"" الا يا وقت ""أبي ارحــل ""

ألا يا وقت أبي أرحل عن الدنيا وما فيها

وأبي أنسى أماني حيل تعودت اني أبكيها

أنا مابي دروب الصمت أبي أحكي وأجاريها

أبي أرفع جبيني فوق على الحاسد و واشيها

أبي أمشي بدرب الورد و رجلي دوم توطيها

و أعطـّـر دنيتي بالفــلّ و أسعـد في لياليها

ألا يا وقت عرفت دموع وعرفت اشلون أواسيها

أبي أضحك و أشـوف النـاس تحقق كل أمانيها

أنا مابي ســوى فرحـه أقضـّــــي دنيتـي فيها

وإذا تبغــى بعد يا وقـت أودع ضحكتـي فيها

أنا أرضيك بس تكفــى منيتـي ليله أبا احييها

ما بين الفـرح واللهفـه وجـرحٍ ينـهدم فيها

أقضي هالفرح ساعات ولحظة جرح تمحيها

تعبت من الحياة ألـوان على طيوفك أسمـّـيها

ولا ألقى سـوى لونٍ بلون الليـل يكسيـها

حياتـي كلها أحـزان ولا ضحكه تنسيـّــها

ولا ليلـة فـرح تنسي همـومٍ كنت أقاسيها

ألا يا وقت بس يكفــي من أفراحٍ تمنيـّـها

على البسمه تموت آآآآمال وقلبي ينكسر فيها

عرفت إن الألم عنوان على دروبي تخطيـّـها

ولا ألقى الفرح قــّدام لو سنيني بتحصيها

ألا يا وقت عرفت الحال وعرفت اشلون أمشيـّـها

أنا راضي بها الأحوال و توبه ما يوم أشكيها