الله يجازي من يسوي سواتكـ
وبذنوب من سوى سواتك يجازيك
مشيت درب الثقل وتحب ذاتك
ماتدري انه للمهالك يوديك
وغرك جمالك ياخسارة حلا تك
ماتدري ان ماغير طبعك يحليك
بتقول زينك يشفع لسيئاتك
الحسن ماهوعن وفا الحب يعفيك
لوالتواضع والوفا من سماتك
بعت الحبايب كلهم دين واشريك
لكن عجزت أغيرك ياجراتك
على الغياب اللي بلاعذرينجيك
خطاي في توضيح وشو غلا تك
وخطاك في توضيح وشو تغليك
وشلون توصيني وتنسى وفاتك
وتصد عن صوت تقطع يناديك
مافادك التجريح والعذرفاتك
وتبغي رضاي الحين ماعاد يمديك
صحيح احبك بس هذي جزاتك
بعلمك درس يفيدك ويحيك
تدرين وش أبيض من خفوقك..عباتك
وتدري وش اللي غرني نظرتي فيك
ادري بتستغرب تصبر وجاتك
قصيدة من واحد كان يبغيك
وتبغي تناظر وانت عايش مماتك
شف وحدتك والناس تجلس حواليك
تبغي تشوف اشجع رجل في حياتك
شفني وانا مقفي على كثر ماغليك
العرض العادي
