شاعرك من يوم شافك مستقر وضعه كثير
مايبي غيرك ولو فرشواله الدنيا ذهب
ما أبيك تقول ودي..بس..خايف مايصير!
دام أنا عايش تمنى راح يصير الشي
غصب
ماهو لايق ألمح أحزانك على وجهك وأدير
راحتك في المرتبه الأولى واتراك لي
التعب
اربط حزامك حبيبي باخذك منهم وأطير
تصدق أني طول عمري ماأحب إلا الصعب
أعترف مجنون في حبك رغم عقلي
الكبير
مااعجبك غيري أنا إللي راح أرويك العجب
فجأه من الله أحبك بليا أفعال وسبب
قلبي طفلك إيللي مهما يكبر بعينك
صغير
يعني قلبي لو ما أنت عمره مالعب
إن خطيت أسامحك لأنه يجمعنا المصير
وإن خطيت بيوم تقبل زلتي بصدر رحب
ربي إللي ميزك فيني وخلاك أنت غير
و نرجسيتي فيك لأني طلت العنب
ياعسل دوغان من شفتك أحس إني بخير
وشاعر ألهامه لعيونك لاتلومه لو كتب
القصر قلبي وهذا التاج وتوجتك أمير
ولا تحاتي شي دامك فيه وإحساسي
الشعب
العرض العادي
