السلام عليكم ورحمه الله وبركاته


اتمنى ان تنال اعجابكم هذي القصيده المعبره للشاعر فايز الحربي


تهاوت رحلة ايامي في ركن الخوف والحسره
********* وبديت اضعف مثل ظلي وارمي بالعمر خلفي
تصورت القدر حاجز زجاج من السهل كسره
********* ولكني جرحت اناملي حتى دمع طرفي
وعشت الياس والحيره بشوق ينتظر بكره
********* ولاهان الالم عندي ونصفي مل من نصفي
يميني خانت حروفي وهانت عندها العشره
********* ومن يكتب لي اشعاري اذا ماخانني كفي
وهل ارتاح واحساسي مجرد حلم او فكره؟؟
********* او احذف باقي اوراقي واودع فكري المنفي
تمنيت ارحل لعالم عليه الفاتحه تقرأ
********* ورفض موتي يواجهني بوجه القادم المخفي
فهل شفتوا جسد ميت رفض يستقبل قبره؟؟
********* انا هذي معاناتي واظن اللي مضى يكفي
ابترجى الزمن واحمل على كتفي عنا دهره
********* ماعادت فيني القوه على اقناعه يجي صفي
انا من يوم ميلادي ما احني راسي مره
********* ولكن ماتحملته عجز لا يشمله وصفي
وانا اللي كنت بالاول عنيد.. قاسي.. وتذبحني الحره
********* بديت اضعف وانا اكره مجرد ضعفي لضعفي

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي