والله انا بديت اصوم وعمري 7 سنوات بس كنت اشرب مويه واذا شافتني الوالده اقولها
يووووووووووووووه نسيت وعلى الحاله ولا اااااااكل مع اخواني الصغار وأقول لهم
لا تعلمون امي؟؟؟؟؟؟؟؟؟
مشكور حبيبي على الموضوع الحلو والله ويستاهل انه كل الاعضاء يشوفوه ويشاركوا فيه كمان .
بصراحة بصراحة جربت الصيام وعمرى ما بين 10 -11 سنة ولكن كان صيام نص يوم ، احلى شئ كنت اصحى الصبح زى الجنى لوحدى واحط الكفتيرة واغلى الموسة واسويلي كاسة شاهى منعنش ومعاها سندويتش صامولى ابو 10 بريال ، الطويل الطري ، لووووول (ايام حلووووة) واجيب علبة الجبنة الكرافت الشيدر وافكها بالمفك وبالغطاء الصفيح اقطعها شرائح الجبنة واحطها فى السندويتش وعليها شطة كريستال الحااااااااارة ، تلهلب فمك لهلبة وبعد ما اخلص ، ابلع بقاروة بيبسي ام نص ريال ، لوووووووووووووول
والاكلة هذى تمسك معايا لين الظهر , وفى العصر ادور لى كاسة موية ولا سن توب وهكذا .
وشوية شوية كبرنا وسوينا نفسنا رجال وصومنا قبل التكليف . عشان كده انا اعارض صيام الطفل الصغير ، المفروض الطفل يعيش حياته ويعيش طفولته ولا يمنع من صيامه نص يوم او ربع يوم ولكن ليس واجب او بالغصب ان يصوم خاصة وان جسمه يحتاج الى تغذية .
العرض العادي
