السلام عليكم ورحمة الله وبركاته

نقطه من بحر مخاوي الليل أردت عرضها لكم

وياريت تنال أعجابكم

ولكن بشرط وأنت تقرا ضع نفسك

أحد أبطالها( الشاعر ) أو ( فتاته )

صدقوني راح تحسون بشعور غريييييب هههههههههاي

القصيده بعنوان



الهوا والنور


جميله الصدفه الي جابتك حي الهوى والنور *** عليك اجمل مسا مسيت عطني منه قنطاره

احيي فيك ذكــرك قبل شوفك والنـبا مغمور *** واحيي فيك عطرك واسمك الي مالي داره

انـا من مـات حي لا طـعن حـربه ولا منحور *** صويب العين ما يبرى غدى قلبي لك الشاره

بغيت امشي واحس انه غدى مني القدم مبتور *** بغيت آقف واشـوف عظام كل الجسم منهاره

انا من خـانته عبرة فـرح والا ضحك مسرور *** يضيق به النفس وده يقول من الحكي خياره

اشيل أغناي لك عرضه وابدل به على المجرور *** وامــول مـن طـواريقي عـلى عشــاق سمـــاره

ابكتب من قصيد الوزن وغيره من شعر منثور *** انــا لك شــاعر يكــتب وشــعره نقوة افكــاره

الا يا غايب عني معي حاضر كما الدستور *** خيــالك ما يفارقني بفكــري دق مسـماره

الا من ضقت اسولف بك على نفسي وانا مقهور *** واقول الوقت مـا يعطي على ما اريـد واختاره

عليك اقبل ومنك اقفي ولا بينت لك محظور *** اخــاف عيون بعض الخلق ترقبنا وسباره

وجـدك الله يـا حسنـا كمـا التحـفه وانـا جمــهور *** انا المبهور في حسنك وانا من خطفت ابصاره

ومنـك العــين تــامرني وانـا لك طــايع مأمـور *** على وصلك غدا حظي هوين وقصرة اشباره

اشوف ان الحسن عقبك ولو يذكر غدى مكبور *** يقــال انه حسن ولا انت كل الزين وابهــــاره

الا يابو عيون حق وبعض الوصـف خرس حور *** عليك الصوت مــا هو صوت كما ترنيم قيــثاره

بقى قصرك على فالك عساه بطلتك معمور *** تمشي بردهته حافي وتحيا عقبك ازهــاره

بريح المسك والعنبر يخالطهم زراق بخور *** اذا اقبلت جا قبلك واذا اقفيت غدى ستاره

على هالبوح والتلميح راس المال صدق شعور *** وصدقني ترى فكري عقب طيـفك مـحد زاره

انــا بســألك تعـذرني عســاي بطلبتي معــذور *** اشوف الوقت ما يعذر ولا في النــاس عذاره

ذكرت اليوم والساعه ورحلة عمر يا مستور *** ذكرت الله في خلقك خلق هالزين واسراره

اعرف اني مانا بأول ولا اخر واحــد مأسـور *** واجمل ما ملكته منه طيف دام تذكـــــــــاره

الا يا ليت لـي قـلب يطـيع الـراي واهـل الشور *** ضحية موقف عابر ورحلة سفر طيـــــــــاره

وكان الوقت عصريـه تعدينا حدود السور *** ويم القــاهره طرنا بجوٍ حافل أخطــاره

مقاعدنا بأخـر صـف ومقــعد سـيدي مشــغور *** على يسراي كان هناك اشوف اطباع جباره

اشوفه كـل هالفـتنه ثـقل عـقل وسـلوك طــهور *** حصين محصن شامخ يبين كبر مقــــــــداره

واشوفـه ديـمةٍ تحيي نبات الأرض بالممطور *** بغيث يوم اشاهدها جرفني فيه تيــــــــــاره

ذهـلـني مـبرم العــاتق وشـلال الشـعر مـوفـور *** وذاك المبسم الوردي بلون الزهر قطــــــاره

وقدٍ أطرقٍ هايف رشيق وخاصرا مضمور *** قـوام أعــتدل طـولـه يثـير قـلوب جبــاره

اغني واغتني بذكره ولا اطمع كود بالميسور *** وعودي كم شكى مني بعزفي تبكي اوتاره

أحبك والهوى جاير وبحت السر لك بسطور *** وقـلبي مـاسـلا عنـك ولـو يتعـبه مشـواره

ابرسلك مع النسمه سلام الخـافـق المكـسور *** عسا يجبر عزاه وانك تجيه وتنطفي ناره

اعرف النفس تواقه واعرف اني مانا مسحور *** ولكـن سحر زينـه صـار ياخلق الله أشعاره

انـا واللـيل والهـاجس قطـعنا بالخيـال بحور *** ابي من هو يوصلني ومن يعطيني اخباره



أخيراً أنتهيت


ألحين قولولي وشو شعوركم بعد ما قراتوا الأبيات ؟

وأرجو أن تقبلو شخابيطي

بصراحة القصيدة جميلة جدا ولكن الاجمل منها من وجهة نظري روحك المرحة اخوي الغالي شخابيط تسلك يمينك ويسلم لنا ذوقك وروحك المرحه