مشاغبيني الافاضل

السلام عليكم ورحمة الله وبركاته

اما بعد

ان الجهالة الجهلاء والضلالة العمياء ...................

>>> قمت اخطب على المنبر

وبما اني قررت اني اكون خطيب واقول الخطب واعظ الناس بالخير وابعدهم عن مسالك الشر

قررت اني اخطب

فرحت لامي وقلت لها يا امي ابي اخطب

قالت لي روح جيب لي ورقة وقلم

وتفاألت

قلت الحين امي بتخطب لي وتجمع ارقام تلفونات بنات الناس وبتزوج سريع

جات وكتبت عالورقة

بسم الله الرحمن الرحيم

قلت نعم لازم نسمي قبل اي عمل

ونقزت ولفيت رقبتها بسلك التلفون وقلت لها امليني الرقم

قالت وش اللي انت تبيه بالضبط

قلت لها ابي اخطب

ابي اتزوج مثلي مثل اي شخص في هذه الدنيا

واصبت بخيبة امل بعد سيلسلة اسماء الدلع التي تساقطت على اذناي كانها نيزك ملتهب او كصحن فيجا الكبير يريد ان يستفز غرانديزر

>>> ادعو لاخوكم بالشفاء

عالعموم

في سؤال يراودني
ليه ياترى تزداد نسب العنوسة والعزوبية يوم بعد يوم ؟؟؟

هل هي مشكلة حقيقية ولا جدران وهمية ؟؟؟

لو عملنا دراسة صغيرة وجبنا مدرس فيزياء مع ان ماله صلاح بالموضوع وقلناله وش رايك

قال ارتفاع المهور وهو مغمض

طيب ليه ارتفاع المهور تلقى الاب ما يبي يزوج بنته لاحد يبيها على قلبه

طيب يا ايها الاب الصالح خلي بنتك في قلبك وضرها بكرة تعنس ومحد يطلب يدها

لكن نتفاجأ لما نجد العكس

؟؟؟

وش العكس

نلقى رجال يروح لامه ويقول

يمه زوجيني

وهي تر وتقول

على جثتي ليه انا مقصرة عليك بشي ما اتخلى عنك لين ما تموت ما اسيبك لبنات الناس

صراحة نجد استفهامات كثيرة حول هذا الكلام اللذي ماله معنا

طيب بس هذي الاسباب

لا وباقي بيت لهذي القصيدة

بعض العوائل ما تزوج بناتها الا لعوائل في مستواها او من الاقارب

مدري عاد اين الحكمة في ذلك

بس يالله وش نبي نقول

الله يتمم عليك فرحتك يا ابو ياسر ويهنيك بام ياسر ولا يحرمك منها

ادري مستغربين من ابو ياسر

تدرون من هو ابو ياسر؟؟؟

هذا رجل ونعم الرجل كان ولد حواري انسان من عائلة على قد حالها

تزوج من ام ياسر اللي من عائلة سفراء ودبلوماسيين

والطريف في هذا الموضوع

انه تزوجها وقرر يكمل دراسته بالخارج

وسافر بالخارج مع ام ياسر

وكانت في يوم ام ياسر مشتهية شربة

ورأو محل شربة

فطبعا ابو ياسر قرر انه يجيب لملكة عمره الشربة اللي اشتهتها

نزل ودخل ذاك المحل

وطلب الشربة

وجاء يدفع الحساب

و................

تفاجأ ان ما معه مبلغ يكفي الرقم اللي قاله الرجال

وقرر وبكل استحياء انه يطلب من زوجته وما كان له وجه

راح وطلب منها وقال هي انا بعد ما عندي

بس في فلوس عطاني هي عمي قبل ما اسافر

ودفعو الحساب

وابو ياسر خجلان من نفسه

اليوم وبعد ما الله وفق ابو ياسر ورزقه وصار من اكبر العوائل ومن التجار الكبار

جاته ام ياسر وتقول له

تذكر ذاك اليوم اللي كنت تبي تدفع الحساب وانا اللي دفعت بدالك

بقت الذكريات الجميلة يتداعبو بها

ومسلسلاتنا الله يخليها

كانت وما زالت تقول

الغريب جي يصرق فلوس عيلتنا

ما نعطي فلوسنا حق الغريب

وتبقى المشكلة معقدة

ونشوف الشباب يعاكسو في الاسواق

لان ما في احد يزوجهم

نقطة انتهى

منتديات مدرسة المشاغبين - منتديات الفسحة العامة

سيد خفوقي جيت لك حيل مغليك
والقلب مايشفق على غير سـيده
واللي خلقك وحطني في محانيك
غــيرك فـلا مريـت أدوّر جـديــده