وصّيتْ قلبي عليك وفكري وظنِّي = ان غبت عنهم عليك عتابهم هادي
ما ودِّي تجرح شعورك كلمةٍ منِّي = وانته حياتي وعمري وومهجةْ فوادي
ودي تعيش العمر راضي ومتهنِّي = مرفوع راسك عليك العز متبادي
يا تاج راسي وانته منِّي وعنِّي = تامر وتنهي وامرك أول البادي

ياشوق روحي وقلبي وقطعةً مني = عتابك ألطف من النسمه على فوادي
ما يجرح القلب الا غيبتك عني = والا عتابك يشابه طبعك الهادي
أنا تني يوم أشوفك أنت متهني = وأشوف نور الهنا في طلتك بادي
ما يختلف فيك ضني يا حسن ضني = دايم وفياً معي يا وردة بلادي

من كثر خوفي عليك الخوف يمحنّي = وافقد شعوري واشوفك غاية مرادي
ان غاب صوتك أناجي الليل واونِّي = واتخيِّلك واتذكّر هامةْ بلادي
مديون لك بالغلا والحب مشجنِّي = يا مستحل الفواد العاشق الغادي
من يشبهك في البشر يا ذوقي وفنِّي = يا راحتي وبسمتي وموتي وميلادي

لا تخافِ مني ومن قلبي إذا وني = أكيد مشتاق لك يا غاية مرادي
ما يتعب القلب غير الشوق لكني = أصبّره بالقصيد وصوتك الشادي
أنا أحبك وحبك من صغر سني = ما بالغ أن قلت لك من يوم ميلادي
أكبر ويكبر غلاك اللي مجنني = غصباً عن عيون حسادك وحسادي

وصّيتْ قلبي عليك وقال متجني = واحذر غيابك على قلبي مَهُبْ عادي
وصّيتْ قلبي عليك وفكري وظنِّي = ان غبت عنهم عليك عتابهم هادي
ما ودِّي تجرح شعورك كلمةٍ منِّي = وانته حياتي وعمري وومهجةْ فوادي
ودي تعيش العمر راضي ومتهنِّي = مرفوع راسك عليك العز متبادي

لا توصي القلب لي بالشوق متعني = ما دمت أحبك عتابه مهو بعادي
عتاب قلبك على حبك يطمني = خله يعاتب أنا سلمته فوادي
ياشوق روحي وقلبي وقطعةً مني = عتابك ألطف من النسمه على فوادي
ما يجرح القلب الا غيبتك عني = والا عتابك يشابه طبعك الهادي