هـــذا أنـــــا يـــا بـــنــــت

هذا وريدي سافري في بقاياه
وهذي عروقي والوجع والسفينه


وهذا خفوقي اللي تصدع زواياه
ينثر على كفك وروده الحزينه


هذا أنا يا بنت وجهي مراياه
جسم تغرب وسط روحه حنينه


شاعر لكن ساخرات رواياه
روح المشاعر في ضلوعه سجينه


شخص سرق من خلف عصره قضاياه
خارت تجاعيد الزمن في جبينه


الحب وأنتي والقصيده ضحاياه
والخوف والحسره دفاتر سنينه


عمره الحقيقي اللي جروحك هداياه
قبره عيونك والوطن والمدينه


هذا أنا يابنت وصفي مزاياه
كل الخلق عافوه وإنت تبينه


كل البشر ما عاد تقبل سجاياه
وانتي رضيتي بكل زينه وشينه


يا بنت عمري في عيونك خباياه
مات الوجع وإنتي في قلبه وعينه




الوليـــــــــــــــــــــــــــــــــــــــــــــ ـــــــــــــد

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي