من ارباطعشر سنة ما زار المملكة إلا ثلاث مرات أخر مره كانت من 12 سنة لما أخذني واليوم راح يكتبون كتابي بس على من ما أدري لأني ما أهتميت اعرف أهم شيء إني ما ارجع للغربة" دخل عليها باسل ومعاه دفتر كبير وطلب توقيعها طبعاً لأن لها سنين ما تقرءا إلا إنجليزي فصارت بطئه في العربي فما حبة تضيع وقت باسل بالكلام الفاضي . تحدد موعد حفلت كتب الكتاب بعد 3ايام وأم باسل مجهزة كل شيء لعشان كذا حب باسم يحتفل بأخته حفل عائلي فحجز لهم في مطعم الودعة موفنبيك , وفي الحفلة كان أبناء منيرة مع عيال مسفر الثلاثة كانت البندري محط اهتمام الموجودين بذات أخوانها أللي كانوا يعاملوها على إنها طفله لدرجت يحملوها ويجروا فيها في البيت وهذا كله يرجع لحجمها فطولها كان متر و50 و وزنها 43 كيلو فلي ما يعرفها يظنها مراهقة في المتوسط وهذا سهل لخوانها مهمة المزح معها ومع أمهم طبعا طول الوقت في المطعم كانوا رائد وصالح ينر فزون البندري وهي مكتفية أنها تسمعهم ضحكت الانتصار لما ترد عنها أمها أو أخواتها أو لما يوصل دفاع باسل وباسم لضرب وعاصم لمساندة بيادر أما العضو المحايد في السالفة فكان ريان , صالح بتريقة : بوري كلي سلطة خضار وفواكه واشربي عصير وحليب لعشان تكبري بدور تدافع عن أختها : والله لو تأكل الطاولة ما كبرت وأنت سرقت عليها الفوائد الموجودة في حليب أمي يومكم صغار صالح بعصبية مصطنعة : هــــــــــي أنت وإخوانك تراكم ذليتوني بحليب أمكم مكانها خالتي أخت أمي الله يرحمها من الرضاع ومرة عمي عمت عينة عصام ما عجبه رد أخوه : صحيح انك جلف رائد وكأنه تذكر مكالمة عمه للبندري :لأقول البندري وش عرف عمي بسفرتك سؤال رائد كان زي المنبه لها : أول شيء أبوي عرف من اللبنانية أللي اشترت الصالون ومن واحد قاله إني طلعت باسبور أمريكي وبعدين باسل لزم تعطيني رقم حساب ذلحين لعشان أحول علية كل رصيدي في البنك السويسري قبل ليكشفه أبوي ويحاول يوقفه بواسطته باسل بتشكيك : كم في الحساب لعشان تخافين عليه بالطريقة هذي البندري بلا مبالاة : 893 ليش باسم : كيف يعني خافية على893 دولار البندري انفجرت تضحك : I have 893,000€ الكل فتح فمه ما هو مصدق المبلغ هذا قال باسل : أنتي تعرفي كم تسوى بالسعودي البندري مستغربه من ردت فعل أهلها : yes , I know باسم بتشكيك : أوكية قولي كم البندري وصلت حدة من استجواب أهلها: ممكن افهم ليش الاستجواب وكأنها فلوس حرام منيرة وهي تحاول تهدي بنتها لعشان تفهم منها من فين لها هذا المبلغ : لئيمه بس أخوانك مستغربين لان أهم رجال وما في حساب الواحد منهم كثر المبلغ أللي عندك وهذا حرص عليك البندري تحاول تضبط أعصابها علشان تفهم هم مصدر فلوسها : ليش كلكم فورتم (عصبتم) المفروض تكونوا متأكدين إن عندي ضعف هذا المبلغ للإنسانة عاشت 12 سنة من حياتها تامن مستقبلها لان ما في احد تامن مستقبلها معاه أبو وأنت ما تعرفوا إلا لمحة بسيطة من حياتي معه لكن أنا كان عندي صالون تجميل من إلى و مازلت مستشاره مالية لأكبر الشركات البريطانية بتقولوا كيف وأنا في أمريكا بقولكم عن طريق الإنترنت و كنت أصمم مواقع وصممت مواقع لأهم الشبكات والمنتديات سواء بالعربي أو الإنجليزي أو اللاتينية و كنت اكتب بحوث للطلاب العرب لأنهم باختصار معروفين بكسلهم وكل هذا كان يدخلي دخل متواضع بالنسبة للبلاد أللي كنت فيها لأني باختصار اعرف إن دخل أبوي كله حرام في حرام 00000000000000ما قدرت تكمل خنقتها العبرة وما حبة تنكسر قدامه ولا تخرب فرحتهم إنهم ليقوا لها شخص كواجهة دفاعية حست بيد على يدها وسمعت صوت منكسر : عند سلف مية ريال أردها أول ما يلسفني رائد %%%%%%%%%% %%%%%%%%%% .....1:تصدقوا ما تقبلتا البنت هذي ......2:ليه وشفت عليها ......1:ما شفت شيء بس أحسها لعبتبهم يا أخي باسل أللي يهز مجرمين السعودية وما في مداهمه يحط نفسه فيها إلا كسبها صار يلعبها وكأنها بزر أبو عشر سنوات دخلت أسماء عليهم ولوت بوزها :أنا وين ما أروح ما سمع إلا سيرتها ممكن تغير السالفة يا عمر وأنت يا أستاذ ممكن افهم أش موقف الدفاع أللي اتخذته عنها عمر بخبث : أقول أبو الشباب ليكون حنيت لأيام الطفولة يوم كانت ما تفكك إلا لما تروح تنام , ترى أنا اشك انك تتزوج على أختي أسماء بخوف : أش صحيح حكي عمر يا أستاذ خليل خليل بيأس : أية صحيح تأخذني الزوج الثاني أسماء: أنا قلته من يوم شفتها يوم العشاء في الاستراحة ومن يوم عشاء بيت خالها والحين تأكدت أنها مغيره في دنيها ضحكوا عمر وخليل على غباء أسماء ***************************** ـــــــ:الو ـــــــ: هلا والله أش القطيعة هذي كلها ـــــــ: لا قطيعة ولاشيء أنت أللي ما صدقت تلقالك عذر علشان تقطع ــــــ:أف والله أبو قوس أنا أقطعك وما اصدق القي لي عذر أهي .أهي. أهي قيس بضحكه :لا تبكي يا عمري هانت كلها كم شهر واقضي معك الإجازة يا احلي خويه في الدنيا ـــــ: لا.. لا.. لا أنا مخمصاك مش عوزا أكلمك تاني قيس يجاريه في الاستهبال: ولا يهمك يا روحي لو عوزا أقيك السعودية دلواتي حقيلك هوا في اغلى منك يا رودي رائد: اسمعني يوالد متتصلش على النمر دي تاني لأني خلاص اتقوزت قيس :يا بنت إليه ومخسراني فلوس المكلمة وفي الأخر تئوللي اتقوزت اسمعي خلاص مش حكالمك تاني بس عوزك توصلي رسالة لبن عمك البندري رائد: بتئول ئه لا..لا..لا دنا بغير على قوزي دنتي واحدة ديعتي المذهبك(ضيعت ) قيس مات من الضحك: أقول يا مضيع المذهب كيف بنتك توجة رائد يتصنع الزعل :توجة تفقع عينك أنا صاحبك من 11 سنة ما سالت عن حالي وسالت عن توجة صحيح لا حياء ولا مستحى قيس : إن لله وإن إلية راجعون اسأل عن حالك وأنت تقولي انك تزوجت لا بالله ما سالت إلا عن حال ريتاج إهي أللي ما راح تتزوج إلا إذا جيت مو زي أبوها الخاين اخذ بنت عمته واختفاء رائد:كأنها مال أبوك مو بنت عمتي قيس : بصراحة البندري مكسب وشرف للي يعرفها الله يوفقها ويرزقها من واسع كرمة(وكأنة تذكر سبب مكالمته ) إلا رائد البندري ليش مقفلة جوالها رائد بغيرة الرجل الشرقي : ليش إنشاء الله مو مالي عينك تأخذ أخبارها مني ليكون ناوي تكلمها قيس حال صاحبة :رائد وشبك أنت كل أللي ابغاه منها إني أوصل لها أخر أخبار فلوسها ماشيا عملت لي فيها نقل ملكية علشان أبيعها لها وأرسل لها باقي المبلغ رائد حس نفس صغير قبال قيس : أسف يا قيس بس أنت عارف الظروف أللي مريت فيها خلتني مأمن لأي زوجه قيس ما فهم أش يقصد بأي زوجة:أش تقصد أنا ما فهمت رائد :شكلك تفكرني امزح يوم قلت وصل رسالة للبندري وقلتك أغير على زوجي قيس :كيف البندري زوجك ليش من الرجال فيكم رائد:قيس حبيبي خليني أعيد عليك الجملة بشكل ثاني قيس بملل : عيد يالفيلسوف رائد بثقة : أنا كتبت كتابي على البندري اليوم العصر قيس بفرحة لإخوة وصديق عمره :ألف مبروك والله يا رائد والله إني فرحتلك الله يوفقكم وإنشاء الله تكون البندري أم لتوجة رائد يلطف الجو: لا أنت وجهك كم مره أفهمك لا تجيب اسم بنتي على لسانك لا وبعد تدلعها مو ناقص إلا تقول أبغى اكلمها و أشوفها قيس :لا بالله إن افيوزات راسك ضربت كلها ما عاد عندك ولا فيوز اسمع أنت عند أهل البندري وبدن حساسية علشان الأمر ضروري رائد :لا أنا في الوزارة عندي دوام قيس : طيب أبغى رقم بيتهم أو جوالها أو جوال واحد من أهلها رائد : جوال ما عندها باقي بس خذ جوال باسل ******0505 قيس :أوكية أبو توجة بوسلي حبيبتي توجة ولا تقطعنا رائد : يوصل إنشاء الله وانتبه لنفسك وفي وداعة الله قيس : في أمان الله %%%%%%%%%%%%%%%%%%%% أندق جرس البيت في أخر الليل حوالي الساعة 3:30بشكل قوي وخرجوا من غرفهم يجروا علشان يفتحوا الباب لكن السبق كان لباسم أللي سهران على بحث جديد والكل كان مصدوم من أللي شافوه أول ما فتح باسم ولكن البندري ما تحملت و فأغمي عليها -أش بيكون شعور البندري لما تعرف إن رائد أللي صار زجها -أبوها ما سوء لها شيء في هذا البارت فهل من الممكن انه يصير لها شيء -هل مازالت لديها أموال غير 893،000 -ما هي صلت أسماء وعمر وخليل بالبندري -ما هي قصة رائد مع زوجة -من الذي جاى لهم في أخر الليل اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
