حبك وضعته تحت رجلي على القاع .***** يوم ان فيك من الخيانه براعه

عانيت من كثر المصاعب والأوجاع= واخذت من دنياي درس وقناعه
وانا صبور ومن طويلين الأبواع= متعلين راس الشفا والرفاعه
انا احسبنك صادقن وانت خداع= واثرك تخادعني بسرك خداعه
مغتر فيك وفالهوى صرت ملتاع=وقدمت لك كل الغلا والولاعه
واصحبت من حبك لو أمرك مطواع=وزرعت حبك بالظماير زراعه
واسهرت عيني والمخاليق هجاع=ابحث لكسب رضاك بالأستطاعه
وياماسريت الليل للشوق دفاع=ليا طلبني صاحبي قلت طاعه
وغنيت فيك من القصايد والأبداع= حيثك جميل وفيك غنج ودلاعه
ولافيه غيرك من مخضبت الاصباع=حطيت قلبي في يدينه وباعه
ومن باعني يابنت من غير مرجاع= بعته مثل بيعت رخيص البضاعه
ياعل قلبك يفرسه ناب الاسباع= ومن خان عهد الله عليه القطاعه
جعلك مراح الي بوسط البحر ضاع=معاد لك وسط الظماير شفاعه
انا برين من غلا شين الاطباع= بياعة الاشراف مابها مناعه
حبك وضعته تحت رجلي على القاع= يوم ان فيك من الخيانه براعـــه