قطاوة حارتنا

السلام عليك ورحوة الله وبركاته

هذي اول مشاركه لي واتمنى تنال اعجابكم

بقولكم السالفه واتمنى اني ماطول عليكم بالقرق
في يوم من الايام ونحن في منزلنا الكريم المتواضع واخواني كالعاده يلعبون بالشاارع
وباب شارعنا طبيعي يكون مفتوح بقول لكم سر بابا بيتنا (تقدرون تفتحونه من برى ) يعني احد ناويه يلطش حياه الله يعني اذا احد بيزورنا احنا في البيت او مو في البيت مايرده الا غرف النوم لانها وكاله من دون بواب
وعلى العموم في الحاره مافيه الا احنا المفتوح بابنا
عاد اقولكم هذاك اليوم قطيع من اخواني بالشارع قطيع من خواني عند البلاي ستيشن

الا نسمع صوت المطاقه وهالهواش والزئير والانين وعاد تعرفون وضع اللقافه كل واحد يطل بخشت الثاني ويتلفت وطربق طربق طربق على الدرج
دب دب وعاد اذا جو ينزلون من الدرج مو عمليه سهله دبدبدبدبدبدبددبد هذا الصوت والكرفعات والطقاق الي بدرج وهذا يسحب شوشه هذا لا يسبقه والثاني يجر الاول ويخنقه على العموم نزلت الدرج الجماعيه لا تخلو من الاصابات كأنكسار سن فلقه طقه تمشيخ عضه كدمات ورضوض

المهم نزلو بأصاباتهم من الشفاحه ماوقفوا يشوفون وش صارلهم من الاصابات لا راحوا يركضون قبل لحد يسبقهم عاد االبنات في المقدمه وامي وراهم العيال في الاخير وانا ماتنشاف الاغبرتي واصله الموقع منذوا مبطي

تخيلو
تخيلوا شكان فيه

القطاوه متجمعين بيتنا ويتهاوشون

فيه قطوين حاشرين لهم قطوه بزاوية بيتنا

عاد ماتسمع الا طب ب دب دب امي تتقدم في المقدمه امي تتقدم

وجع مايهجع كل ماطاب رجع
ضاقت عليكم الدنيا مالقيتو تتهاوشن الا بيتي استحو عما في عينكم

ويجيك اخوي القعده على باله فاهم يمه اهم مايتهاوشون يبون القطوه ههه يشين البزارين الي على بالهم فاهمين لووووووووووول انواع الاحراج

عاد يجيك اذكى واحد من خواني ويقاله فاهم بالمره يمه يمه ترا القطوه ميب من حارتنا شكلهم يبون يطلعونها وتخبطه امي على وجه وترجعه ورى

عاد جت امي تطردهم بس جد القطاوه كانو معصبين كل واحد ماد رقبته تقول ارقبت زرافه ومطير ذيله بالسما تقول في ملعب قولف وبيضرب الكوره وجلده كاش تقول مشبوك في سلك 220 ومنفخ الواحد منهم تقول دب قطبي من زود النفخه احسهم نمور موب قطاوه( عاد ترى قطاوتنا بسم الله عليهم لاطالع الواحد منهم فيك يناظرك من طرف خشم واذا هو يمشي بالشارع يويلك انا ماوقفتله وخليته يمر يعطيك نظره يخليك تحس نفسك ولا شي وتبي تصدمه اصدمه لان قطاوتنا بصراحه بايعينها )

المهم طول الموضوع والقطاوه لاهي الاطلعت من بيتنا ولا القطوين تطاقوا ولا راحو للقطوه

ويجيك اخوي المنسم ياربي منه ( احلى احلى ابو صحن يقصد القطو الكبير الأسود المنقط بابيض احلى زعيم القطاوه احلى ................ عاش جليغم رئيس شباب حارتنا عاش عاش)

عاد ونصف على درج باب الفلا ونجلس نصفق ونشجع جليغم ابو صحن و لا الاتحاد بزمانه
نصفق وتجيكم اختي على بالها رومنسيه لا لاااااااااااااا لااااااااااااااااااا تقولون صرخت الم من حقت التلفزيون حرام عليكم حرام حرام القطوه المسكينه بيغتصبونها وانتم تشجعونها حرام حرام

ويجيك اخوي ( المنسم) متحمس بالدور بالدور ياشباب كلن بيوصله الدور بشويش بالشويش
ويطمن اختي ماعليك ترى حبابين

المهم طول الموضوع وبوي رجع ودخل البيت وتطيح عينه على القطوه ويقول من هالمزيونه الي عندكم ويتميلح قدامها شاف القطوه والا شاف ابوصحن وجليغم وانا اتنحنح اتنحنح احم احم يبا ماودك تسلم على جليغم وابو صحن

ابوي ارتاع عسى ماشر وشفيكم عاد الوضع ماكان يحتاج له شرح

ويمسك ابوي عقاله دردب دردب على جليغم وابو صحن لابوكم لابو كلب يارخوم مجتمعين بيتي وجايبن مره يالكلاب يعيال اللذينا ويااااااااااااااااااااااااااااااااااااااااو وميااااااااااااااااااااااااااااااااااااااااااااااا او وانواع التلحيط يارخوم اتفرقكم مره وقواية وجه جاين بيتي لابوكم لابو من جمعكم ويتصافق وجه جليغم وابو صحن وينحاشون من البيت مع ان الباب كان مسكر لأول مره واحد فوق الشجره واحد فوق السور ويعطون ابوي نظره هين هين الوعد بالطلعه ورى المدرسه وينقشعون

عاد ابوي من الحماس ويكمل التلحيط علينا وعلى امي راضيه عيالك يشفون هالخرابيط

ودردردرب الا حنا على الدرج طب طب طب سباق الاجيال

عاد مادرينا الا الي تقول ميو ميو ميو ميو الا القطوه نسيناها ونطل بروسنا بصف واحد الا القطوه تتميلح وتتبختر قدام ابوي ويجيك اخوي المنسم ( اخ يالقهر عرفت شلي في اجليغم وابو صحن) على باله فاهم
ويصيح ابوي علي تعالي ضفيها عن وجهي المهم
الاخت قطوه بنت الكلب تتمختر قدامي وتمشي وتدخل البيت كنها راعيت محل لا وترقا الدرج وتشرب من المويه حقت الشتلات( على بالها) الي بالبيت
يوه يجيها اخوي وينبطح بالارض يناظرها ويصفر واوك واوك واوك تمون من جد

ويجيك اخوي يوبا القطوه هذي ميب من الحاره ويرقعه ابوي بالجزمه على خشته على بالك فاهم اكيد ميب من الحاره والا انتم وجه هالزين
تبون الصراحه القطوه تجنن ( بيضا وشعرها طويل وناعم ومليانه ومبترمه وعيونها زرق وناعسه واضافرها مرتبه ) يعني بنت نعمه من قطاوا البيوت ميب راعيت حواري وزبايل

وتطالعها امي بطرف عين لو فيها خير ماطردوها اهلها من البيت الا انها جايبتلهم العار وابوي يصيح عليها اتقي الله ياحرمه عندنا بنات انربيهم اتقي الله فيهم لاتحطين القطوه بذمتك
انا ماحطيتها بذمتي بس شفها من ...... ......
شفت انا قول الي اشوفه مافتريت عليها
تلقاها بعد حامل الله يستر على بنياتي اللهم لا تجعلني عليها شامته
وابوي يقول لا حول ولا قوة الا بالله انا لله وانا اليه راجعون
واخوي الدلخ يمسك التلفون الو جدتي تطلبكم البيحه وترى بنصلي عليها الظهر بكره
ويمسكه ابوي ويمرغه طق بالارض ياحمار من قال جدتك ماتت قال انت تقول ويهبده لين قال امين

وتجيك اختي الرومانسيه يوبا خل نربيها بيتنا وتصير قطوتنا زي الافلام
ابوي تخسين ومايخسى الا وجهك انا ادخل هالاشكال بيتي

عشان اليوم القطاوه متهاوشين عليها وبكره اطلع عيال الحاره متهاوشين عليك انتي واختك ....قويه صح

عاد ويهاوش ابوي وقال اطردوها من البيت لاتسبب لنا العار اطردوها
ويشيلها اخوي بينطلها في الشارع بقسوه وبدون رحمه
الا هو رجع
ويصيح ابوي انا ماقلتلك انطلها

يوبا يوم طلعت بالشارع لقيت ابو صحن على تندت سيارتك وجليغم على كبوت سيارة السواق

يحترونا نطلعها وابو صحن يناظرها ويقول مردك لي يالكلبه
حرام يوبا واللله ان عطيتهم اياها مايخلونها الا عضم

ويعصب ابوي ويقول ابتلينا فيها والله ويدورن خيشه ويحطونها فيها ويروح ابوي بينطلها في البر وراح اخوي والسواق تمويه قبله وامي واختي دعم من وراه ونطلها ورجع



بعد سنه من الحادثه واحنا رايحين لبيتنا الا القا قطوه الي جتنا واقفه مع صحن ولد ابو صحن وثانيه تشبها ومنقطه ببني مع ولد جليغم وقلت هووووووووووووووووو
وين هذولي منه

ويغمزلي اخوي القعده ويضحك ضحكته الخبيثة المعهوده هذول بنات ابو صحن وجليغم من القطوه

انتهىىىىىىىىىىىىىىىىىىىىى