 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
12-18-2004
| ||||
| ||||
 رسالة عجوز قصمنجية أتحدى من يفهمها !!!!!!! ابسالكم سؤال صريح وش رايكم بسواليف العجز ؟؟ وه بس يهبببببببببببلن هن وسواليفهن شي موت الصراحه ولاني احبهن والله جبتلكم سالفة عجوز شي قصمنجيه ودك تاكلها من زين حكيها اقرو واتاملو بس اتحداكم ان فهمتو شي فاهمتها كلها :هذي عجوز مرسله لصديقتها عجوز ثانيه تقول فيها السلام عليكم ورحمة الله وبركاته وبعد رسالتس اللي كزيتي وصلتن وفرحت به ...وكثر الله خيركم على المقطع والغدفه الي كزيتي لي,وابشرتس ان اخبارنا تسرتس. البقرة اضنت ، والبيض فقش ، والدجاجه الرقطا راجن ،وإن إدحيم العلي أعرس ، ونوّير مخطوبة ، وعويش فطمناه ، وسويرة رفعناه من السقاط ، وصويلح شراله دنانة ، وسليم ختم المصحف ، وإعزيز الصالح طاب من الطنان ، وسند ولد مضيوي بدا يحبي ، والحمد لله طاب الجحام الي بعينه ، وأنتي صاتزه حطينا عليه تبنه ، وحصيصه طابت إقطوفه الي براسه ، ومنيره مشطناه بورده وأم سويلم طلعت من الماجب ، وتممنا لسويلم ، والنعال الزنوبا اللي تخبرين عندناهاك السنه رقعناه ، ومقطع الروز خبناه ، والدوشق غيرنا قطاعته ، و السفرة الكبيرة علقناه بالقبة ، وحطينا بيت للرادو ، والمصحف حق عمي غيرنا ثوبه ، والسراج زينا فتيلته .والزبيل مليناه حتات من إنخلتنا ، وشرينا سحارة ولقيناه مكسورة .وبقولس إني مع هالحمولة غاديتن حوسة ، الطاية تخر ، والمثعب منشق ، والقتاله منقلعة ، و باب الروشن منكسر، والتسوله مسنيّه ، وبريتز الغرش الصغير منقشع ، والله يهديتس يأم دحيم.البزار الي كزيتيه شوي الكركم به ، والمسمنه تقل رماد مابه ليمون ، والفتيت مسري ، والكليجا تقل عظامة . وذا بغيتوا تكزون شي:كزوا شي يبل الريق ويواجه عند الحمولة . معكم علم إن حمولتنا ناس نقادة . وخالتي شرّاهة ، وعمتنا حقنة مايجوز لهاشي مثل رقاص الساعة،.وحريم عمومتنا صرت إثمنلهن ، وجذعانهم فرقا عين جدي شيبان كبري يترددون علي هالجصة قضوا على النعمة تقل دبا ، ونا ماودي أطول عليك الحتسي عسا مايخليني منتس ، ولامن جناين قلبتس ، لاخلا ولا عدم وسلميلي على نفستس ومن يعز عليتس .و أخص بالسلام مضيوي وفطوم وقوليلهم والله ماخلان أقصر عنوتي عنكم وأشوفكم إلا إني عويجزة ولاصقة علي ظهيري وضليعاتي ومارخة كتوفي ورجيلاتي بالفقس .. ومعتس علم هالارياح يعودن بين حين وحين ومع هالبراد صايلات علي يالله حسن الخاتمة والعمل الصالح وسلمي وأنتي سالمة اختتس : منيره السمهله خخخخخخخخخخخخ هاه ؟ بشرو ؟؟ فهمتو شي ؟؟ يلا مااطول عليكم الله لا يخلين منكم ولا من جناين قلوبكم لا خلا ولا عدم وسلمولي على انفسكم و من يعز عليكم متأثر بالعجوز الى الحين دمتم
_________________ |
|
#2
12-19-2004
| ||||
| ||||
| مشاركة: رسالة عجوز قصمنجية أتحدى من يفهمها !!!!!!! هههههههههههههه سوالفهم تهبل والله لايخلينا منهم ولامن سوالفهم  ويعطيك العافيه
_________________ ثلاثه يزرعون المحبة في القلوب صاحب الخلق والمخلص لعمله و المتواضع سـ أسيرعيونهاـابـقـاً |
|
#3
12-19-2004
| ||||
| ||||
مشاركة: رسالة عجوز قصمنجية أتحدى من يفهمها !!!!!!!  الف شكر على المرور اسير عيونها
_________________ |
|
#4
12-19-2004
| ||||
| ||||
| مشاركة: رسالة عجوز قصمنجية أتحدى من يفهمها !!!!!!! هههههههههههه والله مافهمت شي تحياتي
_________________ أنــا لاجتني الزلـه من الجاهل وهو كــذاب ..! .. تركت القافله تمشي وراهـا تنبـح كـلابــه ..! ترى بدري على مثلك يعيب وساسه معياب ..!.. وياليت اللي يعيبني يحاول يستر ثيابه ..!  |
|
#5
12-19-2004
| ||||
| ||||
| مشاركة: رسالة عجوز قصمنجية أتحدى من يفهمها !!!!!!! تبي تفهم لازم يصير بك عرق قصيمي تشكراتي على المرور اخوي ولد تبوك تحياتي الى شخصك
_________________ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
