تـو الـليــالـي بـيـنـت لي شـقـاهـــا=توي دريت اني من الوقت منـصــــاب
لي قصـه مع بنت مـحـــد دراهــــا=ولو قـلـتـهـــا للنـاس يـقـولـون كـذاب
حـبـيـتـهــا والله بحـبــي بــــلاهــــا=وعشنا مثل في الحب يضرب للاحبــاب
يا مـا قـضـيـت ايام اعيش بهواهـا=وياما من ايديها شفي جـرح مـنـصــاب
الحب والاخــلاص دايـم عطـاهــــا=وانـا لـحـب عـيـونهــــا جـيــت طــــلاب
دنيــاي لاطـلـت يـنـور ســمــاهــــا=نـور القمـر يخـجـل ولا شـافـهــا غــاب
سبحان خـالقـهـا مـكـمـل حــلاهـــا=ام الـعـيـــون الـمـسـتـظـلـه بـالاهـــداب
الله ما اكبر في خـفـوقـي غــلاهــا=جتني لهـا قـصه وقـلـبـي لـهـا كـتــاب
بعد ما قضيت سنين عمري معاها=جـتـنـي تـقـول الـوقـت خـايـن وكــذاب
روحك ترى ما عاد عندي دواهـا=دور عـلــى غـيـري وتـلـقـالـك احـبـاب
راحت وراح القلب يركض وراها =ينزف جريح من الهوى مـا بـعـد طـــاب
وعيني عليها مكثره من بكـاهــا=ودمـوعـهـا تعبـيـر عـن حــزن وعـتـاب
قصة غرام المر في منتهــاهـــا=فـرق الـقـلـوب بـدون تـعـليل واسـبــاب