بسم الله الرحمن الرحيم

عندي لكم اختبار سهل وسريع مكون من اربع اسئلة اتمنى يعجبكم واشوف ردودكم الي تنور الصفحة .

نبدا الاختبار ومن غير غش فاهمين << تذكركم بايام الاختبارات هع هع

س1 \ في يوم دخلت المدرسة بعد مارن الجرس ومسرع تبغى تلحق الطابور .. وطرااااااخ صدمت في الاستاذ .. ايش بتسوي ؟؟

1 - تنزل راسك وتعتذر بكل ادب واحترام وتروح جري على الطابور .

2 - تسلم عليه وتقول له كيف حالك يا استاذ بجرأتك المعهودة << عشان تهدي الوضع وتاخذها عذر لتاخرك عن الطابور .

3 - ما يهمك الموضوع لانك اصلا ما كنت تجري بس تمشي على اقل من مهلك عشان تقضي اطول وقت خارج المدرسة وعادي لو اخذت تهزيئ .


س2 \ ومرة كنت تشاغب في الحصة وفاتح مقهى جوا الفصل وعصب الاستاذ منك وطلعت قرونه وقال لك يا فلان يالله امشي على الادارة يتصلون على اهلك والا يشوفون لك حل ... ايش رح تعمل ؟؟

1 - تتوسل وتترجى المدرس ما يوديك الادارة لانك ما تبغى اي نقط سودا في ملفك النظيف .

2 - تحتج على المدرس وتقول يا استاذ كل الفصل كان يتكلم مو بس انا ليش تعاقبني انا لوحدي فيضطر المدرس يعاقب الفصل كله والا ما بتسكت من اعتراضاتك .

3 - تطلع مع المدرس وانت رافع راسك كانك بتقابل الملك مو المدير عشان يهزئك وتسمع التصفيق والتصفير من وراك فترجع تنحني لهم وتاشر بيدك ( حبتين ) .


س3\ يوم كنت تمشي بالساحة في امان الله شوي ينط في وجهك واحد يقولك بلهجة هجوميه خييييير تطالع .. ايش بتقول او كيف تسوي ؟؟

1 - تقول له الله يسامحك وما تسوي شيء .

2 - تقول له ما طالعت فيك يعني من زين خشتك عشان اتامل فيك واذا بدا يضارب انت ما عندك مانع .

3 - من غير ما تتكلم تمسكه تكفخه وتتوطى في بطنه حتى يقول العييييد بكره 0


س4\ في يوم من ايام الاختبارات كالعادة كان المدرس يفتش على البراشيم وحضرتك واثق من نفسك ان ما معك شيء وجا الاستاذ يفتش درجك ولقى برشام( ورقة فيها اجوبة وحلول ) .. كيف بتبرا نفسك وحل المشكلة ؟؟

1 - تنصدم وتحلف للاستاذ والله مو حقتي تعرفني يا استاذ انا ما اغش << اتوقع بيصدقك الاستاذ لانك ولا مرة غشيت .

2 - تحاول تبرا نفسك من الموقف لكن هيهات احد يصدقك بسبب ماضيك العريق فتضطر تجيب ابوك عشان يحل المشكلة .

3 - ما تبذل اي مجهود لاقناع المدرس ببراءتك مستحيل يصدقك وعلى كلن انت راسب راسب فتوفر تعبك لتكفيخ وتفقيع الي حط الورقة في درجك .
7
7
7
7
7
7
7
7
7
7
7
7
7
7
7
7
7
7
7
7
من غير ما اطول عليكم خذوا النتائج ..

اذا كانت اغلب اجاباتك من الاختيار رقم (1) \

فانت انسان مؤدب ومثالي حدك ومن البيت للمدرسة ومن المدرسة للبيت ونظامي في كل شيء وتلبس نظارات واذا كنت بنت تسوين شعرك ضفيرتين وتلبسي نظارات بعد واكييييد دوااافير .

واذا كانت اجاباتك من الاختيار رقم (2) \

انت نص ونص مو مشاغب مرة ولا مؤدب ذاك الزود ولسانك طووويل مع شوية نذالة تحب الكشخة في لبسك وتتابع الموضة الي تعجبك ومعروف في المدرسة بالصرقعة والرجة والضحك وسوالفك ما ينمل منها مع ان عليها شوية بهارات ههههههه .

اما اذا كانت معضم اجاباتك من رقم (3) \

فلا تعليييق لانك منتهى خلاص ما عاد في امل ترجع طبيعي فالعربجة
والدجة تثبتت في مخك وما يهمك شيء فالدنيا اهم شيء تسوي الي في راسك حتى لو كانت العواقب وخيمة الخلاصة انت = متهور + عربجي + مرجوج + متعب مدرستك واهلك .

اففففففف تكسرت اصابعي وانا اكتب الموضوع بس عشان اقرا ردودكم الحلووة وننضم للمشرفين في محاربة ( المنقول )

ملاحظة \
كل الحقوق محفوظة لللآنسة توليب كاتبة الموضوع
ودار النشر مدرسة المشاغبين .

على فكرة انا استخدمت صيغت المذكر في الموضوع بس هاذا ما يعني الاختبار لهم لوحدهم حتى البنوتات الحلوووين اكيييييييد بيشاركونا صح ؟؟

ويالله ابغى اسمع التشجيع
تووووووووليب وبس والباقي خس << شجعوني عشان اكتب مواضيع تانية هع هع

وتحياتي المعطرة بزهرة الحب الخجولة ( زهرة التوليب )
من صديقتكم
جودي

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه