|
| |||||||
| منتدى الحوار العام الفسحة العامة نقاش عام بين الطلاب والله يحييك بس طق الباب وتناقش الربع بس بدون هواشات بليز منوعات افكار هادفة نقاشات عامة امور شاملة حوار بناء شامل منوعات افكار |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
12-13-2004, 11:26 PM
| ||||
| ||||
| في بيتنا مراهق في بيتنا مراهق تعريف المراهق : اذا قالو لك مراهق اعرف انه شخص حايمة كبدك منه • المراهق موجد في بيتنا وبيتكم شخص غثيث ودك تطحنه • اذا شاهدت الطفل بدا يكبر خشمه وتتفتح(مناخره)ادر انه دخل في طور التحول من طفل الى البثاره(المراهقه) • المراهق الولد اذا جا يراهق شيسوي يبدى يتنحنح عشان افهموا يعالم تغطوا ترانا كبار ويعاني في الموضوع الويلات لان محد راضي يتغط منه واذا صاك مره غمض عينه ومشى عشان يخليهم يستحون ( وراح يندم على هذا الموقف طول حياته) اما البنت اذا جت تراهق ابد تحط اللثمه ولحد شايفها • اذا حسيت ان في بيتكم صوت زئير اسد ادر ان المراهق يتحدث • اذا حسيت ان الشخص من يدخل البيت لين يطلع وهو مسبب ازعاج فهذا مراهق يحب يلفت النظر وتكمن في ( فتح الباب بقوه رمي النعال اكرمكم الله على مستوى عالي من الجو لدرجة انه يبلغ عن اطباق طائره تظهر في الجو وتختفي بسرعه وما يدرون انها زبيريه طايره واغلب الاحيان تطيح وتكفخ وجهه • المراهقه مراحل • المرحله الاولى بدايتها سرق المفتاح سيارة الوالد عشان يسوق • المرحلة الثانيه : قص مفاتيح لسيارة الوالد وتوزيعها على عيال الحاره عشان مايكشفونه اهله • المرحله الثالثه : ياخذ السياره بالغصب ويقولهم عيني عينك عطونيها بالطيب احسن لكم يوميات مراهق: نفس الموال حطولي غرفه لحالي ( مادري ليش) ابي فيها مفتاح وعلى هالحاله كل يوم وطبعا ياخذ الي يبي واذا مره مره راح ينام في الملحق والا اقترح عليهم يحطونله غرفه بأي مكان تحت الدرج بالسطح وعذره سواقنا عنده غرفه لحاله انا ماعندي ليش كل يوم يقول فصلو ثوب جديد لانك تفصل ثوب تلقاه في اليوم الثاني واصل لركب يعني خسائر ماديه فادحه يبدا يستعر من سيكله الي رافقه ايام الصبا ويتنكر له ويرميه ورا البيت والا يعطيه اخوه الصغير يحب يشوف افلام كرتون ومايحبها شلون يحبها بس مايحب احد يدري انه يشوفها ابي جوال هذه بداية مرحلة التمرد طبعا لا ننسا الهواش مع جميع افراد العائله بدون استثناء حتى الشغاله والسواق مايسلمون وياهو يطق البزارين طق تدرون ليه طاقه زائده يريد تفريغها لدرجة اذا مالقا احد يتطاق معه تطاق مع الجدار تبداء مرحلة تكوين الشلل والا حزاب وذلك لزوم الكشخه وتعير الاساتذه في المدرسه واذا كنت مراهق فأن من اكبر العيوب ان تحل الواجبات المدرسيه وتذاكر تراها عار على كل المراهقين تطويل الشعر بشكل مقزز ومقطن ومليان قشره ويقولكم ابي اربي الشعر ترا كذا بس عشان يقهركم والا حايمة كبده من شعره وامنية المراهق انه في يوم من الايام يطلع شعره من الدريشه والسياره تمشي 120 ويتحرك شعره مع الهواء تكثر في هذه الفتره طلب فلوس من الاهل لعمل عمليه فرد اوتنعيم لشعوره ( والله لو يطلع راسه من طياره ماتحرك موب سياره ) حب الاغاني ( اسم هذي المرحله خالد عبدالرحمن ) يسوي فيها ويشتريله مسجل ويبدا يحفظ فيها عشان يمر على اهله ويغنيها يعنني اسمع اغاني تحذيرات للي عندهم مراهقين: اذا عندكم مراهقه في البيت انتبه تخق لاي بنت بهذه الفتره ادر ان اختك ورا الموضوع لانها تغير صوتها وانت ماتنتبه لانك تكلم بيتكم وترد وحده صوتها حلو وتصك السماعه تحسبك غلطان لا هذي اختك بس راهقت والي عندهم ولد مراهق وسمعتوا صوت رجال غريب او ابوك جا بغير الموعد فانتي غلطانه هذا اخوك يقلون انه بيصير رجال احذر الجدل مع أي مراهق لانهم قنابل موقوته تنتظر أي هفوه لانفجارها المراهق شخص يدينه تحكه يعني انتبه منه لانه ممكن يلشطك باي لحضه يموت بالمقالب المضحكه يعني لدرجة عنده احساس اذا مد رجله بيكرفع لسياره حلم المراهقين الكامري .................................. ياحبهم للكامري وامنيته الحصول عليه بأي طريقه نصيحه للي عندهم مراهقين الصبر ثم الصبر عليهم والدعاء لهم بالصلاح والله ياجرنا وياجركم هذي مرحله وتعدي يعني كلها 6 سنوات ويعقل ويهجد خاتمه اعلموا حفظكم الله انني لم اكتب هذا الموضوع الا من معانات اعانيها من اهل هذه الفئه العمريه الله يكفينا شرهم وخصوصا العيال ودك تربطه لين يخلص مراهق واعلموا رعاكم الله اني عانيت مثلهم من هذه المرحله وعدت بسلام مع بعض الأصابات والتصدعات النفسيه الكبيره فراعوا ابنائكم واخوانكم في هذه الفتره وكونو لهم عون لا تكونوا فرعون سبحانك اللهم وبحمدك اشهد انه لا إله الا انت استغفرك واتوب اليك][/ اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -  |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
12-13-2004, 11:36 PM
| ||||
| ||||
| مشاركة: في بيتنا مراهق
يبدى يتنحنح عشان افهموا يعالم تغطوا ترانا كبار .. • اذا حسيت ان في بيتكم صوت زئير اسد ادر ان المراهق يتحدث .. حلم المراهقين الكامري ......... هههههههههههههههههههههههههههههههههههههههههههههههههه ههههههههههههههه والله حاله الله يعين والله .. ماصار مراهق وحش هذا الظاهر .. شكرا على الموضوع .. اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-14-2004, 12:12 AM
| ||||
| ||||
| مشاركة: في بيتنا مراهق
هلا مشاري حياك بطلتك البهيه صدقني هذا الواقع بدون مبالغه اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-14-2004, 12:31 AM
| ||||
| ||||
| مشاركة: في بيتنا مراهق هههههههههههههههههههههههههههه  احمدك يارب فيه ناس مثل حالتي اختي مراهقه دايم اظبطها تلعب بعطوراتي ومكياجاتي واذا قلت لها كلمه ردت بعشره  وياويلك اذا خذيتي الريموت وغيرتي عن المحطه وايش اقول وايش اخلي  يسلمووووووووو على الموضوع سلام... اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-14-2004, 01:00 AM
| ||||
| ||||
| مشاركة: في بيتنا مراهق
ههههههههههههههههههههه هلا سهوره لا يعمري لاتفكرينك لحالك الكل معاني منهم الله يعن عليهم بس اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر رد |
| خادمة تغتصب مراهق (بالصور | فاقنر | منتدى الحوار العام الفسحة العامة | 3 | 05-19-2009 09:12 PM |
| خادمة تغتصب مراهق (بالصور) | حوريـة البحر | منتدى الجريمه حوادث كوارث جرائم احداث عالميه وقضايا ساخنه الاتجاه المعاكس | 179 | 05-03-2009 05:39 AM |
| بيت جديد (للبنوتات فقط) مانبي شباب في بيتنا | سمو الملكه | المسابقات سباق وتحدي والغاز بين الشباب و البنات | 145 | 09-26-2008 10:16 AM |
العرض العادي
